“佢”字只有一种写法？

熊喵喵

我支持楼上anl的讲法! 其他意见均与楼上说法一致......

Ultra

粤语文字口语化好明显，既然“他”同“她”发音相同，平时讲话中根本无法从读音分出嚟，分开两个字冇太大必要。即使唔改，同粤语嘅文字特性毫无冲突。

katck

其實唔使搞咁多嘢，一個「佢」字已經足夠。我哋大多數人講嘢都有特定對象先講，唔會無緣無故咁去講嘅。
而且人有一個習慣，無論係講嘢同寫嘢都會顧及上文下理，如果硬緊要喺中間抽一段出來講，咁就真係無人明。
例如：有三個人嘅聚會，其中兩個人已到咗，咁佢地兩個人嘅對答會係咁。

甲講：「我八點半就來到啦，你遲咗成半個鐘，等死人咩，咁遲早啲講啦。」
乙回應話：「唔好意思，塞車我都唔想，係呢「丙」呢？」
甲話：「佢重衰，影都無，電話又唔通，唔知死咗去邊！」

好似上面嘅例子，有我、你、他三個人，喺廣東話入面，我地會用我、你、佢三個不同嘅稱呼來講同寫，咁樣係好清楚分明嘅。無論你非當事人，只係講人是非都好，你一定會明白當中三人嘅身份，唔會搞唔清楚。
如果多個三個人而係對答中用佢字嘅話，都係會先指出第四個人嘅名，然之後先會用佢字來形容嗰個人。
用返上面嘅例子，加多個「丁」嘅人入去，會變成：

甲講：「我八點半就來到啦，你遲咗成半個鐘，等死人咩，咁遲早啲講啦。」
乙回應話：「唔好意思，塞車我都唔想，係呢佢哋兩個呢？」
甲話：「丙重衰，影都無，電話又唔通，唔知死咗去邊！丁就啱啱打電話來，重撘緊車，十分鐘內到。」
乙：「丙，佢就例遲啦，唔使理佢，等埋啊丁來，我哋去先啦。」

以上例來講，佢哋泛指兩個人，但喺指明邊個係邊個嘅時候，會先點名然後至會用「佢」來指定繼續講嘅人就係「丙」或者「丁」嘅其中一人。
所以我哋廣東話雖然係得一個「佢」字，但不論係講同寫都唔會令其他聽同睇嘅人唔明白我哋係講緊咩嘢嘅。

就算喺白話文中寫他、她、它哩三個字，都唔會喺中間抽一句出來講，因為咁係無人會明講緊個。

他說：「學而時習之。」

好似哩句咁，如果你知「學而時習之」哩句嘢係邊源出喺邊，你會以為「他」係指孔子。但係，如果係一個我哋唔知係乜水講嘅，我哋會意會到寫或講嘅人係引述緊其他人講哩句說話。但係究竟係指邊個呢，如果無上文下理我哋通常當係某某人曾經講過一句咁嘅說話。
亦都唔會理解唔到，只不過我哋通常會將上面嗰句定義為一句句子就算，除非知道上文下理，我哋先會知寫或講嗰個人係指定「他」係指「嗰個人」講哩句說話。

nusushika

原帖由 芬1012 於 2005-12-13 07:26 發表 建议用：佢，姖，犋

犋

nusushika

原帖由 dada 於 2006-4-2 12:21 發表 我唔識「古漢語」嘅定義﹐不過我直覺到「伊」表示女性係近代嘅事。 ①《國語辭典》﹕「第三人稱代名詞，相當於彼﹑他。詩經‧秦風‧蒹葭：『所謂伊人，在水一方。』宋‧柳永‧蝶戀花‧佇倚危樓風細細 ...

伊在閩南語中好似也有「他」的意思。

zhongy22

本人就觉得佢一份为二：「佢」同埋「姖」嘅读音应该为：「佢」读音为「距」，「姖」读音为「企」；或者：：「佢」读音为「企」，「姖」读音为「距」.

 

「企」嘅读音系广州上面嘅，而「距」就是粤西一带嘅，咁样就可以从读音中分别男女，比普通话好好多……大众更加容易接受，又系一个创新……