廣州話「草」老婆嘅「草」點寫？

紮那魯剛多

廣州話「草」老婆嘅「草」點寫？

neolite

就係「娶」卦。

紮那魯剛多

音唔同

嶺南散人

原帖由 紮那魯剛多 於 2009-8-28 22:32 發表 音唔同

音變而已

bajatvj

我以為你講「肏」添，草音可能是方言音

僆仔

原帖由 嶺南散人 於 2009-8-29 00:21 發表 音變而已

 

討

南汉

娶，白讀音[草]。常識。

紫凤凰

我覺得係「湊」嘅音轉。

紫凤凰

娶，點轉都未必轉到落cou，頂多係cyu或ceoi。

neolite

关键係个字嗻，你见到「娶」知道係「草」就得了。

csywashing

娶，近代粤语时应该发成cü，到了后来部分原来ü音就变成eoi，如「出」，「徐」等字。而娶发「草」，应该跟「出」/ceoi/发音时情况一样。有时部分人发「出」字时，会其中的/o/拉长，或者讲系/o/向/i/收紧时有意或者无意地把个个过渡放长，听起身就成/coi/。

同样，「娶」原为/ceoi/,把/o/到/i/过渡拉长，就成/coi/,而把/o/拉长同时，嘴型比发/eo/时要大，而发/o/音时条脷系平放，嘴型向前有些许撮（语言学叫开口呼），咁/i/音条脷应该系抬高到硬颚用舌面发音，并且/i/音发音时嘴型系要向两旁裂开(语言学叫齐齿呼)，咁/oi/发音过程系首先，/o/嘅嘴型首系从开口到合口，之后把嘴角向两旁裂开。但把/o/音拉长后，嘴角向两旁裂开嘅动作就被退迟,呢个时候个音就成类似/u/音。咁因为前面拉长/o/后，令到整个音发音重心向前，咁/i/自然被弱化，再经过一段时间嘅语音发展就成「草」音。

其实就系广州粤语中部分音，由「撮嘴呼」向「开口呼」发展嘅一个现象。

不过系我处就无咁发我处比较"保守"，只会发cü/cü。好似系150年前嘅语音特点--撮口呼强盛。

[ 本帖最後由 csywashing 於 2009-10-7 12:58 編輯 ]

EdwardWong

鬚都可以讀/sou/了，娶何以不能讀/ts'ou/？
但不像csywashing兄所說的。娶的/ts'oy/音確是從/ts'y/來的，但/ts'ou/音卻是從/ts'u/來的，新婦也能讀成/samp'ou/，是不是？
[ 本帖最後由 EdwardWong 於 2009-10-1 23:13 編輯 ]

csywashing

原帖由 EdwardWong 於 2009-10-1 21:48 發表   鬚都可以讀/sou/了，娶何以不能讀/ts'ou/？但不像csywashing兄所說的。娶的/ts'oy/音確是從/ts'y/來的，但/ts'ou/音卻是從/ts'u/來的，新婦也能讀成/samp'ou/，是不是？ ...

唔系所有嘅/eo/音都系从/ü/,如「徐」原读/cü/,现在广州音系/ceoi/,但如"水"本身就系/seoi/，就唔系从/süi/变嚟。如果原系/ü/音后尾变/eoi/音，这种字相对比较活跃，所以出现再次音变可能性会大过原来就系/eoi/音嘅个哋字，如「水」、「随」就无变化。

娶--/cu/其实都系从/cü/嚟嘅，/u/同/ü/都系粤语中唯一唔同就是条脷嘅位置，平放就系/u/,抬起身就成/ü/。本来抬起身发音嘅娶/cü/,放低条脷就成/cu/。开口大少少，就成/cou/。/ceoi/同/cou/应该都系源于/cü/，只不过系两个音变分支。

重有，「新妇」，系粤语中发成「心抱」。「妇」，原来就系/u/,到不过系广州话里头就发展成开口呼双韵母/ou/。/u/->/ou/，区别就系开口程序，开口大就系/ou/了。（如南宁白话，「好」，「高」都会发成类似/hu/,/gu/，原因就系南宁人发呢两字时开口唔如广州人大，下鄂下沉唔明显，/ou/前个/o/发音嘅时间就会短，听起身就似/u/;甚至南宁部分后生就一于发成/hu/,/gu/--不过我个人认为呢种系"细路哥"发音，真正南宁人其实仲系会有下鄂下沉发/ou/嘅音，只不过/o/音嘴型唔如广州话咁明显,/o/发声系喉咙。呢种有哋似英文美音同英音系/o/呢个音嘅区别。美音会发/o/,而英音会发成/əu/,/ə/系英音里头整个口形系做咗出嚟，咁系美音里头，嘴型动作就冇英音咁明显.）如果再大哋/ou/音就成咗/au/,所以梧州人发"好"，「高」，都会系/hau/,/gau/。

[ 本帖最後由 csywashing 於 2009-10-7 13:29 編輯 ]

此君

取-娶

自然音變

EdwardWong

原帖由 csywashing 於 2009-10-7 12:55 發表 娶--/cu/其实都系从/cü/嚟嘅

究竟是 ts'y > ts'u ，還是相反，資料闕如，很難斷定。也可能很久以來，就是平行發展的，而且往往白讀比文讀更為存古。

至於 y > oy ， u > ou， i > ei ，是近代粤語的髙元音裂變，可参考《分韻撮要》。該書髙姑都等字是在同一韻下的。

唔三唔四蠢魚

咁，「草」钱准备「草」老婆，又点解释啊？

紫凤凰

所以我先話係「湊」，因為有「湊錢」，而且記得好似有句俗語叫「湊個老婆好過年」（cou go lou po hou gwo nin）。

普君南拆遷居民

儲cou5錢娶cou2老婆

csywashing

储，我哋D系发成cü(cyu)无cou音。

EdwardWong

原帖由 唔三唔四蠢魚 於 2009-10-7 22:28 發表 咁，「草」钱准备「草」老婆，又点解释啊？

「湊錢」也只是一種猜測，雖然對照其他字例，比「儲錢」的可能性髙。

湊，中古侯韻去聲清母。雖然侯韻在現代粤語（廣州話）絕大多數作/au/，但也有少數作/ou/的，如「髏母部」也是讀/ou/。
儲，中古魚韻平聲澄母。雖然魚韻在現代粤語（廣州話）也有零星作/ou/的，但都是精組字，知章組只作/y/。
因此「湊錢」的可能性比「儲錢」髙。

另魚兄讀/ts'ou/錢同/ts'ou/老婆同音？