|
關於組織力量對網上反粵言論基地進行集體反擊的號召書
自推普以來，推普力量同維護粵語嘅力量鬥爭不斷，涉及到社會嘅方方面面。但可惜由於推普力量雄厚，維粵力量喺長期嘅不對等競爭中一直處於劣勢。無論經濟政治文化三方面我哋都落後咗。經濟政治文化嘅劣勢我哋無法彌補，但系文化上嘅劣勢我哋就有能力扳回一局。因為所謂文化嘅劣勢，其實就系話語權嘅缺失。推普力量利用其先天優勢，壟斷住各大電視報紙等媒體，以及教育系統上嘅資源，不斷單方面噉樣進行強勢嘅「推普」宣傳，並有意無意噉樣中傷詆毀，由於呢啲壟斷資源嘅巨大宣傳效應，造成咗對粵語極大嘅輿論損傷。幸好，天無絕人之路，喺一片絕境之中，科技進步終於賦予咗我哋一樣新嘅武器，令我哋重新睇到扳回劣勢嘅曙光，佢就系互聯網。互聯網嘅宣傳效應系我哋手上唯一能夠同大眾媒介上嘅推普宣傳相抗衡嘅武器。所以，如果要取得話語權，或者話守住基本嘅話語權陣地，互聯網系我哋維粵人士嘅最後陣線，不可退讓。但可惜嘅系，目前互聯網上一樣有一部分人居心叵測噉樣宣傳推普思想，佢哋利用一個個推普陣地，借推普之名，行反粵之實，大肆中傷詆毀嶺南事物，其中首當其衝嘅就系我哋嘅文化核心——粵語。並且令人擔憂嘅就系，呢啲言論近年嚟甚囂塵上，大有蓋過維粵言論，使我哋失去埋互聯網言論話語權之勢！！
其實，佢哋嘅呢啲惡毒言論毫無理論根基，根本就系純屬嘅謾駡，經不起駁斥，佢哋之所以能夠得逞，只系由於佢哋人多勢眾，趁著維粵力量分散之機而得逞其實，只要我哋所有網上維粵乃至維方力量聯合起嚟，一齊對呢啲推普人士嘅惡毒言論進行有理有節嘅反擊，佢哋一定會喺互聯網呢個陣地上潰敗，到時我哋就可以牢牢保護住我哋嘅網上話語權。
下面我就帖幾張嚟自其中一個大型反粵陣地百度普通話吧嘅相嚟到證明反粵言論嘅囂張。
呢啲言論喺百度普通話吧甚囂塵上，所以普通話吧理應成為我哋首個打機目標。各位，系時候聯合起嚟嘞，聯合起嚟約定一個時間到普通話吧進行一次大規模嘅言論反擊啦。系時候結束各自為政嘅狀態嘞，聯合起來，就等佢哋知道，我哋一樣可以駁倒佢哋啞口無言！！團結起嚟，組建網路聯合粵軍，直搗反粵基地！！
響應本次號召嘅請跟帖說明，然後通知各個粵語協會群，等呢張帖廣而告之，然後嚟一次群會議，約定同一個時間，嚟一次徹徹底底轟轟烈烈嘅大反擊。
如果各位發現有其他同樣囂張甚至更加嚣张嘅推普基地，歡迎提供位址，等我哋趁住呢次聯軍行動一樣同佢嚟一次掃蕩！！
| 
發表於 2009-6-11 23:48:37
發表於 2009-6-13 23:42:22
