粵語人士快啲醒——粵語瓜得喇！

外外星人

講多無謂，影低最實際：

外外星人

呢位沈大人嘅豪言壯語——聽到都打冷震！

點解啲滿大人咁憎粵語嘅呢？唔通粵語、粵人前世同佢有仇？

外外星人

照噉睇，粵語瓜梗！   

你哋點睇呀？係燒炮仗定係奏哀樂？或者......

攸固

以己欲為先,以學術為次.
此對文化无好處.

外外星人

查實，粵語經已冇晒生存空間喇！！！

殘酷嘅事實話畀我哋知：
自動櫃員機ATM——對晤住，冇粵語提示音；
神州行查詢號碼13800138000——對唔住，冇粵語語音服務；
地鐵報站——試過冇粵語；
巴士報站——居然將粵語排到屘，連冇乜人聽嘅英語都爬佢頭；
論壇——冇乜人會用或者識用粵語寫帖；
學校——老師唔講粵語、更加之唔畀學生講；
公務員——考普通話標準試（有冇人話我知，使唔使考粵語？）；
亞運會——以廣州為東道主嘅亞洲體育盛事，居然話漏咗粵語（噉都得？）；
粵語詞彙——經已冇乜人記得喇！用普通話詞彙講嘅、寫嘅「冇語」重係粵語咩？

一個以粵語為母語嘅大省，粵語畀人刻意排擠，粵語文化連渣都冇，重叫得文化大省咩？

請搜索論壇內相關文帖：
《粤语人口锐减》、《粵語報站排到屘——大家點睇？》、《「粵語」會唔會變咗關鍵詞？》......

外外星人

守住自己嘅地盤，打一場粵語保衛戰，係每個粵語人士嘅義務。

雨夜街燈

一个傻佬瞓唔着起身放咗个屁之嘛,震到你哋都起埋

SusanLai

或者樂觀啲去睇

今時今日大部份香港人都重係粵語好過英文, 英文好過普通話

如果有人用普通話同香港人講嘢, 可能寧願用英文都唔用普通話回應

 

就算係大陸移民落嚟香港, 或者大陸落嚟香港讀書

佢地都會明白喺香港長時間生活, 點都係要學識講粵語

 

而且, 粵語可以話係除咗普通話以外唯一仍然有官方地位嘅方言, 起碼香港同澳門立法會可以用粵語先

世界上其他用漢語作為官方語言嘅地方, 包括中國大陸, 台灣, 甚至新加坡, 佢地官方指嘅"中文"全部都係普通話

即使台灣漢人本身多數係用閩客方言, 新加坡華人多數係用華南地區方言, 而家全部都係要用普通話

 

所以, 我只可以話沈生嘅講法, 截至現時為止都係言止過早, 甚至有種吹水唔抹嘴嘅感覺

要香港推普, 一係學當年蔣介石時期嘅台灣噉, 喺學校、大眾媒體、公開場合講粵語嘅要罰錢, 噉得啦啩

當然我唔希望噉樣

[ 本帖最後由 SusanLai 於 2009-5-26 03:45 編輯 ]

外外星人

原帖由 雨夜街燈 於 2009-5-26 01:43 發表 一个傻佬瞓唔着起身放咗个屁之嘛,震到你哋都起埋

梗唔係啦！你有冇睇清上高啲內容咖？你唔知語萎會嗰啲犀利法，講得出口，就預咗話到做到，而家都做緊嘢喇！兩廣唔使講，佢哋嘅推普基地吖嘛！香港有三億推普基金畀佢哋使住先，遲下三十億都有知，點都要鏟平粵語，佢哋先瞓得安樂！呢啲嘢，你話會講笑咩？！

xiss

一个精神病人话：「决不允许中国长期存在。」值得去理咩？

同理，一个狂躁病人喺道大放厥词，值得关注咩？

canton_rights

「語萎會」分明系浪費納稅人錢財嘅 fascism 機構，應該立即取締！

不关云和月

乜水呀？佢嘅为自己系秦始皇呀？厥词一出有冇畀HK People炮轰？大家反应越大越好，咪以为只有讲煲冬瓜先系爱国，只有讲煲冬瓜先配中国人身份先得咖。等佢以后讲嘢先经过大脑过滤下，咪以为老虎唔发为，当人hello kitty！！

外外星人

原帖由 xiss 於 2009-5-26 14:38 發表 一个精神病人话：「决不允许中国长期存在。」值得去理咩？同理，一个狂躁病人喺道大放厥词，值得关注咩？

水浸眼眉喇，細佬！

暖水煮田雞煮得好舒服呢？唔好理人放乜，硬之「人哋有聯防隊，重有機關槍」，唔到你唔識驚。

外外星人

原帖由 SusanLai 於 2009-5-26 03:38 發表 或者樂觀啲去睇今時今日大部份香港人都重係粵語好過英文, 英文好過普通話如果有人用普通話同香港人講嘢, 可能寧願用英文都唔用普通話回應   就算係大陸移民落嚟香港, 或者大陸落嚟香港讀書佢地都會明白喺香 ...

沈大人唔係言之過早，亦唔係吹水，而係講出真相啫。佢唔講，你重喺度估估下，而家擺明車馬，遲早食埋你隻「公」咖嘞！

[ 本帖最後由 外外星人 於 2009-5-27 01:00 編輯 ]

soler.ho

你杞人憂天姐，今日我先去完「荔灣區勞動就業培訓中心」度開會（因為要攞失業證），就算係呢啲政府部門佢都照樣用粵語進行會議講座，粵語邊有咁快玩完吖，如果佢有心搞嘅話一早就取消曬所有粵語電視節目同埋廣播，仲有巴士上便嘅粵語報站啦（海就係一個典型例子喇，凈係得普通話）。自從聯合國將cantonese定義為語言之后，國家都唔會話立亂搞啲乜嘢行動嘅，你咁得閑不如揾啲正經嘢做下好過喇。

soler.ho

上高打漏就一個字，應該係「上海就係一個典型例子喇，凈係得普通話」

小農DNA

原帖由 外外星人 於 2009-5-26 21:58 發表 水浸眼眉喇，細佬！暖水煮田雞煮得好舒服呢？唔好理人放乜，硬之「人哋有聯防隊，重有機關槍」，唔到你唔識驚。

  係囉,你條儍佬不如揸支槍去搞甲命吖.

Lucciora

絕對不允許沈炯長期存在

 

做低佢

cingsan

大家告佢！挑釁民族團結！！！！！

cingsan

越睇越激氣！佢鹵味吖