|
1）琴晚車仔又客場贏二比一喇。（昨晚切爾西又以客場贏二比一了）
2）碧咸大腳一抽，嗰球正正省中門柱。（貝克漢姆用力抽射，球剛好擦中門柱）
3）噉我哋今晚一于響M記等啦。（那我們今晚就決定在麥當勞等吧）
睇以上粵語對一啲英文名稱嘅翻譯，系咪覺得又方便好用又有親切感呢？由於粵語嘅發音比較豐富，構詞又比較精簡，用粵語蒞翻譯英文詞彙，肯定比普通話更方便好使，更顯優勢。利用呢種優勢再加上譯者嘅發揮，梗系會畀讀者同觀眾帶蒞凌舍唔同嘅感覺啦。
再品評一下：
1）車仔，其實系 「車路士」，系對球隊名稱Chelsee嘅譯法。普通話譯「切爾西」，大家可以對比一下，姑無論譯詞同原詞喺發音上邊個貼近，單系睇用字，「車路士」就靚仔好多啦，起碼有啲內涵，似返個名，唔打得都嚇得啊嘛。再簡稱為「車仔」，就更加連細路哥都記得了。而「切爾西」就齋到只系得返個讀音，一啲肉感都冇。
2）「碧咸」PK「貝克漢姆」，粵語用字嘅精簡一眼見曬。究其宗，實為粵語有入聲字同M韻尾，而普通話冇，所以咪只能攞多兩只字（「克」、「姆」）蒞表示「Buckham」中「ck」同「m」嘅讀音啰。類似嘅例子再比如「佐敦」VS「喬丹」、 「施丹」 VS「齊達內」……真系一下子都數唔曬。
3）粵區嘅店鋪洋行，傳統上多以「XX記」、「XX行」等命名。將「McDONALD」譯作「麥當勞」（其實系粵譯咗先傳畀普通話），再簡化成「M記」，既易嗌易記，又符合粵人習慣，而且仲帶有少少調皮添。記住，凡系最草根最親民嘅詞彙，先至系最生猛嘅詞彙。
不過上述咁多精彩嘅翻譯，多數系出自港人嘅口筆。反觀我哋粵區，相對蒞講早已經畀普通話同化得失去曬自己嘅個性同靈性。英文新聞裏面講到「美國政府」時好多時直接用Washington蒞指代，中央同廣東呢邊嘅傳媒都一般譯作「美國政府」，又論盡又失曬原味；但系香港人就識得譯作「華府」，真系境界全出，比原詞仲要貼切。其實呢個已經超出咗粵語同普通話差別嘅問題，而系頭腦嘅靈活性甚至系水平嘅高低問題了。對於美國前任總統Bush，普通話譯「布什」，讀成「Bu4 shi2」，仲算過得去，但系我哋嘅珠江臺偏偏要照字讀成「布拾」，真系失禮死人。香港就譯成「布殊」，用粵語蒞讀，顯然系勝人一籌啦。
[ 本帖最後由 六叔 於 2009-5-9 17:03 編輯 ] | 
發表於 2009-5-9 16:20:08
發表於 2009-5-23 20:17:59
發表於 2009-5-29 03:03:54
ffice" />
