恰其實係啱都有問題?

neolite

就係之前睇過一篇關于『尋日、聽日、遞日』嘅文章囉。嗰度話遞日先正確（我都唔知用唔用『恰』好）。我上網查過，真係有遞日嘅講法。

《南史·袁粲传》：「时 粲 与 齐高帝 、 褚彦回 、 刘彦节 递日入直，平决万机。」《南史·儒林传·孔子袪》：「事竟，敕 子袪 与右卫 朱异 、左丞 贺琛 於 士林馆 递日执经。」 唐 吴兢 《贞观政要·尊敬师傅》：「 太宗 乃令 洎 （ 刘洎 ）与 岑文本 、 马周 递日往东宫与皇太子谈论。」 轉自漢典。

因爲遞有更替，變异嘅意思。所以遞日就係改日，擇日。從而度可以推出，遞時應該都差唔多。

嶺南散人

原帖由 neolite 於 2009-5-13 20:46 發表 就係之前睇過一篇關于『尋日、聽日、遞日』嘅文章囉。嗰度話遞日先正確（我都唔知用唔用『恰』好）。我上網查過，真係有遞日嘅講法。《南史·袁粲传》：「时 粲 与 齐高帝 、 褚彦回 、 刘彦节 递日入直，平决万机。」《南史 ...

不過「遞日」同「第二日」嘅意思係一致嘅，會唔會「第日」係「第二日」嘅縮略？

外外星人

從粵語嘅習慣嚟講，第日、第時，呢啲噉嘅講法，係有遞日嘅意思（唔係Hambaanglaang嘅意思）。但係，我哋講第二日嗰陣，你會唔會逐個字嚟講吖？咪好自然噉講咗第日出嚟！故此，唔使考究噉多嘅，自己嘅母語都信唔過，信本唔識講嘢嘅書，真係會輸餐死囉！

芬1012

原帖由 neolite 於 2009-5-13 20:46 發表 就係之前睇過一篇關于『尋日、聽日、遞日』嘅文章囉。嗰度話遞日先正確（我都唔知用唔用『恰』好）。我上網查過，真係有遞日嘅講法。《南史·袁粲传》：「时 粲 与 齐高帝 、 褚彦回 、 刘彦节 递日入直，平决万机。」《南史 ...

 

「第」「遞」同音，而且又有咁多書記載，噉，「遞日」都接受嘅。

neolite

我有個問題，有時候，遞日唔一定係第二日喔，遞日可以指今後嘅日子，所以『遞日見』就即係『日後再見』。不過，一般要判斷究竟係唔係指第二日就要靠語境。好似，『今日要通頂啊，因爲遞日要考試』，呢嘅時候，遞日就等于第（二）日了。總嘅來講，遞日所指範圍大好多，包含第二日，當你要精確表示第二日就用第日囉，我係噉理解嘅。唔知咁多位前輩認爲點呢？

嶺南散人

原帖由 neolite 於 2009-5-14 09:33 發表 我有個問題，有時候，遞日唔一定係第二日喔，遞日可以指今後嘅日子，所以『遞日見』就即係『日後再見』。不過，一般要判斷究竟係唔係指第二日就要靠語境。好似，『今日要通頂啊，因爲遞日要考試』，呢嘅時候，遞日就等于第（二）日了。總嘅 ...

「第二日」並唔一定指「翌日」，譬如，「今日唔得閒，第二日先喇！」該個「第二日」就可以係遙遙無期嘅日子。

嶺南散人

不過將「第二日」理解成「遞二日」問題就解決哂囉。

neolite

係啊，所以用『遞』就可以唔理三七廿一，以後嘅嘢，邊個都講唔埋。

雲淡風輕

由文言文角度去睇, 遞日 比較符合以後日子之意.反觀 第日 從字義來看根本解不通.而從古文可以看出,前人多只會用 遞日 或 旦日,而沒有會用第日的.可見 第日 一詞根本多是用於記音的俗寫. 若真是寫出來的話,就要寫 遞日!

neolite

再次多謝雲淡風輕嘅支持。

外外星人

嗱、嗱、嗱，我都估到有人會噉講嘞！

 

遞日呢個講法之前都睇過啦！唔係而家先知囉！

 

冇錯，遞日解釋得有紋有路，喺書面嚟講，係通嘅。【說文解字】係噉解嘅：更易也。从辵虒聲。特計切。照噉睇，遞係動詞囉喎！噉對應嘅「現代漢語」咪係「改日」囉！啱唔啱先？

 

第日，係我哋講第二日嘅口語音，好明顯，呢度嘅第做名詞用：第,次也。——《小尔雅·广诂》。噉點解要安個動詞嚟替代佢啫？！意思咪唔同咗？況且，第日（對應嘅「現代漢語」應該係「次日」），將來時態，語法都啱埋添！你想搵乜詞去替代佢呢？

 

我唔識字嗰陣，覺得係第（二）日；到咗識字，都好自然噉覺得係第（二）日。

neolite

反正表示第二日（下一日）就用第日，次日都係表示第二日，好合理。表示日后嘅就用遞日（包含第二日）。可唔可以噉理解啊？例如：遞日見——以后再見（唔一定次日）（唔精确，泛指）；第日起程——次日起程（精确，特指下一日）。

嶺南散人

原帖由 neolite 於 2009-5-15 11:31 發表 反正表示第二日（下一日）就用第日，次日都係表示第二日，好合理。表示日后嘅就用遞日（包含第二日）。可唔可以噉理解啊？例如：遞日見——以后再見（唔一定次日）（唔精确，泛指）；第日起程——次日起程（精确，特指下一日）。 ...

「第二日」或「第日」同「遞二日」或「遞日」其實應該係一個詞來嘅。