恰其實係啱都有問題?

neolite

恰嘅基本字義:正巧,刚刚,合适,适当.

啱嘅基本字義:

合；合适：呢种款式啱心水

对；行；可以；适当：你讲得啱

恰巧；刚好；正巧：佢啱撞到个老友

同"啱"的完全一樣.

Jake_ct

樓主走火入魔矣。

外外星人

恰字點讀呀？

芬1012

你話係唔係嬲到震啊。「尋日、沉日」咪就係噉樣搞出嚟嗰囉。

 

遲啲就會俾呢班「友」搞到亂哂坑咖嘞。

 

有啲人成日話「胡言亂語」，改一個字都啱佢哋使咖嘞。

 

等我得閒嗰陣啦，caau哂呢班「友」啲「傑作」出嚟示吓眾。

 

唔係佢哋以為naan有型噉，查實係醜過遊刑。

neolite

我的確有尐走火入魔。因爲覺得『恰』簡單得來，意思又吻合，就係唔知點解無人接受。畀個香港造字『啱』統治咗咁耐，簡直根深蒂固。其實『恰』字同『巧』字都差唔多啊，例如：乜咁巧啊？你絕對唔會讀haau2，而會讀kiu2。

雲淡風輕

啱 其實是兩個本字合併的.

 

恰, 音aam.當恰好,剛好解! 所以說 恰恰好, 正是此字.

韾, 音aam.當韾聽.好聽解! 所以說 韾聽, 韾用, 便是此字.

 

第一個是入聲對換.p <--> m.

第二個是以音為聲. 暗,闇,諳 均是同一個音.所以韾也是如此.字典上那個yam是不對的.以今音古反切出來的效果,和口頭用語明顯不合,此為一例!

嶺南散人

「啱」讀作[ngam]，唔係[am]，[am]係嬾音！

 

 

用嬾音來正字？謬矣！

neolite

多謝晒Jake_ct、外外星人、芬1012、雲淡風輕 嘅囬覆，令到而個沉寂多時嘅話題得到關注。

 

Jake_ct：

多謝你第一個復我。

 

外外星人：

可能由于專注喺個字度，無提到個讀音，真係唔好意思。

 

芬1012：

多謝你嘅意見，你先唔好咁興。大家喺而道都係交個朋友，發表一下自己意見嗻。無論點，多謝你嘅用心良苦。

 

雲淡風輕 ：

辛苦晒你，畀到咁好嘅答案我。

 

嶺南散人：

唔好意思，無留意到懶音問題就直接將查到嘅讀音搬上來。不過亦都講明咗，懶音問題十分嚴重！

 

外外星人

係臖，唔係興，頭暈身臖，粵拼冇收到呢個字。去我個人空間度睇下啦，有著數咖！

UngooChan

攞出嚟討論都冇罪嘅，人哋提出一種可能性啫，又冇話一定係邊個啱邊個唔啱。

况且呢度係高級書院。

neolite

我当时都有諗过用而个『臖』，但係諗到头晕身臖，觉得好似同肿痛無咩关系就都係用返通俗易懂嘅『興』，唔知道有無专家知道『興』有無發怒嘅意思呢？

外外星人

頭暈身臖原指身體狀況，若果單純話人臖，就有激動嘅意思囉，未必係指發嬲嘅。講到呢度，怒可能係本字，乜中州音呀、古音呀嗰啲，怒字讀nau都有可能，但係而家啲人見到個怒字，斷估唔會讀nau，故此，研究還研究，我哋重係寫嬲。

neolite

唔该晒外外星人，如果講到激動嘅意思，『興』係唔係有『興奮』嘅意思呢？好似咩殺到興（有人讀性）起。『嬲』應該都係香港造字，記得嗰陣時睇電視劇講過，兩男夾著一女咪得個『嬲』字囉。受噉影響，我都一直用『嬲』來代替『怒』，最近查過『嬲』都無怒嘅意思就改用『怒』了。

芬1012

「高級書院」原嚟就係kaai嚟噉嘅，都幾方便方便啊。咁多位何生，失覺哂。

neolite

我真係發覺樓上條友好似唔畀人發表言論噉嘎喔。你咁威又唔見你發表咩『大作』出來畀大家開下眼界，自以爲是，講嘢帶刺嘅，好似咩都睇唔順眼噉。

芬1012

噉就怒喇？唔好怒，唔好怒。你恰，你恰，吓。

 

係嘞，我naa你唔係友，至少而家唔係，或者第時會係嘅，不過你唔好喺人哋塊面度畫大花面至好啵。

外外星人

原帖由 neolite 於 2009-5-12 10:25 發表 唔该晒外外星人，如果講到激動嘅意思，『興』係唔係有『興奮』嘅意思呢？好似咩殺到興（有人讀性）起。『嬲』應該都係香港造字，記得嗰陣時睇電視劇講過，兩男夾著一女咪得個『嬲』字囉。受噉影響，我都一直用『嬲』來代替『怒』，最近 ...

邊度有人讀性咖？你話我知，等我摑醒佢！

芬1012

原帖由 外外星人 於 2009-5-12 21:17 發表 邊度有人讀性咖？你話我知，等我摑醒佢！

 

啲滿大人。

neolite

sorry啊，『芬記』。我講嘢過分咗，請你原諒我啦。我都唔知點解無端端會想鬧人，我諗我都明白點解你會嬲啲人『玩弄』文字。重有，想問下，『第時』用『遞時』定『第時』。因爲有人提醒過，應該用『遞日』。所以我妄自揣測，用『遞時』，請斧正。

外外星人

點解你覺得用遞時呢？