00后

僆仔

我有個囡囡，讀緊小學，前幾日我問下佢，妳哋上堂悶唔悶嘎？？

 

佢話：「幾啦，但係堂上最開心就係上數學課，喺講解課題時經常用三種語言一齊講課，犀利啩！」

 

做咩要用三種語言講課呀？？

 

佢話：「老師搞氣氛吖嘛，活躍下我哋」

 

點樣三種語言法呀？

 

佢話：「先用普通話讀題，再用我哋個話嚟講解，最後嚟一句英語『明白未』」。

 

 

不关云和月

三种语言都好过剩系允许学生讲普通话啩？以前我哋全程母语教学，有时会有个别插班生（外地人）加入，老师都唔会迁就佢一个半个转变上课使用嘅语言，只系要求佢多哋同同学交流，尽快听得明粤语跟得上教学内容啫，而家就唔系嘞，好似搞到全民皆普不可。有啲家长本身讲粤语，而同自己啲下一代交流就用普通话，奇怪到极点。

外外星人

母語教育，寸土必爭，無須禮讓！

攸固

粵人加油呀,一定要保著華夏文化.

亂棍歐死越南仔

原帖由 攸固 於 2009-4-13 01:52 發表 粵人加油呀,一定要保著華夏文化.

好多屎忽鬼都觉得系粵文化唔系华夏文化架。。。佢地要搞分化分开佢

不关云和月

今日返工嗰阵，一时唔知买咩早餐食，于是就谂住买个桶装面就算啦，同士多店个女人讲咗我要面，重说明要牛肉嗰只，点知姖原来系外省，听唔明我讲乜，兼就用啲耐烦口吻同我讲：「说普通话嘛！」简直莫名其妙，真系好想反问姖一句：「点解？」，不过最后我都算嘞，懒得同呢啲人问咁多，费时袋钱入姖袋，转身走人。生意系姖嘅，理得姖咁多唧，我今次抑或以后都唔会再帮衬姖，系咁先。以前我唔会咁执着，人啲听唔明，就好自然同佢哋讲普通话，之但系，发觉啲人得寸即进尺，讲得难听啲就系「一边食奶一边骂娘」，对呢啲人就唔可以手软。

 

外外星人

原帖由 不关云和月 於 2009-4-15 21:59 發表 今日返工嗰阵，一时唔知买咩早餐食，于是就谂住买个桶装面就算啦，同士多店个女人讲咗我要面，重说明要牛肉嗰只，点知姖原来系外省，听唔明我讲乜，兼就用啲耐烦口吻同我讲：「说普通话嘛！」简直莫名其妙，真系好想反问姖一句：「点解？」，不 ...

金融危機，嗌佢哋返歸啦！

tonybean

乜你未聽過有《喜羊羊與灰太狼》粵語版咩？林峰配喜羊羊，黃宗澤配灰太狼，麥長青配蓬chacha，我有喔～～

不关云和月

系？可唔可以畀个封面昅下，我都去买。几钱呀？

tonybean

冇封面喔，我都係下載嘅，佢個CAST度有粵語配音員，我先知有再Down個。

不关云和月

某日，呢个小朋友又出现喺我屋企，我就试图下载个广州话版畀佢「开眼界」，点知原来系我一相情愿，佢话佢唔想睇广州话。

 

某某日，见到同事嘅仔仔，亦系一个00后，同人交流用普通话，我觉得好奇怪，于是八下啦，原来佢读军区幼儿院，所以无论你哋讲咩话都好，佢只会同你讲普通话，真系一额汗。作为广州人，畀自己嘅下后代随意放弃自己嘅母语，原来好多人都觉得无所谓嘅。

外外星人

原帖由 不关云和月 於 2009-5-12 21:33 發表 某日，呢个小朋友又出现喺我屋企，我就试图下载个广州话版畀佢「开眼界」，点知原来系我一相情愿，佢话佢唔想睇广州话。   某某日，见到同事嘅仔仔，亦系一个00后，同人交流用普通话，我觉得好奇怪，于是八下啦，原来佢读军区幼 ...

畀laau思維同化咗！