《Click入黄金屋》固之然有紋有路，但係啲字幕就真係睇過都要洗眼，對白講糖水，字幕就打出甜湯。
第樣嘢呃到我，水還水、湯還湯，點撈得埋呢？！廣東人飲嘅湯水，查實係兩樣嘢，煲三燉四講嘅都要三粒鐘啦，三滾兩滾咪係水囉。
我哋講嘅湯水，係分湯同水兩樣嘢。
平時嗌人嚟屋企喫飯，都係講「過嚟飲啖湯啦！」噉嘅。斷估都係煲緊煲老火靚湯等人客嚟飲，唔會係三滾兩滾嗰啲啩？！
煲湯講火候，正所謂煲三燉四，老火靚湯就要煲足三粒鐘，有西醫學家話冇營養，加上好多人慣咗食快餐，於是乎三滾兩滾就算。當然，芫茜大魚頭滾豆腐都得，聚得下火添；重有天熱煲嘅冬瓜水，都幾消暑去濕嘅，但係，呢啲充其量都只能夠算係湯水中嘅水。
講返糖水，比如綠豆沙，雞蛋蓮子糖水，呢啲都係糖水，加少少米落去，綠豆沙就變咗綠豆粥，但點都冇可能變綠豆湯。以前廣州泮溪酒家就試過收一百文碗綠豆沙，啲GAA仔唔嫌貴，事關碗糖水度加咗件百年嘅陳皮，嗰時係上世紀七十年代，一百文相當於兩三個月人工，呢碗糖水唔單止有品味，重好名貴添。不過，泮溪酒家就冇賣過咁有品味同名貴嘅「甜湯」嘞。
以上都係事實，實事求是啫，「自以為是」就唔敢高攀囉！
抄勻成個論壇，都唔覺有乜先知發過呢個話題，後覺惟有獻醜啦。
PS：一張咁嘅帖，有能本事寫咗個幾鐘。一時講唔清楚，大家有怪莫怪。
[
發表於 2008-12-18 22:08:42
明徙當鼓勵呀？！