香港話=/=廣東話

highyun

许苑树在2005-08-31 14:23:32說道：[br]香港的语调和广州人说话的语调不一样~ 至少我去广州听当地人讲粤语的时候感觉和平时听hk明星讲话感觉不一样

广州人同香港人讲嘢嘅音调的确有唔同，正如以前曾经讨论过嘅，香港嘅比较“软”，广州嘅比较“硬”。 不过有一样嘢要留意，就系你所讲嘅所谓广州当地人，究竟系真正嘅广州人抑或喺广州居住嘅外地人呢？

kitata

>>40岁以下懒音者居多，具体数字未经统计。星爷就好标准，所以我都中意听佢讲嘢 甘又唔一定咼！我見好多40歲至50歲既香港人都有懶音既現象， 其實客觀一ｄ睇：好多人根本唔知乜野係懶音架，佢地講話咬子只係出於一個自然發展出黎既語音現像。 如果再講老一ｄ既香港人，佢地就可能係帶鄉音(眾多不同原藉)而唔係懶音。

余OK

anl在2005-08-31 22:00:51說道：[br]余ok，我同你傾偈都講過唔少啦，時下肯定有唔少細路仔識講佛山話。 之前我已經講過我有一個佛山嘅契妹，佢成口都係佛山話，而且佢根本發唔準廣州音。佢係一個好好嘅例子。 有時有啲嘢，自己未聽過唔代表冇，唔好唔承認自己見識少，呢個世界重有好多嘢你未見過。

關於我所講嘅嘢你可以問返佛山人，比如highyun，睇吓我講得啱唔啱囉。。。 唔知你又眞正接觸過幾個佛山人呢？！你又有冇眞正實地體會過佛山人講嘢呢？我相信我接觸過嘅四鄉口音肯定比你多。我都冇話絕對冇佛山後生仔女曉講佛山話，而且我敢肯定，你嗰個契妹即使係佛山口音，但而家講嘢肯定冇老一脫佛山人講嘢口音咁重。。。

顺德水蛇粥

余ok在2005-08-31 23:48:37說道：[br][quote]anl在2005-08-31 22:00:51說道：[br]余ok，我同你傾偈都講過唔少啦，時下肯定有唔少細路仔識講佛山話。 之前我已經講過我有一個佛山嘅契妹，佢成口都係佛山話，而且佢根本發唔準廣州音。佢係一個好好嘅例子。 有時有啲嘢，自己未聽過唔代表冇，唔好唔承認自己見識少，呢個世界重有好多嘢你未見過。

關於我所講嘅嘢你可以問返佛山人，比如highyun，睇吓我講得啱唔啱囉。。。 唔知你又眞正接觸過幾個佛山人呢？！你又有冇眞正實地體會過佛山人講嘢呢？我相信我接觸過嘅四鄉口音肯定比你多。我都冇話絕對冇佛山後生仔女曉講佛山話，而且我敢肯定，你嗰個契妹即使係佛山口音，但而家講嘢肯定冇老一脫佛山人講嘢口音咁重。。。[/quote] 同意余生嘅讲法，此乃本人亲身感受。

highyun

绝对同意你嘅讲法，而家听到讲佛山话嘅，多数系年纪比较大嘅人，市区嘅后生一辈基本上好少人讲，或者只带有好淡嘅口音，所谓嘅老城区佛山话已经日渐式微。 可能去到澜石、张楂嗰边，就会听到比较多人讲佛山话。

余ok在2005-08-31 23:48:37說道：[br 關於我所講嘅嘢你可以問返佛山人，比如highyun，睇吓我講得啱唔啱囉。。。 唔知你又眞正接觸過幾個佛山人呢？！你又有冇眞正實地體會過佛山人講嘢呢？我相信我接觸過嘅四鄉口音肯定比你多。我都冇話絕對冇佛山後生仔女曉講佛山話，而且我敢肯定，你嗰個契妹即使係佛山口音，但而家講嘢肯定冇老一脫佛山人講嘢口音咁重。。。

Anl

講眞，我嗰個契妹嘅佛山話口音淡唔淡我就唔識分，不過同佢講嘢嘅時候，要好仔細聽，有陣時要佢重複一次先聽得清。 佛山嘅情況我確實知得少，我嗰個契妹都好耐冇聯繫喇。

kylie

嘩甘快兩page嚇左嚇 我穩唔到根據啊，我係聽d hk friend講廣東話有9個音，所以不嬲都以爲廣州話係啦，點知係一個website睇到d人學廣東話，但果度教嘅音淨係6個，甘lor。 仲有係我同hk同學傾計距地有時會唔係好明，之後俾人話我有d音唔凖，大佬我爺爺同嫲嫲果代已經係響廣州大，甘大個女都未俾人話我講野發音唔凖，then都係3年過左澳洲少講左d中文ji ma駛唔駛啊，，所以先有呢個問題 em16:

barryshawn

由於粵語以廣州話為標準，你應問香港話等唔等如廣州話會好ｄ

答案係冇分別

我係香港人，我好多親戚都係廣州人．

只不過香港ｄ後生仔講野特別快，特別多俚語，

（就像英文中所謂既美式俚語）又快又好俚語

廣州ｄ後生一般聽得明香港人既俚語

電影，電視，係創造新俚語既源頭，而家仲不停咁加入好多新俚

[此帖子已經被作者於2006-10-24 7:17:35編輯過]

highyun

又摷返呢個帖出嚟講添。

　　其實而家嘅廣州後生同香港後生講嘅話基本相同，只係詞彙有少少唔同，好多新詞彙都係以香港帶動，廣州好快就會跟上。其實有人覺得廣州同香港嘅發音唔同，係因為兩地粵語處於唔同階段，香港不斷向一種“軟粵語”發展，廣州雖然冇咁“軟”，但亦跟住香港嘅步伐走。
　　其實而家嘅廣州話，比20年前嘅香港粵語更似而家嘅香港粵語，呢樣嘢就講明兩地粵語都係向某種趨勢發展，不過以香港行先。

auroraforever

膜拜~

學習咗....

[em02]

leon_jeng

雖然香港人與內地廣東人所講的廣東話有所區別﹐但兩者都屬一個語種-廣東語系。廣州人講廣東話速度比香港人的慢又斯文﹐佛山人講的廣東話更加溫柔﹐東莞人講的廣東話口音較為沉重﹐寶安人(深圳人)講廣東話口音接近香港。粵西人﹑廣西人講廣東話混著“捱音”﹑“福佬音”。粵北人講廣東話接近廣州口音﹐但詞彙卻與官話雷同。惠州人原本操嘉應話﹐卻受廣東化其語言受廣東語之影響﹐變化甚多﹐今可列入廣東語系的一種。