點解叫"竹星"？-highyun移-

kylie

成日聽d阿叔話: 哎呀連日期都甘鬼佬，竹星真係竹星! 咁究竟"竹星"點黎架呢？同"香蕉仔"嘅意思一唔一樣？

highyun

kylie在2005-08-08 16:41:40說道：[br]成日聽d阿叔話: 哎呀連日期都甘鬼佬，竹星真係竹星! 咁究竟"竹星"點黎架呢？同"香蕉仔"嘅意思一唔一樣？

都系“黄皮白心”噉解，即系有中国人嘅外表，有鬼佬嘅思想

kylie

可唔可以講下"竹星"嘅由來啊？同埋距係形容詞定係名詞？唔該 em3:

dada

黃皮白心嘅係「香蕉」。 「竹升」本來係「竹杠」。呢個「杠」字讀「降」﹐唔好聽﹐所以就變咗「竹升」。竹升係兩頭唔通，即係中西都唔得嘅意思。可能重加埋中間空（冇料）。em2: 係名詞。

itxu2k

旧时用来量米煮饭嗰只竹筒有冇人叫做"米升"嘅?肇庆就有... 不过唔知此"升"同彼"升"有冇关系 em8: 冇记错嘅话,以前阿爸话过我知呢个"升"系量词,十"升"等于一斗定几多嘅...冇晒印象 em4:

kylie

搞甘耐原來係貶義詞 em16:

highyun

kylie在2005-08-08 21:38:29說道：[br] 搞甘耐原來係貶義詞 em16:

我想请教吓你，abc又系咪贬义词？

dada

abc表面上係中性。但叫abc﹐唔叫中國人﹐都係意味中文程度差﹐我認為係貶義詞。

kylie

highyun在2005-08-08 23:48:26說道：[br][quote]kylie在2005-08-08 21:38:29說道：[br] 搞甘耐原來係貶義詞 em16:

我想请教吓你，abc又系咪贬义词？[/quote] 我覺得唔係. abc= american-born chinese (or america-born chinese), 係英文黎架，意思係0係美國土生土長嘅華人，同美籍華人唔同(<<因爲美籍華人出生唔係0係美國)，abc通常距地都唔識講中文，或者中文唔掂 例句: here comes an abc! 不過後面好少跟"富"數 仲有其他地方嘅，好似 canada-born chinese, australian-born chinese, italian-born chinese...em13:

dada

你一語指出﹐abc通常佢哋都唔識講中文，或者中文唔o店。我就係為噉﹐認為呢個叫法好極有限。

kylie

係外國長大，讀番書大，中文唔好可以接受wor, 都唔算貶義詞挂 好似香港人俾人叫"honkies" 甘，等於"香港仔/香港妹" 同"港燦"唔同... 有時距地自己騎騎笑叫自己abc,bbc添，唔方貶得去邊挂 em3:

highyun

kylie在2005-08-09 18:07:26說道：[br]係外國長大，讀番書大，中文唔好可以接受wor, 都唔算貶義詞挂 好似香港人俾人叫"honkies" 甘，等於"香港仔/香港妹" 同"港燦"唔同... 有時距地自己騎騎笑叫自己abc,bbc添，唔方貶得去邊挂 em3:

从我周围嘅朋友嘅使用习惯嚟睇，abc可以算系贬义词，畀我嘅感觉同“竹星仔”差唔多，都系形容一啲冇咗中国人内涵嘅喺外国长大嘅中国仔。 听讲陈冠希被称为“陈冠a”都系呢个原因。

余福智

竹升来自竹杠，我以为dada讲得对。至于米升，开初真系可以量出一升米的。后来连牛奶唛都用，米竹就又可以叫米唛了。嘅嘅

dada

我本人都係abc。 em2:

highyun

dada在2005-08-10 00:25:33說道：[br]我本人都係abc。 em2:

你应该系fbc

dada

唔係fbc﹐除非係f（ei1 zau1）bc。em2:

highyun

dada在2005-08-12 02:18:43說道：[br]唔係fbc﹐除非係f（ei1 zau1）bc。em2:

唔好意思，成日记咗你喺法国出世添，向你“saa6”个“lam1”先。

dada

輪到我唔好意思﹐乜嘢係saa6 lam1﹖未聽過噃！唔係阿拉伯語吖嘛﹖

highyun

dada在2005-08-13 23:17:59說道：[br]輪到我唔好意思﹐乜嘢係saa6 lam1﹖未聽過噃！唔係阿拉伯語吖嘛﹖

我都唔系好清楚，只系睇返香港80年代嘅综艺节目听到唔少人噉讲，意思大概系“道歉”定系“致敬”

desmond

dada在2005-08-09 04:01:52說道：[br]abc表面上係中性。但叫abc﹐唔叫中國人﹐都係意味中文程度差﹐我認為係貶義詞。

當然唔叫中國人啦，因為佢哋都唔冇中國籍。