「朝鮮」理應讀「招先」，而非「潮先」。

xiss

首先，我哋應該瞭解一下，「朝鮮」國名嘅來歷：
1392年，「王氏高麗」三軍都制使李成桂廢黜咗親蒙古帝國嘅高麗第三十四代王，為咗爭取明朝嘅支持，李成桂派使臣向明朝稱臣。明朝皇帝朱元璋（明太祖）取「朝日鮮明」之意，賜國號「朝鮮」，史稱「李氏朝鮮」。「朝鮮」之名由此而來。粵語裏面，「朝日」「鮮明」， 「朝」讀[jiu1]，「鮮」讀[sin1]，由此可見，應讀[jiu1][sin1]。
 
「早晨的太陽光芒萬道多鮮豔，我們的國家因此起名叫朝鮮」。呢句係《朝鮮之歌》嘅開頭詞，簡明生動噉樣描繪了朝鮮國名嘅歷史由來。喺朝鮮嘅《東國輿地勝覽》一書中係噉樣介紹嘅，「國在東方，先受朝日光輝，故名朝鮮」。「朝鮮」，係「朝日鮮明」之意，即「朝日鮮明之國」、喺「朝日鮮明」中，朝讀作[jiu1]，鮮讀作 [sin1]。因此，將朝鮮讀作[ciu4 sin1]，係讀錯嘅。亦都因此反過嚟證明，香港嘅讀法[jiu1][sin1]先至係正確讀法。

我之前曾經話根據普通話讀法[cháo]「朝」理應讀[ciu4]，但係呢個推論必須建立喺普通話冇讀錯嘅前提下，但係好遺憾，普通話亦都讀錯，所以我之前嘅講法係錯嘅。因爲「朝日」以及「鮮明」即使喺普通話裏面讀都應該分別讀[zhāo xiān]，對應返過嚟粵語，亦都應該讀[jiu1 sin1]。所以，無論從邊個角度講，[jiu1 sin1]先至係正確讀法。

當然，普通話錯得重離譜，因爲普通話連「鮮」都讀錯，將佢讀成[xiǎn]。

中二仔

原帖由 唔三唔四蠢魚 於 2008-8-13 02:03 發表

两个都对，但两个亦都错，要视情况而定。
作为地名，如「朝鲜半岛」时，就读作「潮」，
作为国名，如「朝鲜民主主义人民共和国」时，要读作「招」。
不过而家一般人都分唔清，国内一般读「潮」，香港一般读「招」。
朝鲜一词，其含义有两个：
一个係指「汕水会潮之地」，为本义，故读地名时，应读「潮」（潮朝古通）。
另一个係明代时，李氏朝鲜上书向明朝解释国名时，指朝鲜係「朝日鲜明」之意，此本李朝穿凿附会之义，不过朝鲜民主主义人民共和国立国后，也认同「朝日鲜明」一义，故读国名时，投其所好，读「招」可也。
至于「朝鲜战争」，因战场涵括整个朝鲜半岛，故应读作「潮鲜战争」，而「抗美援朝」，係指援助朝鲜民主主义人民共和国，所以要读成「抗美援招」。
如果觉得头脑混乱，干脆就读「潮」，毕竟，「潮（水）」为本义，而「朝（日）」为附会之义。

原帖由 中二仔 於 2008-8-14 11:29 發表

史記 索隱:「朝音潮 直驕反 鮮音仙 以有汕水 故名也 汕一音訕」

本讀「潮」[tsiu4]

 

古有「汕水」,朝向汕水,所以叫「朝鮮」(似乎同「潮汕」好有淵源 )

中二仔

朝鮮一語非朱元璋所賜,而係自古有之

朝[dziu1]鮮=朝日鮮明

朝[tsiu1]鮮=朝向汕水

 

之前蠢魚已經解釋過,兩個音都無問題

嶺南散人

《朝日新聞》個「朝」幾讀？

xiss

原帖由 中二仔 於 2008-9-3 06:01 發表 朝鮮一語非朱元璋所賜,而係自古有之 朝[dziu1]鮮=朝日鮮明 朝[tsiu1]鮮=朝向汕水   之前蠢魚已經解釋過,兩個音都無問題

香港唔教歷史？
「朝鮮」國名源自朱元璋所賜呢一點，係一個歷史常識。

xiss

原帖由 中二仔 於 2008-9-3 06:01 發表 朝鮮一語非朱元璋所賜,而係自古有之 朝[dziu1]鮮=朝日鮮明 朝[tsiu1]鮮=朝向汕水   之前蠢魚已經解釋過,兩個音都無問題

唔知道「朝向汕水」究竟同「朝鮮半島」有么嘢聯係呢？如果你明，唔該你解釋多次。

中二仔

原帖由 xiss 於 2008-9-4 01:25 發表 唔知道「朝向汕水」究竟同「朝鮮半島」有么嘢聯係呢？如果你明，唔該你解釋多次。

史記 索隱:「朝音潮 直驕反 鮮音仙 以有汕水 故名也 汕一音訕」

中二仔

原帖由 xiss 於 2008-9-3 23:46 發表 香港唔教歷史？「朝鮮」國名源自朱元璋所賜呢一點，係一個歷史常識。

學校無教過「朝鮮」國名源自朱元璋所賜,唔該你證一下

順便解釋一下明朝朱元璋先起嘅「朝鮮」為何會喺千年之前嘅<索隱>道有

嶺南散人

史記卷一百一十五 朝鲜列传第五十五

xiss

原帖由 中二仔 於 2008-9-4 06:34 發表 學校無教過「朝鮮」國名源自朱元璋所賜,唔該你證一下 順便解釋一下明朝朱元璋先起嘅「朝鮮」為何會喺千年之前嘅<索隱>道有

香港教材認真犀利，居然可以連呢個歷史片斷都忽略！！
不過要提提你，你哋冇教係你哋嘅事，但係事實係事實，既然你哋歷史書冇教，噉樣只能夠委屈你哋香港學生惡補以下呢段歷史嘞。呢段歷史，喺大陸係歷史常識嚟咖。

嶺南散人

可以可解決：

 

司馬遷時代嘅「朝鮮」讀[tshiu lsin]；

 

明代以後經過重新闡釋嘅「朝鮮」讀[tsiu lsin]。

xiss

原帖由 嶺南散人 於 2008-9-4 18:09 發表 可以可解決：   司馬遷時代嘅「朝鮮」讀[tshiu lsin]；   明代以後經過重新闡釋嘅「朝鮮」讀[tsiu lsin]。

宜家正正係「明代以後」！
而且從常識去推論都知道，北韓政府喺擬定國名時究竟會受邊段歷史嘅影響更加大。

中二仔

原帖由 xiss 於 2008-9-4 17:52 發表 香港教材認真犀利，居然可以連呢個歷史片斷都忽略！！不過要提提你，你哋冇教係你哋嘅事，但係事實係事實，既然你哋歷史書冇教，噉樣只能夠委屈你哋香港學生惡補以下呢段歷史嘞。呢段歷史，喺大陸係歷史常識嚟咖。 ...

無證據,係事實??

既然明朝朱元璋先起嘅「朝鮮」係事實,為何會喺千年之前嘅<索隱>道有??

點解呢?

 

反而古書有呢個,係可以證明「明朝先有朝鮮一名」唔係事實

[ 本帖最後由 中二仔 於 2008-9-4 19:52 編輯 ]

中二仔

我堅持:

確鑿證據顯示,兩個音都無問題

SO,帖一講嘅「陽平聲讀錯」,係錯嘅

 

普羅大眾家下讀音:

兩個音都有

 

解決方法就係:

兩個音都無問題

 

~完~

嶺南散人

原帖由 中二仔 於 2008-9-4 19:54 發表 我堅持: 確鑿證據顯示,兩個音都無問題 SO,帖一講嘅「陽平聲讀錯」,係錯嘅   普羅大眾家下讀音: 兩個音都有   解決方法就係: 兩個音都無問題   ~完~ ...

可以將兩個「朝鮮」進行分工。

 

朝鮮[tshiu lsin]：即史記所指之國家。

 

朝鮮[tsiu lsin]：即明朝之一屬國。

cingsan

唔係啩？我都係受社會主義教育，歷史邊有話朝鮮個名係朱元璋起嘅？？？

中二仔

原帖由 嶺南散人 於 2008-9-4 20:22 發表 可以將兩個「朝鮮」進行分工。   朝鮮[tshiu lsin]：即史記所指之國家。   朝鮮[tsiu lsin]：即明朝之一屬國。

你要分工亦都無問題,不過唔好否定人哋嘅音就得喇!

xiss

原帖由 中二仔 於 2008-9-4 19:49 發表 無證據,係事實?? 既然明朝朱元璋先起嘅「朝鮮」係事實,為何會喺千年之前嘅<索隱>道有?? 點解呢?   反而古書有呢個,係可以證明「明朝先有朝鮮一名」唔係事實 ...

噉樣我問你，你夠唔夠膽寫包單話「朝鮮」呢個詞與朱元璋無關？

xiss

原帖由 cingsan 於 2008-9-4 21:05 發表 唔係啩？我都係受社會主義教育，歷史邊有話朝鮮個名係朱元璋起嘅？？？

或者你無心受教育囖，又或者你只係關心「三民主義」囖！如果唔係真係冇辦法解釋點解我喺大陸知道呢樣嘢而你就唔知道嘞.......

cingsan

以後都叫北韓算。。。。