越語近義詞分析

芬1012

搵 —— caau

 

（有人將個「caau」寫成「耖」，唔知啱唔啱，唔敢講，唔理佢著先）

 

「caau」就實係「搵」，但係「搵」就未必係「caau」啵。

 

譬如：你喺條馬路度「跌」咗個銀仔，噉好自然就會搵嘞。冇理由喺條馬路度caau嘢咯。

 

            若果係喺個櫃桶度搵嘢呢，噉就實係caau嘢嘞（除非個櫃桶乜都冇）。

 

亦即係話，喺一堆嘢或者一zaa6嘢度搵，就係「caau」。

 

「caau佢出嚟」，呢句說話認真有深度，直情係冇得彈啊。

芬1012

「食完飯未？」

 

「食咗飯未？」

 

「食哂啲飯未？」

 

第1、2句說話有dit多唔同，tung' 第3句就好唔同。

 

順便講吓，第3句嘅「飯」字前便係有個「啲」字嘅，呢個係越語sinzi有嘅語法，係復數式冠詞。

芬1012

呢兩個字就難分dit嘞，好多時啲人就求其喺個動詞前便加個「可以」就算數。（并唔係話唔用得「可以」）

 

查實呢兩個字都係動詞後綴嘅形式（越語嘅動詞後綴除咗「gan（緊）」「zo（咗）」之外，大概重有5、6樣形式（或者應該講係形態）添嘅）

 

「我唔返得嚟」

 

「我唔返到[dou2]嚟」「我返唔到[dou2]嚟」

 

好明顯，第1句係客觀原因，第2句係主觀能力。

 

又譬如：「唔食得」——可能啲嘢有毒。

 

                  「唔食到[dou2]」——可能你ngou唔到[dou2]，摘唔到[dou2]嚟食。

外外星人

原帖由 芬1012 於 2008-8-30 05:55 發表 呢兩個字就難分dit嘞，好多時啲人就求其喺個動詞前便加個「可以」就算數。（并唔係話唔用得「可以」）   查實呢兩個字都係動詞後綴嘅形式（越語嘅動詞後綴除咗「gan（緊）」「zo（咗）」之外，大概重有5、6樣形式（或者應該講係形態 ...

 

基本上无须用到；若果用，就改变咗粤语嘅结构，好似「现代文」多尐。

芬1012

人哋嘅語言發展咗，我哋嘅語言相對落後咗，呢個係事實。

 

呢個噉嘅「可以」有時又真係唔用唔得，譬如話：

 

「可以噉講」

 

「可以唔用就唔用」

芬1012

dit（尐）—— 好少

 

啲 —— 唔止一個

芬1012

多[do1] —— 唔係指數量大，唔係形容詞。「dit多」「幾多」

 

多 —— 形容詞，數量大。

 

聲調唔同，詞性就唔同。類似嘅重有：

 

圈[hyun1] —— 量詞、名詞

 

圈 —— 動詞

 

車[ce1] —— 量詞、名詞

 

車 —— 動詞

 

...

 

外外星人

难得好帖，建议加精。

芬1012

係都要

 

實

highyun

我唔會游水——I am not going to swim.

我唔識游水——I don't know how to swim.

芬1012

原帖由 highyun 於 2008-10-10 09:15 發表 我唔會游水——I am not going to swim. 我唔識游水——I don't know how to swim.

 

有時覺得都幾難為啲滿大人咖。

芬1012

「啲雞肉好韌，啲雞骨好硬」

[ 本帖最後由 芬1012 於 2008-10-19 13:05 編輯 ]

芬1012

權利 —— 係民眾嘅。

 

權力 —— 係啲官員嘅。

 

「權利」大過「權力」

 

為因，先有「權利」，後有「權力」。「權力」產生於「權利」。就正如啲官員產生於民眾一樣。「權力」係由「權利」讓渡出嚟嘅，佢嘅唯一作用、目的就係kaai嚟維護「權利」，佢只不過係「權利」嘅架撐而已。（大家不妨靜落心嚟，諗一諗，喺好耐好耐好耐以前，人類係因乜事、點樣產生出各式各樣嘅權力出嚟嘅呢。）

 

「權利」係天生嘅，係普世嘅，係平等嘅，係廣泛嘅，係冇得商量嘅，姖嘅唯一限制就係唔畀妨害人哋嘅權利；姖係你之所以係人嘅唯一標準。你有權做你想做嘅嘢，並且有權支配因此而產生嘅任何利益（事關啲利益都係你嘅）。

你有權喺自己嘅田度種嘢，有權將種出嚟嘅蕃薯賣畀亞甲、送畀亞乙、或者自己留番嚟食、食唔嘥ngau到發毛。點樣用你嘅田係你嘅權，啲蕃薯係你嘅利。
噉，你直接賣咗你啲田又得唔得呢？—— 得，梗係得啦，呢陣時，你啲田就直接係你嘅利嘞，不過之後呢，你就冇權再係嗰啲田度自由噉生活嗰囉啵，你、tungmaai你啲細路、啲細路嘅啲細路...都只能夠徛喺外便，眼光光噉睇著人哋啲細路喺原先本嚟係屬於你嘅田地上邊自由噉嬉戲、追逐。而你呢？得到呢dit咁多利之後，食咗三幾年安樂茶飯之後，你啲仔女呢？啲仔女嘅啲仔女呢？重有，你對唔對得住你啲祖先呢？

諗真吓，「權利」有時都唔係必然嘅，係好脆弱嘅，係一去不復返嘅，係要靠你細心噉、堅決噉、堅強噉維繫嘅。

 

「權力」 係由「權利」讓渡出嚟嘅，係由「權利」產生嘅，亦都係佢嘅唯一合法性。「權力」雖然有好多種，但係佢哋嘅功能都係單一嘅。佢哋喺度嘅唯一目的就係為「權利」做嘢。佢係有權而冇利嘅，佢所得到嘅就淨係得由民眾夾份嘅5嚿蕃薯、4嚿沙葛、3條鯇魚，若果做唔好，重要食自己添。
當然，若果係外族入侵、或者用槍搶返嚟嘅「權力」就唔同嘞，呢陣時，「權力」就會大過「權利」，事關佢哋想要嘅嘢就唔係我哋嘅5嚿蕃薯、4嚿沙葛、3條鯇魚咁簡單咖嘞。剩低啲嘢就自己諗嘞。

我係徛喺「權利」嘅角度寫呢篇嘢嘅，若果你係都要徛喺「權力」嘅角度嚟睇，噉又有你嘅權利嘅。不過，除非你、或者你嘅老竇係有權力嘅，又或者權力者抌咗幾嚿骨頭畀你，否則，你都只不過係自作多情嘅啫。

 

最後想講嘅係：搞清楚「權利」tung'「權力」嘅分別，係民主嘅基礎tung'前提。粵語係分得好清楚嘅，所以sinzi有孫先生佢哋。亦即係話，想我哋嘅社會進步，就要維護好粵語呢種優秀嘅文化，用粵語諗嘢。

真係好難想像喺演講、講學嘅時候，講極都講唔清楚呢兩個概念係幾咁尷尬，亦都難怪點解到而家重係喺民主嘅啟蒙階段嘞。

芬1012

舉例：新辦公樓正式啟用嘞，我哋重起用咗一班新人添。

 

            啟動一個新嘅項目

 

            起動一部汽車，起動馬達

 

母語係粵語嘅啲人好易分清楚呢幾個詞，滿大人就難啲嘞，事關佢哋係同音嘅。

 

「啟」有開啟嘅意思，通常都係啲新嘢，譬如「啟封」，而且通常係對事嘅。

 

「起」通常係對人或者物嘅。

 

可能有人會話：「辦公樓」唔係物咩？

 

「辦公樓」確實係物，但係喺呢度表示嘅係一個項目。譬如「啟封一棟大門」，就唔係話淨係喺棟大門度搣咗一張紙咁簡單嘅。

 

大家唔好跟著人哋講「啟動計算機」嘞，應該係「起動部電腦」。

 

 

 

另外，大陸嘅語文課有樣嘢叫「聽寫」，就唔知佢哋係點樣「聽」嘅呢？

芬1012

對上一篇嘅 權利 權力

 

大家有冇留意到，「民眾」係用單數嘅，「官員」係用復數嘅。

 

噉，「權利」都係單數嘅，「權力」就係復數嘅嘞。

 

點解呢？真係要諗一諗嘞。

芬1012

係「yau2」，唔係「友」

 

呢個「yau2」或者「jau2」相當於英文嘅「guy」，多數指男性。

 

「呢條yau」「嗰條yau」「你條yau」——講緊嘅未必係朋友，甚至可能係敵人添。

 

「yau2」、「友」根本係兩樣嘢嚟，希望大家寫嘢嗰陣因著（甄著），唔好搞錯。

芬1012

喂  hei3

 

呢兩個詞係分得好清、好嚴格嘅，千祈唔好搞錯。

 

喂 —— 淨係對人，而且係直接將啲嘢食擠入對方嘅口度。

 

hei —— 淨係對牲畜，絕對絕對唔對人。

外外星人

原帖由 芬1012 於 2009-1-3 02:18 發表 喂  hei3   呢兩個詞係分得好清、好嚴格嘅，千祈唔好搞錯。   喂 —— 淨係對人，而且係直接將啲嘢食擠入對方嘅口度。   hei —— 淨係對牲畜，絕對絕對唔對人。 ...

跪地餼豬乸——睇錢份上

芬1012

大家有冇聽過呢句嘢？

 

啲唔識嘅（人）就靠gwan, 啲朋友就靠ngaak, 啲屋企人就靠tam.

芬1012

講吓講吓，發覺有啲詞連近義詞都唔係，甚至唔laagaang嘅。

 

以前啲人百份之百講「安」，而家九成人講「裝」。

 

乜嘢「裝燈泡、裝電掣、裝系統、裝程序...」，都唔啱。將啲嘢「裝」入個袋度就有。

 

你嗌我「裝」好啲電掣，我就將啲電掣裝哂入個紙箱度，係唔係好搞笑？我就笑唔出嘞。