找回密碼
 註冊

QQ登錄

只需一步,快速開始

搜索
熱搜: 活動 交友 discuz
樓主: xiss

[集體回憶] Chiang Kai-shek之功過是非

[複製鏈接]
發表於 2008-8-16 16:51:41 | 顯示全部樓層
魔頭始終就係魔頭,谎言就是谎言, 说1万遍也是谎言
 樓主| 發表於 2008-8-17 10:19:29 | 顯示全部樓層
樓上,我首先要糾正一下你呢種好幼稚嘅小朋友式政治思維,喺政界裏面,從來唔會有么嘢魔頭嘅嘢。就好似呢個世界上冇好人或者壞人,只有比較好嘅人或者比較壞嘅人。
我唔會否認xxx至今的確做咗唔少錯事,以後有排清算。但係我唔該你唔好將所有xxx嘅領導人睇成係大魔頭,存心毒害中國噉樣。
政治傢係世界上最聰明嘅動物,存心毀壞一樣嘢嘅呢種傻事一個成熟嘅政治傢係絕對唔會做嘅。毒菜體制下嘅政治家只會希望利用呢個國家嘅力量嚟到實現自己嘅目標,而mow當時嘅目標就係——超英趕美,好可惜,由於佢嘅能力所限,失敗咗,重搞到全國餓咗好奈。噉樣只能夠話佢無心搞破壞,絕對唔可以話佢係大魔頭,存心搞破壞。
總之,以黨代政之下,任何政治家都擺脫唔到上述嘅邏輯,蔣成功噉樣搞好咗臺灣,但係mow就失敗咗。我哋唔可以因此就話蔣係英雄,好偉大。而mow係魔頭,好邪惡。噉樣亦都係「不以成敗論英雄」。
發表於 2008-8-17 11:04:22 | 顯示全部樓層
一個魔頭係唔會因為佢係政治家嘅身份而掩蓋到佢魔頭嘅本質,抹殺到佢魔頭嘅罪行.

不以成敗論英雄呢層當然喇.
若然以成敗論英雄,蔣芒民郭.簡直係千古罪人!

根本就祗係因為佢嘅作風行為有問題.
mo殺人從來就唔會比C大lam少.
..........&&&.........&&&.....XXXXXXXXXXXXXXXXXXXXXXX

若然係佢自己估計錯誤.導致 就如佢嘅名言"""S人嘅事是經常發生的"".
足以見證.除咗佢能力有問題之外,連智商都有問題& 佢係一個點嘅人.


除咗嗰啲上咗年紀嘅uncle喺某個年代深受某種思想毒害之外..
今時今日真係極少數再聽到有非uncle/非北撈嘅人話佢唔係魔頭..
你啲思想認真好成熟啊...


[ 本帖最後由 思覺失調 於 2008-8-17 11:14 編輯 ]
 樓主| 發表於 2008-8-17 11:19:40 | 顯示全部樓層
原帖由 思覺失調 於 2008-8-17 11:04 發表 一個魔頭係唔會因為佢係政治家嘅身份而掩蓋到佢魔頭嘅本質,抹殺到佢魔頭嘅罪行.

不以成敗論英雄呢層當然喇.
若然以成敗論英雄,蔣芒民郭.簡直係千古罪人!

根本就祗係因為佢嘅作風行為有問題.
mo殺人從來就唔會比C大lam少.
..........&&&.........&&&.....XXXXXXXXXXXXXXXXXXXXXXX

若然係佢自己估計錯誤.導致 就如佢嘅名言"""S人嘅事是經常發生的"".
足以見證.除咗佢能力有問題之外,連智商都有問題& 佢係一個點嘅人.


除咗嗰啲上咗年紀嘅uncle喺某個年代深受某種思想毒害之外..
今時今日真係極少數再聽到有非uncle/非北撈嘅人話佢唔係魔頭..
你啲思想認真好成熟啊...

比你成熟啦。
最起碼我唔會帶住個人憤怒色彩去睇一個政治家。
而你就只係識得為閙而閙,所以先至會將「魔頭」同「政治家」呢兩個概念本末倒置。
你可以話係唔識得政治,你嘅思想只係出於一種好樸素嘅「敵人嘅敵人就係朋友」思想。
[ 本帖最後由 xiss 於 2008-8-17 11:20 編輯 ]
發表於 2008-8-17 11:32:02 | 顯示全部樓層
原帖由 xiss 於 2008-8-17 11:19 發表 比你成熟啦。最起碼我唔會帶住個人憤怒色彩去睇一個政治家。而你就只係識得為閙而閙,所以先至會將「魔頭」同「政治家」呢兩個概念本末倒置。你可以話係唔識得政治,你嘅思想只係出於一種好樸素嘅「敵人嘅敵人就係朋友」 ...


係,我不嬲知你成熟!
我唔單祗唔識政治,我重唔識歷史.!

我啲邏輯重好有問題.所以先會本末倒置.

多謝你教曉我 喺政界裏面,從來唔會有么嘢魔頭嘅嘢 呢個真理!




 樓主| 發表於 2008-8-17 11:36:37 | 顯示全部樓層
原帖由 思覺失調 於 2008-8-17 11:32 發表 係,我不嬲知你成熟! 我唔單祗唔識政治,我重唔識歷史.!我啲邏輯重好有問題.所以先會本末倒置.多謝你教曉我 喺政界裏面,從來唔會有么嘢魔頭嘅嘢 呢個真理! ...

獨裁體制下,政客從來唔會係天使或者魔頭,大多數都係居於兩者之間。
發表於 2008-8-18 23:25:35 | 顯示全部樓層

侵略者係世界上最聰明嘅動物,存心毀壞一個國家嘅呢種傻事一個有正常智慧嘅侵略者係絕對唔會做嘅。法西斯思想影響下嘅侵略者只會希望利用軍事力量入侵嚟到實現自己嘅目標,而日本當時嘅目標就係——,成立大東亞聯盟(號稱令亞洲人民過上好日子),不過,由於中國軍民不肯屈服,佢失敗咗,重搞到自己國傢俾人掟咗兩個原子彈,令到中日兩國無數無辜生命斷送。唔通噉樣只能夠話佢無心搞破壞,唔通噉樣唔可以話佢地係大魔頭,存心搞破壞。

     當年東條英機係軍事法庭上能言善辯,佢話冇入侵過中國,又話自己見到亞洲人民生活貧苦,心想如成立一個東亞聯盟,就能令亞洲民衆過上幸福生活 。又話日本同中國感情就好似親兄弟一樣 點會想屠殺中國人呢,自己原意絕對係為亞洲人民好嘅,但后來事情出現咗波折  結果先會變成噉。。。。。。
   

[ 本帖最後由 vincent10 於 2008-8-19 00:49 編輯 ]
 樓主| 發表於 2008-8-19 01:34:46 | 顯示全部樓層
原帖由 vincent10 於 2008-8-18 23:25 發表 侵略者係世界上最聰明嘅動物,存心毀壞一個國家嘅呢種傻事一個有正常智慧嘅侵略者係絕對唔會做嘅。法西斯思想影響下嘅侵略者只會希望利用軍事力量入侵嚟到實現自己嘅目標,而日本當時嘅目標就係——,成立大東亞聯盟(號稱令 ...

外國侵略同本國政治家根本不存在可比性。
我諗你嘅個人情緒太多嘞,你根本唔係喺道分析政治,而係喺道發洩對現行制度嘅不滿。
發表於 2008-8-23 16:18:18 | 顯示全部樓層
政治就係鞏固政權嘅統治,演化一下,就係邊個拳頭硬邊個話事,然後,下邊乖乖聽話,改晒啲自己衰嘢,然後洗腦,冚世界都係噉。台灣如是,香港如是,大陸亦如是,從來沒有所謂的對與錯。
 樓主| 發表於 2008-8-24 02:20:56 | 顯示全部樓層
原帖由 紫凤凰 於 2008-8-23 16:18 發表 政治就係鞏固政權嘅統治,演化一下,就係邊個拳頭硬邊個話事,然後,下邊乖乖聽話,改晒啲自己衰嘢,然後洗腦,冚世界都係噉。台灣如是,香港如是,大陸亦如是,從來沒有所謂的對與錯。 ...

冇錯。
不過需要糾正一下,呢個規律適應於舊政治模式。臺灣香港唔使用呢套規律。
發表於 2008-8-24 11:25:34 | 顯示全部樓層

原帖由 xiss 於 2008-8-24 02:20 發表 冇錯。不過需要糾正一下,呢個規律適應於舊政治模式。臺灣香港唔使用呢套規律。

 

照樣用得。爾個世界從來沒有所謂的民主,也沒有所謂的獨裁。

 樓主| 發表於 2008-8-24 11:27:18 | 顯示全部樓層
原帖由 紫凤凰 於 2008-8-24 11:25 發表   照樣用得。爾個世界從來沒有所謂的民主,也沒有所謂的獨裁。

民主獨裁之分的確存在,唔好「吃不到的葡萄是酸的」。
發表於 2008-8-24 11:40:00 | 顯示全部樓層

好笑,政治從來都係噉。民主社會充滿咗拉票啊造假嘅嘢,而且佢本身嘅問題並不比你所謂嘅獨裁少。自古以來,政治鬥爭、政黨鬥爭就係經常嘅事情,無所謂對錯,曾蔭權為香港做了咁多實事,咪一樣成村人X佢,睇下美國,一樣係噉,而且又係一如既往地拉票,然後講係一套,做係一套。辯才無雙,得把口嘅人可以贏到好多選票,但係真正嘅治才卻埋沒。

 樓主| 發表於 2008-8-24 11:58:42 | 顯示全部樓層
原帖由 紫凤凰 於 2008-8-24 11:40 發表 好笑,政治從來都係噉。民主社會充滿咗拉票啊造假嘅嘢,而且佢本身嘅問題並不比你所謂嘅獨裁少。自古以來,政治鬥爭、政黨鬥爭就係經常嘅事情,無所謂對錯,曾蔭權為香港做了咁多實事,咪一樣成村人X佢,睇下美國,一樣係噉,而且又係 ...

我係話民主政治好,並冇話民主政治唔黑暗。因爲民主政治同獨裁政治最大嘅不同在於,民主政治裏面充滿政治鬥爭,但係民衆得以成爲其中嘅參與者。但係獨裁政治之下,民衆永遠只係其中嘅一只棋,所以我話,民主政治比獨裁更好。因爲民主政治裏面,民衆得以成爲其中一名施暴者,但係獨裁政治裏面,民衆永遠只係受虐者。
政治的確冇對與錯,但係有贏同輸,民衆爭取民主,實質就係要獲得共同施暴嘅權利,獲得政治鬥爭當中骯髒嘅勝利。民主帶畀民衆嘅就係呢尐。
 樓主| 發表於 2008-8-24 12:05:22 | 顯示全部樓層
我知道民主政治裏面嘅政治鬥爭分分鐘能夠比美獨裁政治。但係民衆需要嘅正正係呢尐嘢。民主政治裏面民衆隨時可以成爲暴徒,政治家嘅生活隨時可以慘過地獄,噉樣正正係民衆所需要嘅。一個國家,只有當掌握權力嘅政治家處於不公平嘅情況之下,先至可以平衡運轉落去。
你講得冇錯,民主政治唔見得比獨裁政治仁慈,但係噉樣先至更加顯出佢嘅價值。
發表於 2008-11-24 21:50:21 | 顯示全部樓層
唔知XISS 重有冇興趣討論下蔣介石……?
 樓主| 發表於 2008-11-24 23:03:05 | 顯示全部樓層
當然歡迎同你交流下意見啦,只要唔好「開戰」就係囖
先重申幾點:
1。我唔反國民黨,而我唔擁共,更加唔係憤青。
2。我嘅出發點係「政治實用主義」,同時強調任何政治家政治團體都擺脫唔到佢嘅天然屬性——利己性。

好嘞,你有么嘢關於蔣介石嘅見解呢?
發表於 2008-11-26 23:36:06 | 顯示全部樓層
佢最錯在北伐時冇處決張作霖,張學良。收埋佢地軍隊,東北佬咁癈,搞到日本仔咁

快打入來,唔係佢會多左時間去圍剿。西安事變都唔會發生,內戰更加唔會發生.

 

 

發表於 2008-11-27 20:01:41 | 顯示全部樓層
原帖由 xiss 於 2008-11-24 23:03 發表 當然歡迎同你交流下意見啦,只要唔好「開戰」就係囖先重申幾點:1。我唔反國民黨,而我唔擁共,更加唔係憤青。2。我嘅出發點係「政治實用主義」,同時強調任何政治家政治團體都擺脫唔到佢嘅天然屬性——利己性。好嘞,你有么嘢關 ...



點解首先要從一個人嘅身份嚟睇一個人?


 樓主| 發表於 2008-11-27 20:53:10 | 顯示全部樓層
原帖由 思覺失調 於 2008-11-27 20:01 發表 點解首先要從一個人嘅身份嚟睇一個人?

因爲一個人嘅性格決定咗佢以後最有可能係一個么嘢身份嘅人,所以就要從一個人嘅身份去睇一個人,從一個人嘅基本性格去到睇一個人。政治家之所以可以成爲政治家,就係因爲佢本身就具有政治家嘅性格,識得玩政治。亦都因爲唔係每個人都有噉樣嘅性格,所以我哋有時會話:「你唔係玩政治嘅料。」

而政治家嘅性格,毫無疑問,首先就係「利己性」,因爲政治係一個國家最高智慧嘅人所玩嘅遊戲,係強人之間嘅遊戲,其殘酷程度,如果冇天生嘅自私性,根本冇可能喺政壇立足!!
您需要登錄後才可以回帖 登錄 | 註冊

本版積分規則

Archiver|手機版|粵語協會

GMT+8, 2024-4-21 10:23 , Processed in 0.058736 second(s), 18 queries .

Powered by Discuz! X3.5 Licensed

© 2001-2024 Discuz! Team.

快速回復 返回頂部 返回列表