[討論]究竟应该系“博命”定“搏命”？

卢总

“博命”就有赌博嘅成分喺里面； “搏命”就有搏斗嘅含义喺里面。 究竟应该系边个？请指教。

highyun

有两个句子： “我就算博命都要救返佢” “我搏命跑，终于跑第一” 唔知可唔可以噉分。

芬1012

highyun在2005-07-01 23:34:24說道：[br]有两个句子： “我就算博命都要救返佢” “我搏命跑，终于跑第一” 唔知可唔可以噉分。

你这两句话的“博、搏”好似冇乜分别啵，都係“唔要命”的意思。

dada

我第一次見人寫「博命」﹗同義嘅有「拼命」﹐從扌。 有噉嘅問題嘅時候﹐我梗查《國語辭典》。我比較相信呢部辭典﹐佢話啱就啱﹐佢話唔啱就唔啱。

highyun

芬1012在2005-07-02 01:44:46說道：[br][quote]highyun在2005-07-01 23:34:24說道：[br]有两个句子： “我就算博命都要救返佢” “我搏命跑，终于跑第一” 唔知可唔可以噉分。

你这两句话的“博、搏”好似冇乜分别啵，都係“唔要命”的意思。[/quote] 睇你点理解，我觉得前者系“压上生命”嘅意思，后者系“使劲”嘅意思。跑步啫，唔使连命都唔要啩？但系救人就可能有生命危险喇。

sintra

博物馆 搏命！ 应该係我0敢解吧

卢总

芬1012在2005-07-02 01:44:46說道：[br][quote]highyun在2005-07-01 23:34:24說道：[br]有两个句子： “我就算博命都要救返佢” “我搏命跑，终于跑第一” 唔知可唔可以噉分。

你这两句话的“博、搏”好似冇乜分别啵，都係“唔要命”的意思。[/quote] 我都有同感，佢举呢两个句子，说明唔到问题，同我讲嘅差唔多。

卢总

dada在2005-07-02 05:41:03說道：[br]我第一次見人寫「博命」﹗同義嘅有「拼命」﹐從扌。 有噉嘅問題嘅時候﹐我梗查《國語辭典》。我比較相信呢部辭典﹐佢話啱就啱﹐佢話唔啱就唔啱。

可唔可以引述你本辞典里面嘅内容，等大家一齐研究下？

dada

《國語辭典》﹕ 「博」﹕ [形]①廣大﹑眾多的意思。廣韻．入聲．鐸韻：「博，廣也﹑大也﹑通也。如：「廣博」﹑「地大物博」。 ②比喻見識廣大。如：「淵博」。荀子．修身：「多聞曰博；少聞曰淺。」 [名]姓。如漢代有博子勞。 [動]①賭錢。論語．陽貨：子曰：「飽食終日，無所用心，難矣哉！不有博弈者乎？為之猶賢乎已！」史記．卷八十六．刺客傳．荊軻傳：「魯句踐與荊軻博。」 ②獲取。如：「博得同情」﹑「博得美人心」。 「搏」﹕ [動]①雙方相撲打鬥。如：「搏鬥」。左傳．僖公二十八年：「晉侯夢與楚子搏。」 ②用手撲打。如：「搏擊」。 ③拍擊。宋．蘇軾．石鐘山記：「微風鼓浪，水石相搏，聲如洪鐘。」 ④攫取、拾取。史記．卷八十七．李斯傳：「鑠金百溢，盜跖不搏。」 [名]見「脈搏」條。 「搏命」﹕ 相似詞﹕拼命﹑死拼。 解釋﹕以性命相拚鬥。如：「又不是什麼重要的事，幹嘛與他搏命？」 我諗﹐又唔係同人賭﹐冇理由寫「博命」嘅。

hajunbi

我都認同"搏命"... 而"博"係博愛,博大,博學,嘅"博"

土著堪顿尼斯人

我觉得冇咩可能用“博”囉。点都讲唔通。

顺德水蛇粥

小学鸡嘅问题，“搏”

卢总

今日又攞番呢个话题出嚟讨论，唔知大家又会有啲咩睇法或者见解呢？

相信以下嘅链接里面会有相当热烈嘅讨论：

http://www.blogcn.com/user25/general_lo/blog/45708570.html

Yuok

　　樓主好耐冇見喎，可以多啲將閣下blog嘅文轉嚟呢邊分享討論。

卢总

QUOTE:

以下是引用dada在2005-7-7 4:13:43的發言：
我諗﹐又唔係同人賭﹐冇理由寫「博命」嘅。

首先好多谢你嘅分享！

我已经将“搏命”同“博命”嘅理由写喺我自己个主页里面，你过去踩场睇睇，畀啲意见啦！

卢总

QUOTE:

以下是引用Yuok在2006-11-6 15:07:00的發言：
　　樓主好耐冇見喎，可以多啲將閣下blog嘅文轉嚟呢邊分享討論。

呢层当然要啦，正准备写番个《畅谈广州话》嘅系列，还望阁下多啲踩场，不吝赐教！

卢总

QUOTE:

以下是引用hajunbi在2005-7-10 10:27:31的發言：
我都認同"搏命"...

而"博"係博愛,博大,博學,嘅"博"

个“博”字嘅意思相当“博大”，你睇下我嘅文章就知道咖喇！

卢总

QUOTE:

以下是引用顺德水蛇粥在2005-7-12 17:03:01的發言：
小学鸡嘅问题，“搏”

小学鸡识鬼答咩！

不过你嗰张张悦楷、林兆明嘅合照就认真经典！

Ultra

“搏命”跑係因爲後面有狗追呀！梗係唔要命啦！

Anl

搏鬥，脈搏大家都知，肯定係“搏”。
噉bok8命係用“搏”定係“博”呢？
如果按道理，“搏命”唔係賭注。首先如果你知道實力懸殊，會唔會重同佢打鬥落去？其次，如果大家實力差唔多，噉就要“拼命”去爭取機會贏啦。講到呢度，“搏命”嘅近意詞就係“拼命”。“拼”都用“手”，bok8命亦都係用手。原意係打鬥，應該用手，祇係有人聯想過於豐富，覺得bok8命係一場賭博，就以爲係“博命”。