香港话同广州粤语用词的区别[转]

xiss

原帖由 中二仔 於 2008-7-13 14:35 發表 首先嗰堆「研究語言嘅人」有一部分係廣州人,一部分人係為咗標新立異,表示自己與眾不同嘅身份,先至唔用一個香港俗用嘅詞--「廣東話」亦有一部分人係採分古代廣州指兩廣嘅講法,以為自己好巴閉又有人係默認廣州身為 ...

中二同學，我覺得你嘅語氣已經係喺道覺得「香港人好巴閉」。我哋廣州人似乎冇你哋香港人咁「巴閉」。

而且我提醒你一句，廣州話作爲粵語標準音呢點應該係唔使懷疑嘅，就連你哋香港語言學學會搞嘅正音節目亦都係講「廣州話」，我哋廣州都收到香港台，所以我哋好清楚。

你話廣州人話「廣州話」以爲自己好巴閉，唔好意思，「廣州」嘅地位唔係我哋自封嘅，係廣州自古作爲廣東地區嘅首府積累返嚟嘅，亦都係其它環繞城市眾星捧月噉樣「捧」出嚟嘅，呢一點，單靠廣州人自己嘅「封」，絕對做唔到。

重有，一向廣府地區都只係講「粵語」，「廣州話」，以及「XX話」（XX代表講話人所在嘅城市），只係近年嚟你哋香港無端端爆出個「廣東話」，重一味向外宣傳。唔單止令潮汕客家地區嘅人產生唔會，重差尐取代咗最傳統嘅「粵語」。香港人係唔係有尐越位呢？

 

以上我係為咗澄清一下嗰由「廣州話」一詞而產生嘅對廣州嘅誤解，作爲一個廣州人我必須噉樣做。如果有咩地方得罪咗香港貴人，請原諒。

[ 本帖最後由 xiss 於 2008-7-17 23:01 編輯 ]

desmond

以前再勁啲係直接叫「中文」。

97後普通話愈見重要，先至少咗咁講。

中二仔

原帖由 xiss 於 2008-7-17 22:50 發表 中二同學，我覺得你嘅語氣已經係喺道覺得「香港人好巴閉」。我哋廣州人似乎冇你哋香港人咁「巴閉」。

誤解喇,我無咁講過喎.......

中二仔

原帖由 xiss 於 2008-7-14 23:48 發表 香港嘢都係要問香港人熟悉尐嘅。中二同學，我根據你哋香港政府嘅習慣拼法，整理收集咗一套粵語嘅拉丁拼法轉寫方案。麻煩你幫手睇睇有冇邊道出現比較大嘅不足吖。 http://bbs.cantonese.asia/viewthread.php?tid=11175&p ...

我其實對我地套習慣拼法無幾多認識.....

我就覺得你整理得好好,我都唔覺有唔妥

shigan

对于香港人 广东话就是粤语的俗称  广州粤语是粤语的子方言之一 在香港大部分市民都是讲是广东话（保守估计超过8成以上） 只有少数人推崇讲广州粤语 而推崇广州粤语的专家当中有部分祖籍来自广州 所以不排除有主观因素

xiss

原帖由 shigan 於 2008-7-18 12:06 發表 对于香港人 广东话就是粤语的俗称  广州粤语是粤语的子方言之一 在香港大部分市民都是讲是广东话（保守估计超过8成以上） 只有少数人推崇讲广州粤语 而推崇广州粤语的专家当中有部分祖籍来自广州 所以不排除有 ...

呢位兄台咁嬲廣州話呢種講法，唔知廣州邊道得罪你呢？唔知你承唔承認「廣州話」係粵語標準音呢個事實呢？如果唔承認，你認爲邊道係標準音呢？你鄉下話啊？