各位请记住，粤语不等同于广州话

csywashing

原帖由 xiss 於 2008-8-23 02:41 發表 人哋只係想設個標準，為粵語嘅標準化出力。但係你就以爲人哋喺道搞等級。計我話，根本就係你心中有條刺，有尐文化自卑，所以人哋一講廣州話爲標準就敏感到以爲人哋想搞等級歧視。 ...

英国80年代就取消音标教学，英国本土有上千口音，都不见人家整个似中国「普通话」咁样嘎所谓嘎标准。物理学中「测不准定律」讲明一个道理，过分追求精确系无意义嘎。只有中国呢个封建王朝几千年嘎国度致中意搞「标准」。标准目的表面系为咗沟通，其实实质系为区分。区分「准」与「唔准」，通过区分可以知道你系边度人，表面系分口音，实质同人等级。咁「准」与「唔准」就有唔同嘎程度，咁等级就自然出现。就如系英国如果带牛津音，那就是高贵的象征，但英国因为取消音标教学，这种分等级系由于历史形成嘎一种潜意识，可以知系种无意识，至少系官方层面系无分等级意识。但宜家粤语如果夹硬要整个所谓嘎标准，就系一种「有意」行为。

之前话过，方言，地方之言。真要有标准就唔系方言，就变咗「标准语」。只有「官方语言」才有所谓嘎标准。可以承认通用口音，但就唔要讲「标准」。----通用跟标准区别，强制性。

再根本无设「标准」嘎需要。两广除咗广东四邑，广西玉林呢两个地方嘎口音跟通用口音差别大，其他口音都可以互相通话。广州岭南地区中心地市，大家发音如果两个对话者口音差异过大，都好自然有种趋向广州音，呢时嘎口音系一种通用口音，系自然趋向而唔「强制」去「标准」。

如果真要话「标准」，我谂只有一个「标准」，就系「沟通」。「沟通性」系唯一评判。呢个所谓嘎「标准」系种「动态标准」，系根据对话者唔同而改变。如假设两个人对「欣赏」嘎「欣」发成「ham」都可以明白，如果硬要发成广州音「jan」，大家都唔明，咁广州音呢个「标准」就系无用嘎标准。标准嘎功能系增加沟通嘎可能性，使人和人更容易沟通更容易明白对方嘎意思。如果达唔到呢个要求，咁呢个「标准」就系只废物，有就等于无。

xiss

原帖由 csywashing 於 2008-8-26 17:44 發表 英国80年代就取消音标教学，英国本土有上千口音，都不见人家整个似中国「普通话」咁样嘎所谓嘎标准。物理学中「测不准定律」讲明一个道理，过分追求精确系无意义嘎。只有中国呢个封建王朝几千年嘎国度致中意搞「标准」。 ...

噉樣重使鬼粵語正音，粵語字詞典啊？你想發么嘢音就發么嘢音啦！不如你就將自己嘅粵語發音當成係標準啦。
明明自己係喺道妒忌廣州話，眼紅廣州話帶有「粵語標準」四個字，重喺道大講道理，你真係識得吹啊！如果係你嘅鄉下話當成係「粵語標準」，我敢保證你唔會發呢張帖。
重有，我哋幾時強制你哋去講廣州話，當廣州話係標準唔等於就話其它方音都係錯音，擺明就係你自己心中有刺，極端敏感噉樣以爲廣州話想「食」咗你嘅方音。重有，宜家係強制要你哋去講普通話啊，大敵當前重喺道搞内訌。
[ 本帖最後由 xiss 於 2008-8-26 18:30 編輯 ]

csywashing

广州口音唔粤语标准，只系通用口音。去度广州外嘎粤语地区，如到佛山，要讲佛山话而唔系广州话，到梧州就要用梧州话。系佛山，其标准就系佛山话为标准，系梧州就要用梧州话做标准。根本就无乜好妒忌嘎，每个地方都有自己嘎标准。你话广州话为标准只不过系你D广州人一厢情愿，最多就系其他粤语地区因为广州系岭南中心，卑个面你用广州音做为通用口音遮，搞清楚通用口音唔等于就承认广州音系所谓嘎标准。前面讲过，每个地方都有自己嘎标准，如果系广州外其他地方用广州音，卑你面就话你白话好好，唔卑面就话你扮嘢。每个地方都有自己嘎标准，都系标准就无所谓标准。

「當廣州話係標準唔等於就話其它方音都係錯音」，你根本就唔清楚「标准」一词嘎含义。个标准系呢度，你个音唔合标准，企系标准角度睇你个音如果超出「标准」所规定嘎范畴就系错音。如果唔存在「错音」，呢个所谓嘎标准就可以话根本唔存在。

「你想發么嘢音就發么嘢音啦」「鄉下話當成係「粵語標準」」

仲话唔想整等级。唔符合你标准嘎音就是野音，异于你广州音就系乡下话。

无论点讲，粤语无设标准需要，亦都无可能设所谓嘎统一标准。

可以承认广州音为通用口音，但绝对唔系标准。

如果谂唔明「和而不同」系乜意思，都无讨论嘎必要。

xiss

原帖由 csywashing 於 2008-8-27 00:25 發表

广州口音唔粤语标准，只系通用口音。去度广州外嘎粤语地区，如到佛山，要讲佛山话而唔系广州话，到梧州就要用梧州话。系佛山，其标准就系佛山话为标 准，系梧州就要用梧州话做标准。根本就无乜好妒忌嘎，每个地方都有自己嘎标准。你话广州话为标准只不过系你D广州人一厢情愿，最多就系其他粤语地区因为广 州系岭南中心，卑个面你用广州音做为通用口音遮，搞清楚通用口音唔等于就承认广州音系所谓嘎标准。前面讲过，每个地方都有自己嘎标准，如果系广州外其他地 方用广州音，卑你面就话你白话好好，唔卑面就话你扮嘢。每个地方都有自己嘎标准，都系标准就无所谓标准。

「當廣州話係標準唔等於就話其它方音都係錯音」，你根本就唔清楚「标准」一词嘎含义。个标准系呢度，你个音唔合标准，企系标准角度睇你个音如果超出「标准」所规定嘎范畴就系错音。如果唔存在「错音」，呢个所谓嘎标准就可以话根本唔存在。

「你想發么嘢音就發么嘢音啦」「鄉下話當成係「粵語標準」」

仲话唔想整等级。唔符合你标准嘎音就是野音，异于你广州音就系乡下话。

无论点讲，粤语无设标准需要，亦都无可能设所谓嘎统一标准。

可以承认广州音为通用口音，但绝对唔系标准。

如果谂唔明「和而不同」系乜意思，都无讨论嘎必要。

啦，你重唔係有條刺驚死廣州話食咗你嘅呢尐鄉音？擺到明就係你本身就喺道敵視廣州話。擺到明就係你自己本身對自己嘅鄉音文化冇信心，擔心廣州話同化曬你哋嘅鄉音。

你嗰個所謂嘅「通用音」歸根到底咪就一樣係「標準音」！「通用音」之所以通用就係因爲個個地方都承認呢個音，認可呢個音，噉樣同「標準音」有么嘢區別。
而且，標準音嘅設置係必要嘅。否則，如果有人問起「這個字粵語怎樣讀」呢個簡單到冇得再簡單嘅問題，粵語人都唔知點樣去答。因爲為咗照顧你呢尐非廣州人嘅 文化自卑心理，粵語人不得不噉樣答：「嗯，這個問題比較複雜。首先，廣州市區是怎樣怎樣讀的，然後，廣州郊區又是怎樣怎樣讀的，然後佛山那裏又是怎樣怎樣 讀的，接著，中山那邊又是另外一種讀法。還有，玉林讀法又有所不同，還有.........」噉樣嘅答案畀人哋一聼，就會覺得粵語混亂不堪，不可捉摸，甚 至連想學粵語嘅亦都望而卻步。而且，如果為咗要照顧你嗰種文化自卑心理，各種粵語教材亦都唔知從何下手，因爲根本就唔知道應該以點樣嘅發音作爲基準。粵語 字典又係，每個字嘅發音都要一次過標明各地嘅發音，而且重戰戰兢兢唔敢標漏，費事某些文化自卑心理人士嘅反對，話佢歧視鄉音！最終嘅結果，就係各種粵語有 關嘅教學同埋研究都必須負上沉重嘅代價，嚴重阻礙阻粵語嘅現代化，甚至阻礙埋粵語嘅推廣。
我知道你點解要發出呢張帖，因爲你心裏面始終有條刺，覺得廣州話正在侵蝕你哋鄉音嘅生存空間，以及妒忌各種各樣嘅粵語研究都集中喺廣州話身上而唔去理會你哋嘅鄉音。所以你就好反感「標準」呢個詞，甚至覺得「標準」係廣州人一厢情愿自封嘅，甚至覺得廣州人好扮嘢。

我喺道必須要澄清一下：
第一，廣州話嘅標準地位並唔係廣州人自封嘅，你翻查一下歷史睇下廣州（人）幾時有以任何方式表示過「廣州話係粵語標準音」？「標準」呢個地位係各地嘅粵語 專家綜合考量之後確定為「廣州話」嘅，廣州話對於呢個「標準」頭銜由此至終都係被動接受，從未有過任何「爭取」，更唔好話係自封。

第二，廣州話冇噉樣嘅能力亦都從未有過任何打壓你哋鄉音生存空間嘅行爲，以後亦都冇噉樣嘅打算。你睇下有冇邊個正苦機構以任何行政嘅資源去直接或者間接噉 樣幫助廣州話嘅「霸權」？廣州話作爲全國大方言嘅粵語嘅代表，面對普通話嘅推廣浪潮首當其衝，自身難保，重邊道有能力打壓其它粵語方音？

第三，各種各樣嘅粵語研究資源之所以集中于廣州話，根本就同廣州人冇關，唔好以爲廣州搶曬你哋嘅資源。歸根到底嘅原因，亦都係因爲推普政策，喺呢個政策之 下，各種方言嘅生存發展空間受到嚴重打壓，所有嘅發展資源空間稀少，喺呢個前提之下，粵語嘅研究者只能夠用最有限嘅資源去首先發展其中最有可能以最快嘅效 率去擴大返粵語嘅影響力嘅廣州話。所以，喺目前方言嘅研究資源少之又少嘅情況之下，優先研究廣州話係唯一嘅選擇。實際上，你可以發現，一旦有多餘嘅資源， 其它方音都係會有有關研究嘅，例如，宜家市面上已經有「潮州話」嘅字典出售。總而言之，導致各地方音缺少研究頻臨滅絕嘅唔係廣州話，歸根到底都係推普政 策。廣州話只係由於「省城」嘅地位，能夠擁有更多嘅資源，有更大嘅力量，所以先至能夠「幸運」地亦都艱辛地堅持至今。你冇理由去妒忌一個同為受害者嘅只不 過比較幸運嘅受害者。

第四，你話廣州人扮嘢，我覺得你呢句話已經證明咗你對廣州話嘅情緒係源自你對整個廣州嘅憎恨，並唔係僅僅出於一種語言上嘅考慮。我唔知點解你憎恨（更多嘅係妒忌）廣州人，就係因爲佢哋係省城人？就係因爲佢哋生活比較豐富？但係你又知唔知道，廣州人無時無刻都喺道受緊外地（省）人嘅滋擾？廣州人嘅生活空間正喺道受到前所未有嘅擠壓。

第五，我理解你保護「方音」嘅急切情緒，但係唔該你唔好將佢無限擴大化，更加唔好將佢同粵語「標準化」對立起嚟。任何一種語言嚟到現代要想繼續保持旺盛嘅生命力以及足夠嘅自主性，就必須「標準化」，否則嘅話，點解日本明治維新之後要搞文字規範工作？韓國又係，就連中國大陸亦都要頒佈規範化嘅語言法規？因爲任何一種語言無論佢有幾長歷史，嚟到呢個年代，都必須適應潮流搞規範化，搞標準化。你話英國取消標準化？噉樣我問你，我哋宜家市場上嘅各種各樣英文詞典裏面嘅標音又係么嘢嚟咖？你可能會話呢個係通用口音，既然係通用口音，即係大家都承認嘅口音，噉樣同我哋嘅「標準」又有么嘢唔同？只不過係換一個詞嗟！換一個角度，假如英文冇呢個標準音，噉樣各本字典都可以各自爲政，自行標音，噉樣英文重有可能推廣成功咩？一個冇標準可言嘅語言叫人哋點樣去「學」？同理，假如粵語冇標準可循，粵語一樣會令到人無所適從，各種研究亦都難以開展，最後，粵語只會自己封死自己發展嘅路！假如粵語都逐漸萎縮，方音就更加冇可能保全。
你話如果制定咗「標準音」，噉樣就會將方音當成錯音。我話你呢種想法先至係一廂情願，係「自己攞嚟煩」，宜家邊個人邊個組織曾經明示或者暗示過要將方音當作錯音？又有幾時做過要你哋方音自行「糾正」為標準音嘅行爲？呢一切不過係你過度敏感嘅諗法。歸根到底就係因爲你對自己嘅方音缺乏信心，有自卑感。

總之，麻煩你唔好本末倒置，因爲「覆巢之下，豈有完卵」，粵語如果完成唔到現代化，獲得新嘅生命力，方音亦都走得唔會好遠。