感谢：<<新闻日日睇>>

外外星人

原帖由 xiss 於 2008-6-20 19:14 發表 如果佢都算欺世盜名之輩，噉你又係咩啊？挽救地球嘅咸蛋超人啊？嗰尐自以爲看破塵世種種，實則淨係識得話做事嘅人，淨係識妒忌人嘅人，又唔知佢哋做咗尐咩為民請命嘅大事呢？ ...

救世者！

    ↑

请厾入呢个网址查询！

[ 本帖最後由 外外星人 於 2008-6-20 19:46 編輯 ]

顺德水蛇粥

最近有线电视喺剧集收尾乱插广告，事关全省数千万电视观众福荫，各位FANS快啲去报料畀陈扬，睇下佢有乜叉作为？

xiss

原帖由 顺德水蛇粥 於 2008-6-20 22:56 發表 最近有线电视喺剧集收尾乱插广告，事关全省数千万电视观众福荫，各位FANS快啲去报料畀陈扬，睇下佢有乜叉作为？

哈，呢尐關乎佢老闆嘅切身利益，你認爲佢老闆會畀佢播出街咩？！！為咗能夠繼續有人同我哋出聲，陳揚就必須保存自己，幫我哋出聲嘅同時謹慎發言，呢個係喺呢個特殊社會環境下不得而而為之嘅做法！唔該你唔好為咗詆毀人就提尐強人所難嘅要求。

 

你咁熱血，我都叫你去斬貪官咯，做么唔去嗟？！！呢個亦都係關乎千萬人嘅福蔭咖。

猫妖008

原帖由 xiss 於 2008-6-19 15:48 發表 但起碼陳揚肯為我哋出聲，作爲一名普通媒體人，佢係要冒好大風險咖！！（知唔知從化荔枝樹事件啊？！！）對上位者有冇用係一回事，肯唔肯出聲有係一回事。前者好有難度咖，上位者唔理你你又能如何呢？唔通你去做啲驚天地泣鬼神嘅事去吸引佢 ...

 

 

冇人要求他人去做惊天地嘅事，只系希望唔好喺同一个阶层里面制造矛盾~~重要，唔系可以有咪揸住就可以自定义边种行为系正确，边种行为系错误。

 

作为一个传媒工作者，更应该知道乜嘢系问题嘅本质，而且唔系净系报道问题嘅表面，加上一啲义慨嘅表白~~~~

 

G4属于边类节目？系属于<今日睇真D>咦种娱乐性嘅大家谈节目，定系<新闻透视>咦种专业的新闻评论节目？睇怕样样都有小小吧，所以，陈扬系节目里面就加入基本所有都系佢自己嘅睇法，自己嘅认识，而且佢自己嘅认识往往就系错嘅~~~

 

一个专业知识都未够嘅传媒人，系好容易惹上麻烦，而且咦啲麻烦系冇必要嘅，重有更重点系在于，由于唔专业，就会经常误导观众，将自己打扮到好似一个大侠噉样，喺个人英雄主义膨胀嘅同时，既帮唔到想帮嘅人，达唔到要达到改造现状嘅目的，重要将事情搞到适得其反~~~

 

另外，唔一定要好似陈扬噉样先叫做做嘢啊~~只不过佢只咪揸住猛讲，所以畀人睇到佢好似做好多嘢~~~

[ 本帖最後由 猫妖008 於 2008-6-21 21:35 編輯 ]

顺德水蛇粥

作为施政嘅一种手段，政府需要某些反对嘅声音嚟平抑民愤，陈扬就系呢种声音嘅代言人，佢实质不过系一条隐藏喺人民内部嘅WALK  DOG。

小薏

哗楼上凭主观癔测啵....加上陈杨咁显性,都话人地隐藏呀?

顺德水蛇粥

上面嗰位，畀你见到咪显性啰，我见到嘅系深层，对于你来讲系隐藏。

小薏

傻啦，佢又呃过人地D咩丫~~

顺德水蛇粥

唔好傻喇，傻嗰个咪畀人呃啰，一个唔觉意帮佢呃埋人就唔好喇。

xiss

原帖由 猫妖008 於 2008-6-21 21:33 發表     冇人要求他人去做惊天地嘅事，只系希望唔好喺同一个阶层里面制造矛盾~~重要，唔系可以有咪揸住就可以自定义边种行为系正确，边种行为系错误。   作为一个传媒工作者，更应该知道乜嘢系问题嘅本质，而且唔 ...

但係你喺我眼中，所做嘅唯一一樣嘢，就係「閙人哋唔做嘢，以及自以爲是噉樣一味閙陳sir唔夠專業，有太多個人見解。」噉樣我又想問，你又有幾專業呢？你大學專修邊科專業呢？你係邊位傑出學者啊？！！

你話陳sir自定義XX正確與否。噉樣係無可厚非嘅，嗰個係兼具評論性質嘅節目，作爲一個社評員，唔通陳SIR就唔可以發表下自己嘅睇法？喂，如果以你嘅思路去推，噉樣你話陳sir「挑起一個階級嘅矛盾」亦都係你自己嘅自定義，噉唔該你收聲啦，唔好以爲「識打幾只字就可以自定義某某人係錯定係啱啦。」計我話，你只係潛意識裏面對陳sir有一種妒忌，為咗顯示自己嘅與別不同，就喺道雞蛋裏面挑骨頭，係要閙閙陳sir先舒服。

[ 本帖最後由 xiss 於 2008-6-23 16:24 編輯 ]

xiss

原帖由 顺德水蛇粥 於 2008-6-22 13:51 發表 唔好傻喇，傻嗰个咪畀人呃啰，一个唔觉意帮佢呃埋人就唔好喇。

阿叔，你既然咁睇清社會醜惡本質，又唔見你去為民請命，你一味識閙陳sir，重話人係「走狗」，又唔見你為民出咗幾多句嘢？計我話，如果陳sir係走狗，噉你只係一只妒忌人哋出名嘅一味亂吠嘅癲狗咋！！！

[ 本帖最後由 xiss 於 2008-6-23 16:25 編輯 ]

不关云和月

原帖由 猫妖008 於 2008-6-21 21:33 發表     冇人要求他人去做惊天地嘅事，只系希望唔好喺同一个阶层里面制造矛盾~~重要，唔系可以有咪揸住就可以自定义边种行为系正确，边种行为系错误。   作为一个传媒工作者，更应该知道乜嘢系问题嘅本质，而且唔 ...

 

佢系人，唔系神。做咗嘢，就认应该得到认同。

外外星人

身痕日日洗，无谓揞乸抵

Lucciora

我撐吓陳SIR先，人在屋檐下，不得不低頭，陳SIR之前插政府，已經畀政府屌過佢幾次㗎啦，所以而家講嘢都變得迂迴咗，冇之前嘅直腸直肚一針見血（我最鍾意噉樣嘅陳揚）

 

顺德水蛇粥

如果陈扬可以报道下广州有线乱插广告，喺《新闻日日睇》弹下近期广州有线喺TVB三线剧集片尾播职员表嗰阵插10秒广告，我都会感谢下佢。

xiss

原帖由 顺德水蛇粥 於 2008-6-26 23:35 發表 如果陈扬可以报道下广州有线乱插广告，喺《新闻日日睇》弹下近期广州有线喺TVB三线剧集片尾播职员表嗰阵插10秒广告，我都会感谢下佢。

如果你肯去斬貪官，我亦都會感謝你！

不关云和月

两位都几幽默

顺德水蛇粥

原帖由 xiss 於 2008-6-26 23:43 發表 如果你肯去斬貪官，我亦都會感謝你！

你斩过咩？

外外星人

冇，斩过啲脚趾噉啰！