高平同高降

HKCantonese

原帖由 tonybean 於 2008-6-13 13:09 發表         就好似普通話連續幾個上聲倒數第二個要讀陽平咁，粵語都有咁嘅情況。不過系連續幾個陰平字，最后一個先讀高降，其余都讀高平。例如：心（55）心（55）相（53）印，天（55）工（55）開（53）物，公（55）私（55）分（53） ...

 

我懷疑, 如果後字是陰平或陰入, 因為是高音, 所以前面的陰平字聲調會被迫維持高音, 不能讀降調, 只可讀平調.

 

反之, 如果後字是其他聲調, 因為比陰平聲低音, 前面的陰平字聲調會被拉低, 從而變成降調. 

 

於是同一個聲調, 因為連讀同化而出現不同變體.

HKCantonese

問題: 陰平字單獨發音時究竟是高降還是高平?

 

恐怕連極度執著於粵語正音的何文博士

也不敢堅持要區分清楚.

tonybean

樓上嘅，有見地！

陰平同陰入系音調最高嘅，所以連續幾個就會居高不下。

 

如果系單字要分高平定高降，我覺得就冇乜意義咯，因為都系屬于陰平，而且都會隨語境有變化。

highyun

原帖由 tonybean 於 2008-6-13 13:09 發表         

        就好似普通話連續幾個上聲倒數第二個要讀陽平咁，粵語都有咁嘅情況。不過系連續幾個陰平字，最后一個先讀高降，其余都讀高平。……

 

如果連續陰平聲嘅詞整個系個名詞，就要全部讀成高平，例如：青蛙、烏鴉、蜘蛛、鴛鴦。

呢種情況好普遍，尤其係對於本身只係一個語素嘅名詞，如玻璃、乒乓…… 不過好多合成嘅雙語素名詞都唔符合呢個規律，如之前討論過嘅「私心」，以及「冰川」等等。

 

其第二個字就會變成高降，例如：青蛙王子、烏鴉嘴、蜘蛛俠、鴛鴦戲水；

係唔係搞錯咗呢？呢度四個詞除咗「烏鴉嘴」個「鴉」我會讀高降，其餘都係讀返隂平。

 

tonybean

原帖由 highyun 於 2008-6-15 14:03 發表   如果連續陰平聲嘅詞整個系個名詞，就要全部讀成高平，例如：青蛙、烏鴉、蜘蛛、鴛鴦。呢種情況好普遍，尤其係對於本身只係一個語素嘅名詞，如玻璃、乒乓…… 不過好多合成嘅雙語素名詞都唔符合呢個規律，如之前討論過 ...

可能各個人或者各個地方發音習慣都唔同，你講嘅全部讀高平我有時候都會。或者同講話者嘅心情、語氣都有關。

外外星人

聽聽老派廣州話