高平同高降

tonybean

        究竟高平同高降點分？有冇規律？好多時候，系靠感覺嚟分。下面系我嘅少少總結：

 

        同一個陰平讀音嘅唔同字，可能會有高平同高降之分：方（55）糖、荒（53）唐；仙（55）人、先（53）人。

 

        同一個字唔同詞性都可能有唔同：海鮮（55）、新鮮（53）。我發覺，多數情況下，作名詞嘅好多都系高平，其他詞性多數系高降。海鮮個「鮮」系「鮮味」，但「鮮味」又系讀成高降，變成名詞音調都變埋。另外，粗口字「閪」「鳩」用作名詞都系高平，其他詞性都系高降。

 

        同一個字同一個詞性，同唔同嘅字組詞都可能有唔同。例如：姑（55）媽、姑（53）丈。

 

        大家點睇？

[ 本帖最後由 tonybean 於 2008-6-11 13:41 編輯 ]

HKCantonese

原帖由 tonybean 於 2008-6-11 13:28 發表         究竟高平同高降點分？有冇規律？好多時候，系靠感覺嚟分。下面系我嘅少少總結：           同一個陰平讀音嘅唔同字，可能會有高平同高降 ...

 

會不會有時候是受後字聲調影響?

普君南拆遷居民

肯定會受後字影響，若然後字係隂平聲，前字一定讀高平。例如私心，但係私人個私係讀高降嘅。

tonybean

咁可能會系同后字有關。好似普通話如果連續兩個上聲，前一個就讀陽平，如「總有」；如果連續三個上聲，中間一個就讀陽平，如「紙老虎」。

HKCantonese

原帖由 滙龍坊拆遷居民 於 2008-6-11 20:42 發表 肯定會受後字影響，若然後字係隂平聲，前字一定讀高平。例如私心，但係私人個私係讀高降嘅。

 

 

除了後字聲調影響外, 還有語調的影響, 特別是句末語調.

youngfs

刁閪（高平）

刁閪佢（高降），呢種情況冇人用高平，否則變成「佢在刁閪」嘅意思

 

所以都同表達方式有關，又係約定俗成

 

有時又兩個音調都通用，例如：小「人」，「人」讀高平或高降都可以

 

 

 

 

 

 

 

 

 

 

tonybean

原帖由 youngfs 於 2008-6-11 22:57 發表 刁閪（高平）刁閪佢（高降），呢種情況冇人用高平，否則變成「佢在刁閪」嘅意思   所以都同表達方式有關，又係約定俗成   有時又兩個音調都通用，例如：小「人」，「人」讀高平或高降都可以         &nbs ...

「人」唔系陰平喔，陰平先有分……

HKCantonese

可不可以把錄音放上網,

讓大家聽聽有區分高平及高降兩種陰平聲的母語者的讀法?

 

Yuok

　　我有個同事（順德碧江口音）一律將陰平講成高平，感覺比較怪雞，譬如「廣交（55）會」。

HKCantonese

原帖由 Yuok 於 2008-6-12 12:15 發表 　　我有個同事（順德碧江口音）一律將陰平講成高平，感覺比較怪雞，譬如「廣交（55）會」。

 

 

你多半也會不習慣港人陰平聲口音.

tonybean

原帖由 HKCantonese 於 2008-6-12 12:08 發表 可不可以把錄音放上網, 讓大家聽聽有區分高平及高降兩種陰平聲的母語者的讀法?  

發上嚟啦，不過粗口我就唔講啦～

Yuok

原帖由 HKCantonese 於 2008-6-12 12:24 發表     你多半也會不習慣港人陰平聲口音.

　　廣州啲後生都唔係個個曉分，所以唔會咁唔習慣，反而係穗港兩地嘅懶音比較哏耳啲，講嘢唔使力噉。

HKCantonese

原帖由 Yuok 於 2008-6-12 12:29 發表 　　廣州啲後生都唔係個個曉分，所以唔會咁唔習慣，反而係穗港兩地嘅懶音比較哏耳啲，講嘢唔使力噉。

 

 

有人話, 港人生活節奏快, 所以講話時咬音都懶過人.

tonybean

原帖由 HKCantonese 於 2008-6-12 12:57 發表     有人話, 港人生活節奏快, 所以講話時咬音都懶過人.

我都覺！

Jean

原帖由 tonybean 於 2008-6-12 12:28 發表 發上嚟啦，不過粗口我就唔講啦～

DL咗，聽過晒~~~講得好清楚，聽得好明白~ 又學到啲嘢~~多謝晒~！TONYBEAN~~~~

HKCantonese

香港粵語將高平和高降兩種陰平聲合併為前者,

好處是可以直接對應普通話陰平聲.

余OK

原帖由 HKCantonese 於 2008-6-12 20:34 發表 香港粵語將高平和高降兩種陰平聲合併為前者, 好處是可以直接對應普通話陰平聲.

　　你再細心啲留意吓，唔係合併成高平，反而更接近高降。

HKCantonese

原帖由 余OK 於 2008-6-12 20:41 發表 　　你再細心啲留意吓，唔係合併成高平，反而更接近高降。

 

 

香港喎, 唔係廣州, 兩者未必一樣.

tonybean

原帖由 Jean 於 2008-6-12 13:34 發表 DL咗，聽過晒~~~講得好清楚，聽得好明白~ 又學到啲嘢~~多謝晒~！TONYBEAN~~~~

哈哈，唔使客氣～有好嘢就要大家分享下～

tonybean

        就好似普通話連續幾個上聲倒數第二個要讀陽平咁，粵語都有咁嘅情況。不過系連續幾個陰平字，最后一個先讀高降，其余都讀高平。例如：心（55）心（55）相（53）印，天（55）工（55）開（53）物，公（55）私（55）分（53）明；但系，如果連續幾個陰平最后帶個陰入，嗰幾個陰平都要讀成高平，例如：因（55）公（55）殉（55）職（陰入）。

        有時有例外，如果連續陰平聲嘅詞整個系個名詞，就要全部讀成高平，例如：青蛙、烏鴉、蜘蛛、鴛鴦。不過如果將呢幾個詞同其他字連用嘅話（通常系做修飾），就失去咗純粹名詞嘅屬性，其第二個字就會變成高降，例如：青蛙王子、烏鴉嘴、蜘蛛俠、鴛鴦戲水；除非后面嘅字都系陰平，咁第二個字就依舊讀高平，例如：蜘蛛精。