我嘅中学(睇到有人发广州中学旧名，有感而发)

cingsan

改咗pei zheng就一啲味都冇嚕……

余OK

　　Pui Ching真係塊生招牌喎，尤其喺而家非普拼買少見少嘅年代。

外外星人

原帖由 猫妖008 於 2008-6-29 20:49 發表 冇办法啦，好彩校歌同校旗歌都系粤语嘅~~~~

 

有冇办法贴埋上嚟？

猫妖008

            校 歌

 

培正培正何光荣，教育生涯惨淡营，

培后进兮其素志，正轨道兮树风声！

万千气象方蓬勃，鼓铸群才备请缨。

爱我培正谟谋远，永为真理之行城，

永为真理之干城

 

          校 训

      至善至正

 

 

 

PS：我揾唔翻校旗歌啊~~~内面有英文添，一睇就知道系洋务运动后嘅产物~~~

外外星人

原帖由 猫妖008 於 2008-7-1 22:46 發表             校 歌   培正培正何光荣，教育生涯惨淡营，培后进兮其素志，正轨道兮树风声！万千气象方蓬勃，鼓铸群才备请缨。爱我培正谟谋远，永为真理之行城，永 ...

 

睇怕呢首校歌要改啰！而家真系冇边条TUP得上去。

猫妖008

原帖由 外外星人 於 2008-7-1 23:18 發表   睇怕呢首校歌要改啰！而家真系冇边条TUP得上去。

 

 点解改啊，咦只歌冇办法用普通话唱嘎，好难发音嘎

外外星人

既然做唔到，咪改到做得到啰！

jenesy

睇完你篇嘢,真係好大感触.我初中3年都係培正读.係培正呢3年係我到而家为止觉得人生最开心嘅3年.我入培正头一年,你讲嗰间冰室都仲係度,开头我都好中意去食嘢,但係后嚟发现红豆冰度有甴曱,之后就冇去食啦,仲周围唱佢污糟添....后嚟冇耐之后,冰室嗰排铺头都执咗.执咗之后我发现其实冰室啲嘢都几好食嘅...之前广场嘅"田鸡池"呢,係我同我frd放学嘅其中一个浦点.我哋有时会衬放学,老师都走得7788嘅时候跳落去捉田鸡.当然次次都畀老师或者校工闹走啦.听落好离谱,我都唔知自己当时点解会咁做....係我初2嘅时候,培正搞大装修,全世界都要行后门出入.所以后门就摆咗几档臭豆腐同烧肠仔鸡翼嘅小贩.当然呢几档小贩就成为大家放学后嘅铺点啦.日日放学都堆满人,好似有得执咁.装修完之后,我同我啲frd好认真咁验证过,红广场个时钟喷泉真係准嘅.初3嘅时候,学校开多咗个小买部,係饭堂开嘅.呢个小买部由于地理位置冇咁优越,生意成日都唔够另一间挣.后嚟好似都执咗.不过不可不提嘅係,培正饭堂真係正!有段时间仲播流星花园添!

係培正嘅时候,我唔觉得培正有几好.之后因为唔挣气,考唔返培正,先发现培正真係有好多回忆.我本身作文唔好,高中嘅时候老师叫我哋求其是但冇规定题目咁写篇文.我写咗一篇讲以前培正生活嘅文章,老师上课读咗出嚟.因为呢件事我仲嚣张咗一轮添~~~

luo888us

培正係名校呵

猫妖008

原帖由 jenesy 於 2008-7-14 13:16 發表 睇完你篇嘢,真係好大感触.我初中3年都係培正读.係培正呢3年係我到而家为止觉得人生最开心嘅3年.我入培正头一年,你讲嗰间冰室都仲係度,开头我都好中意去食嘢,但係后嚟发现红豆冰度有甴曱,之后就冇去食啦,仲周围唱佢污 ...

 

 

你哋居然去捉田鸡啊？死啰~~~好残忍啊~~~ 我一定唔会啦，噉鬼污糟~~~

vincent10

原帖由 余OK 於 2008-6-29 22:17 發表 　　Pui Ching真係塊生招牌喎，尤其喺而家非普拼買少見少嘅年代。

衣架用pui ching 定拼音？

外外星人

原帖由 猫妖008 於 2008-7-15 18:37 發表     你哋居然去捉田鸡啊？死啰~~~好残忍啊~~~ 我一定唔会啦，噉鬼污糟~~~

 

捉田鸡好玩，点会污糟呀？你梗系未捉过。

我阿媽個女

原帖由 猫妖008 於 2008-7-15 18:37 發表     你哋居然去捉田鸡啊？死啰~~~好残忍啊~~~ 我一定唔会啦，噉鬼污糟~~~

 

咁你究竟係覺得捉田雞係殘忍定係污糟啫~~？？

猫妖008

原帖由 我阿媽個女 於 2008-7-16 12:43 發表   咁你究竟係覺得捉田雞係殘忍定係污糟啫~~？？

 

又污糟又残忍啊~~~555555好核突啊~~~

小薏

原帖由 jenesy 於 2008-7-14 13:16 發表 睇完你篇嘢,真係好大感触.我初中3年都係培正读.係培正呢3年係我到而家为止觉得人生最开心嘅3年.我入培正头一年,你讲嗰间冰室都仲係度,开头我都好中意去食嘢,但係后嚟发现红豆冰度有甴曱,之后就冇去食啦,仲周围唱佢污 ...

 

果间冰室估计系因为你唱人地，唱到人地执咗。

外外星人

原帖由 外外星人 於 2008-7-16 00:41 發表   捉田鸡好玩，点会污糟呀？你梗系未捉过。

 

查实田鸡系吊嘅，吊田鸡，唔系捉田鸡。