我嘅中学(睇到有人发广州中学旧名，有感而发)

猫妖008

睇到有人发有关广州中学嘅旧名，我就好怀念自己喺培正中学六年嘅生活，咦六年，实在回忆好多，交到我最好嘅朋友~~所以，喺2004年我生日嗰日，我突登返去影咗一辑相~~~再贴出来同大家分享下啦~~~

 

咦间农行原来系一间书店，系我中学时期经常流连嘅地方，嗰时旁边重有一间冰室，我记得嗰时最多人食嘅系美登糕，我都好钟意食嘅，但我哋个美藉老师就讲咦间冰室嘅雪糕好食过美登糕~~~我嗰时重怀疑佢口不对心，不过我见佢讲得噉认真，就觉得自己好小

[ 本帖最後由 猫妖008 於 2008-6-9 23:40 編輯 ]

猫妖008

咦度原嚟系卖油油漆嘅，家阵就买鞋，真系10年人事几翻新啰~~~

猫妖008

咦条路都变得多啦，我细时过年，妈妈会带我嚟咦处买衫嘎~~~我喺东山大嘅

猫妖008

我系初一11月份转学嚟嘅，嗰时从来未听过培正，不过一到间学校，见到红砖绿瓦，就即刻钟意啦~~~

猫妖008

咦个系我哋嘅校徽，但唔完整，因为冇咗建校时间1889年。校徽嘅设计系‘外圆内方’，教导学生为人就应该外圆内方。我哋嘅校训系「至正至善」，讲真，我觉得为人‘正与善’就系做人嘅最高目标~~‘至正至善’先唔会变民伪君子。我哋学校嘅校色系‘红，蓝’色，称之为‘红蓝精神’，红代表热情，蓝代表沉静~~而且我最钟意嘅颜色啱啱就系鲜红，同天蓝~~~

猫妖008

咦座大楼叫做美洲楼，系美洲华侨捐资起嘅，我喺度读完高二高三。

猫妖008

从生物园睇美洲楼，最靓~~~~

猫妖008

美洲楼其实已经好旧，但系系好有记忆价值嘅，系我毕业嗰时都好烂啦，所以只有修辑，而且，我哋喺最顶层读高三时，落大雨试过漏水啊，咦加听讲经常会维修，而且听讲请过清华嘅人嚟研究点样维修~~成个培正，最有价值嘅系相互对望嘅美洲楼同图书馆

猫妖008

咦家美洲楼嘅楼梯靓好多，以前呢~~系水泥嘅，而且都好烂啦~~

猫妖008

咦度原来系课室，咦家变成阵列奖杯嘅地方

猫妖008

咦度家阵系副校长室，以前系我哋嘅课室啊，我喺度度过高二嘅岁月，但咦间唔系我所以班嘅课室，系理科重点班，我哋文科重点班喺咦层嘅最后一个课室

猫妖008

从咦度上美洲楼三楼

猫妖008

当时咦度装修~~我喺咦间课室度过我高中时最辛苦嘅一年~~高三

猫妖008

咦度家阵叫做历史室，旁边系听力室，我读书时，每周三下昼第一节系听力课，我嘅英文水平完全系因为自己系培正中学学生嘅原因~~嗰时喺广州，得几间中学有外藉老师嘅，我读书时，培正其实唔算好好，比唔上16中，但系，嗰时我哋嘅英文水平，特别系口语同听力，好过执信。

 

咦个评价唔系我哋自己吹水嘅，而且，几间东山区嘅中学同外藉老师搞活动时，外藉老师畀出嘅评价~~~

猫妖008

喺 最高嘅一排窗嘅课室就系我高三度过嘅地方。

嗰时除咗读书就系谂住高考，实在冇乜娱乐~~，不过我哋班啲男生就都好鬼抵死~~有一次，居然将‘五毒’买咗返嚟，噉梗系假嘎啦，最似嘅系一只蜘蛛~~我哋拎住佢到处吓人。

我系卫生委员，所以用佢嚟吓鬼个校医~~因为我最讨厌佢嚟检查做眼保健操，嗰日吓到佢跳起，冇晒仪态~~之后就好嬲我啦~~~

嗰班男生后嚟从咦个大楼嘅三楼将只蜘蛛吊落二楼，想吓下面高二嘅师弟妹~~点知~~佢哋吊咗只嘢落去之后，跑到人哋课室门口装入去~~人哋个个都喺度认真听课~~~几冇瘾啊~~~

猫妖008

咦个系美洲楼后门，嗰两个水龙头居然重系噉样~~~

猫妖008

咦间嘢都会重建，重要搞到噉靓~~知唔知系乜？系史称培正最美丽嘅地方，实情就系一个WC

猫妖008

咦个亭叫做金禧亭，系毓社嘅校友毕业50周年捐资起嘅记念亭~~培正中学每一个级就系一个社，都用一个字嘅命名~~~所以校友日时，你讲你系边个社嘅，就知你系边一届嘅学生~~~~

 

咦个亭有我最深刻嘅回忆，我同一个同学嘅友谊从咦个亭开始，而且咦份友谊已经超过10年嘞~~~

 

原嚟咦度前面有一个半月型嘅荷花池~~夏天会开花，有唔只青蛙~~每晚自习完返屋企，从美洲楼出嚟，就可以‘听取蛙声一片’，我嘅另一外好友，可称为才女，作诗填词不在话下嘅，每每经过就会读咦句~~ 而我呢，总系回复‘真难听’~~~

猫妖008

高三时试过喺咦度睇书，未到半个钟就瞓着咗，之后再唔喺噉样嘅环境中背书，实瞓着嘅~~

猫妖008

咦间新起嘅大楼好似叫做胡宗楼~~ 唔知系唔系胡应湘捐钱起嘅，唔记得啦~~

 

但系，原嚟咦个地方系有栋好有特色嘅建筑叫做白课堂，欧式两层，白色外墙，花阶砖，可惜列为危楼，嗰时边有乜嘢保育文化，就家阵都冇啦，就推咗啦~~以前好细个有一出电视剧叫做<容国团>，就系取白课堂嘅景，可惜我冇相~~~