原帖由 紫凤凰 於 2008-6-8 01:57 發表
呵呵,事實擺在眼前,所謂民主只不過都係惺惺作態,扮嘢。你喺廁所屌邊個都冇人理你。
另外講起屌布殊,美國咁啱真係有人被鎖咗,唔好意思。此所謂嘅言論自由喇。
貪污問題,政府都度緊橋,而且本身就係世界性難題。
民主係不應執行雙重標準嘅。
既然要講人權,首先就要講生存權,連生存權都缺乏嘅地區,憑甚麼談人權。美國就係冇生存權。
講起透明度,你又知唔知美國媒體喺伊戰嗰時講咗好多大話啊。講句實話,民主也只不過是一面愚民的幌子。
1。我哋淨係可以喺廁所屌,但係美國媒體可以喺《華爾街日報》裏面隨便屌總統,就連總統性生活都要理(克林頓)。所以自由。
2。人哋畀人鎖會畀人當新聞,係因爲呢尐嘢少之又少,媒體可以報道就證明咗重有營救嘅希望!所以自由。(重有麻煩你講講邊個美國人咁可憐畀總統蝦?)。而某塊土地裏面,就連有人畀人鎖都唔畀尐媒體報道或者媒體根本唔知。亦都冇人當佢係新聞,因爲呢尐嘢喺某塊土地上時時發生,簡直就唔係新聞。
3。美國人幾時冇生存權啊?唔通美國人走上街頭就會畀政府開槍殺死?但係尋晚重有個留學美國嘅F打電話畀我喔,死啦,唔通我同鬼傾電話?你話美國黑人現象?哦,麽你唔知奧巴馬係黑人嚟咩?麽你唔知喺某塊土地上嘅農村時時發生村民因爲交不起重稅而畀人拘禁咩?
4。麽你唔知某塊土地嘅媒體唔單止講大話而且有時連大話唔講因爲有時連話都唔畀講咩?麽你唔知美國媒體講大話都係因爲另外一尐美國媒體揭露個咩?
5。當然要度橋啦,但係點解要咁辛苦度橋度到21世紀都未度掂呢?
而美國除咗一個橋就其它橋都唔使度呢?因爲美國嘅橋就係言論自由,就算唔貪污,媒體都會好似癲狗噉吠你,如果貪污就直接咬死你,根本唔使其他部門出手。
6。民主從未有過雙重標準,一位單單一個標準某塊土地就已經唔及格。
其實因爲某塊土地説不清道不明嘅原因導致部分網民希望淡化外國嘅民主而平衡心理呢一點係好正常嘅,但唔好搞到黑白不分。 |