南海話所保留的粵語古音[om]

嶺南散人

一位同學話我知，佢啊婆（南海人）將「甘[gam]香」讀成「甘[gom]香」。

 

[om]呢個韻母喺廣州話業已消失，估唔到喺南海話（主要係老人）中得到保留，實在難能可貴。

dada

我唔知係咪古音。我自細都係讀 gom1。

殺人王

 我本身為南海人，我同我屋企人同身邊嘅朋友的確係將「咁」，「甘」字讀為「gom」音即M音結尾（類似「柑」音），而且據我歡察，除南海部分地區係咁讀之外，廣州同南海交界嘅「羅涌圍」有部分人都有咁嘅口音。

至於係咪中老年人先會咁讀，就唔一定喇。部分年青人雖然己轉為「港」音居多，不過只要說話帶點南海口音嘅，部分字同用詞就算刻意轉讀成「港」音，都會聽得出來。不過千禧年後出世嘅就難講。。。。

不過話時話，N同M兩音多互換，音變少少都好正常，係古音都唔出奇

[ 本帖最後由 殺人王 於 2008-5-26 20:36 編輯 ]

嶺南散人

年青人要好好保留這個韻母，其他粵語方言片基本上沒有這個音了。

 

有[om]那麽也應該有[op]這個音，請問南海話[op]韻母的有哪些字呢？

[ 本帖最後由 嶺南之南 於 2008-5-26 22:34 編輯 ]

外外星人

乜王兄都系因为见过阿边个先噉讲啫！ 啊，我第日问过佢，听真啲有冇呢个音先。

紫凤凰

爾個問題我得閒都要問過老竇先，因為我祖籍南海，但我唔識講南海話。我老竇好似以前喺鄉下住過，應該識講。所以問問老竇就知道啦。

Yuok

　　「om」(咁韻）、「op」（合韻）順德老一脫都係噉講，後生一脫有部分仍保留「om」韻，而「op」韻則歸化到廣州音嘅「ap」。

殺人王

原帖由 外外星人 於 2008-5-26 10:57 PM 發表 乜王兄都系因为见过阿边个先噉讲啫！ 啊，我第日问过佢，听真啲有冇呢个音先。

我唔係好明你嘅意思，要吹水嘅話請移玉步到吹水版

殺人王

原帖由 嶺南之南 於 2008-5-26 10:29 PM 發表 年青人要好好保留這個韻母，其他粵語方言片基本上沒有這個音了。   有[om]那麽也應該有[op]這個音，請問南海話[op]韻母的有哪些字呢？

其實「南海話」一詞比較籠統，因為現時所屬佛山市「南海區」內唔同地區口音都不盡相同。裡水，大瀝，黃岐，鹽步，松崗等地，位處南海同省城交界處，所講口音同傳統西關口音相差不大，只係部分字詞發音更「古雅」，即好多人所講嘅「鄉下音」。其實翻開《廣東俗語攷》，《廣州語本字》同HERBERT A。 GILES著嘅《A GLOSSARY OF REFERENCE ON SUBJECTS CONNECTED WITH THE FAR EAST》內裡好多用詞如今嘅西關都唔會再聽到，反而喺南海內依然流傳。

除以上地方嘅口音比較接近西關音外，其他地區如南庄，西樵，金沙，丹灶，沙頭，平洲，九江等地口音同上述等地差別好大。我感覺南庄，西樵，金沙，丹灶幾處地方口音相似，而沙頭口音，用詞同南庄西樵差唔多，不過音調變化較大。區別最大嘅係九江話，雖然我為南海人，但係我從未喺九江生活過，但係九江嘅朋友有唔少，以前聽佢地同屋企人傾計，講得快真係唔 知佢地講乜。

至於以前南海县县城桂城，口音都無乜「性格」，我個人感覺大致分三種口音。第一種係我稱之為「類佛山」口音，桂城離佛山近，近年有唔少佛山城區嘅人搬過去，所以帶有佛山口音嘅有好多，不過點解會稱為「類佛山」口音？因為佢地口音雖帶有佛山音，但係唔係太濃，基本上都被西關音同化，但係廣州嘅人一聽就可以聽得到區別。呢種口音地理上以「軍橋」為界，軍橋一過，佛山口音就濃D。第二種係比較近大瀝區嘅白話音。第三種係叠教口音。

我唔知道學述上各地口音係點分，不過我生於南海，喺南海內住過唔同口音嘅地方，有好多講唔同口音嘅南海鄉親同朋友，以上分法非學述，純個人感覺

[ 本帖最後由 殺人王 於 2008-5-27 13:24 編輯 ]

紫凤凰

原帖由 殺人王 於 2008-5-27 13:07 發表 其實「南海話」一詞比較籠統，因為現時所屬佛山市「南海區」內唔同地區口音都不盡相同。裡水，大瀝，黃岐，鹽步，松崗等地，位處南海同省城交界處，所講口音同傳統西關口音相差不大，只係部分字詞發音更「古雅」，即好多人所講嘅「鄉 ...

 

鬼叫南海大咩。

饭团子

不过。。。
我想我们20左右的应该还会说om这个音的吧。
因为其中一个例子就是      gom都得。。。。
应该是这样的。。。。很少会说成     gam都得
其他的就不知道了。。。
或者。。。介于两者之间吧。。。囧

youngfs

南海話呢個om韻母冇消失啊，

 

除咗「咁gom3」，重有一個動詞「gom4」：門楣好低，因住gom4親頭。懷疑係擬聲詞作動詞用

 

bom4, 例如，bom聲跌落地、敲門敲到bombom聲——擬聲詞。

                      臭bombom（非常臭）——副词？

 

dom4，行路——擬聲詞

com2，跳落水——擬聲詞

lom1，開花剛剛結咗好細個果實，就叫做「花lom1（陰平）」，而家用得最多係 CD-LOM——名詞

lom4，打雷——擬聲詞——擬聲詞

 

 

 

 

 

 

 

 

南粤风采

原帖由 嶺南散人 於 2008-5-26 19:09 發表 一位同學話我知，佢啊婆（南海人）將「甘[gam]香」讀成「甘[gom]香」。   [om]呢個韻母喺廣州話業已消失，估唔到喺南海話（主要係老人）中得到保留，實在難能可貴。 ...

咦咦？我地清远都有人甘[gom]讲噶啵！

toliuweijing

南海咁（gom）人大召集！！

hihiml

  我地度都經常聽到 上一輩對咁 讀呢個音 中山南部地區~

猪肉佬

广西钦州市有部分乡镇嘅人仲读「咁」为gom，其它人因为冇咁嘅韵母，一般听出系「公」gong嘅音。

 

由于呢种方言系钦州唔占多数，因而常挨人笑话。我问过佢哋部分人祖先来历，有讲系几百年前采高州、南海等县迁嚟。

 

仲有，佢哋讲「放盐」为「搁盐」，亦比较另类。

粤嚟粤化

填词人林夕做访问节目嘅时候 我听到佢读成「gom」音 可能祖先係南海人都唔鼎

使君子

何止是南海人？正宗广州音「咁」就是读「gom2」（拉长）/「goum2」（短促）。

反而是近廿年来广州新生代受到香港传媒的荼毒，不知从哪里跑出来的「gam2」。

rainbowahead

回覆 1# 嶺南散人

我爸爸都係將「咁」、「柑」讀成gom，我仲笑渠讀鄉下音。我知道順德人都係咁讀。至於op音，我爸爸都保留到：紙盒hop，白鴿gop，雖然宜家好多人讀白鴿gap。我就一半一半，讀成紙盒hap，但係白鴿gop。

爸爸原籍肇慶一帶，但係我哋屋企講標準白話，因為我屋企響佛山，本地都幾多人講標準音，唔講佛山音，尤其加上媽媽係響廣州出世，講話從來都無佛山口音。除咗呢幾個尾音，爸爸嘅白話同平時電視啲白話無乜唔同。我覺得肇慶嗰邊啲話比較古典，除咗保留古音音尾om，op之外，渠地對疑母（ng）分得特別真，從來都唔會將銀行講成an hong，反而廣佛呢邊冇分到咁真，疑母發音比較輕，雖然唔至於好似香港啲後生咁樣。渠地嘅懶音，按照我爸爸嘅標準，就好似以前話「甩牙仔」講嘅話咁。

不明不白

南海口音特別多，單單系一個裏水、大瀝同廣州共有嘅沉峰舟，就有十幾種口音。