[討論]軟硬粵語???

Kathy

啱啱睇左懷舊歌版入面... poplar係香港掃碟記中形容 香港人講既粵語係軟...廣州既係硬... 其實我都有相類似嘅感覺... 我親身有個經歷... 我有次由佛山搭車去深圳, 隔離有個三十多歲既男人搭訕,問我係唔係廣州人? 我當然大大聲話...唔係, 我係地道佛山人... 但佢死都唔信, 話我口音似廣州人, 比較圓滑既...佛山人口音係「掘」 我都發現其實我識得既某d 佛山人(即使年輕如我既人)...(哈哈) 都有佛山口音...但我又好奇怪地無... 講返正題先... 有時聽到廣州或者佛山既人講野係真係比較「掘」, 而香港人講起比較斯文咁 而佛山話又好似比廣州話更「掘」, 究竟點解呢??? 有無高人指點一下我呢?

highyun

我觉得呢个系“捻声”做成嘅。 香港人比较注重声音形象，觉得声音压得轻、软先为之有礼貌，而广州人一直都系讲返原来嘅语调，所以省港慢慢有分别。

顺德水蛇粥

乸乸哋，软！唔知大家有冇尼个感觉？

Cactus

因為香港人經常用英語，而英語對於音節細微變化敏感。 故此形成語言習慣。

顺德水蛇粥

cactus在2005-06-06 01:13:19說道：[br]因為香港人經常用英語，而英語對於音節細微變化敏感。 故此形成語言習慣。

说得也有道理

jumpsey

cactus在2005-06-06 01:13:19說道：[br]因為香港人經常用英語，而英語對於音節細微變化敏感。 故此形成語言習慣。

或者啦，不過既然對音節細微變化敏感，點解感受唔到啲懶音嘅？因爲我覺得有啲懶音系造成香港人講嘢顯得乸乸哋嘅具體因素。我最忍受唔到嘅就系ng聲母嘅脫落同埋-ng韻尾嘅前移呢兩種懶音，真系顯得好乸啊！

highyun

jumpsey在2005-06-06 09:57:59說道：[br][quote]cactus在2005-06-06 01:13:19說道：[br]因為香港人經常用英語，而英語對於音節細微變化敏感。 故此形成語言習慣。

或者啦，不過既然對音節細微變化敏感，點解感受唔到啲懶音嘅？因爲我覺得有啲懶音系造成香港人講嘢顯得乸乸哋嘅具體因素。我最忍受唔到嘅就系ng聲母嘅脫落同埋-ng韻尾嘅前移呢兩種懶音，真系顯得好乸啊！[/quote] 其实开题所指嘅“软”唔知系咪指懒音。我想问吓你哋觉得咬字好准嘅香港人，例如罗文、黄霑呢啲，究竟佢哋讲嘢算唔算“软”呢？

Cactus

jumpsey在2005-06-06 09:57:59說道：[br] 或者啦，不過既然對音節細微變化敏感，點解感受唔到啲懶音嘅？因爲我覺得有啲懶音系造成香港人講嘢顯得乸乸哋嘅具體因素。我最忍受唔到嘅就系ng聲母嘅脫落同埋-ng韻尾嘅前移呢兩種懶音，真系顯得好乸啊！

點解唔舉幾個例子出黎呢？ 咁樣可以就事論事嘛。

jumpsey

开题所指嘅“软”應該唔系指懒音，只不過前邊粥兄提起乸乸哋嘅感覺勾起咗我對經常聽到嘅「我」同「等」字嘅感覺啫。一個人講話嘅風格同好多因素都有關，懶音只系影響一啲片段啫。有啲人講其它嘢嘅時候好哋哋，一講到「我」字就嗲起個口嚟，真系好惡頂。嗲口亦會使-ng韻尾變-n韻尾，如果呢啲音多起身，對呢個人講話嘅整體風格當然亦都會有影響。 其實講呢啲系乸唔系咁准確，應該講系嗲，好似系ｂｂ噉。本來女仔乸啲好正常，但系我聽啲女仔噉講嘢嘟系唔舒服。

顺德水蛇粥

阿伦就有懒音，不过唔觉得佢乸

Kathy

我就唔係好同意用「乸乸哋」(一個貶義詞) 去形容香港人講既粵語... 如果咁既話, 好多講地區方言既人(例如講佛人話既人)都可以話一個操純正廣州話既人「乸乸哋」! 我覺得呢個只係一個語調上既變化, 唔係好關懶音事

dada

我喺國外﹐好少接觸外鄉人﹐唔係好明白你哋講嘅嗲、乸係乜嘢。如果可以用拼音表示出嚟﹐唔該你哋畀啲例子我聽（睇）吓。

highyun

我觉得软唔等于懒音，但系懒音的确系造成“软”呢种感觉嘅其中一个原因。 dada有冇回乡睇吓嘅打算？呢种“软”系好难用拼音标出嚟嘅，不过你可以租一啲香港嘅电影电视嚟睇。

顺德水蛇粥

highyun在2005-06-06 23:41:47說道：[br]我觉得软唔等于懒音，但系懒音的确系造成“软”呢种感觉嘅其中一个原因。

同意！！！举个例：懒音阿伦，并不软。

Cactus

用所謂軟硬去評三種語言，最硬係普通話，最軟係英語，港式粵語位於中間。 普通話拼音方案絕大部分以聲母開頭，而且聲母必然讀作重音，發音較“硬”。 珠三角雖然係講廣州話，但畢竟受普通話教育，語言習慣上傾向普通話。 從港式粵語拼音方案中，可發現聲母有時會讀作輕音：j m p s 因為港式粵拼遵從英語國際音標。 至於“懶音、乸乸哋”，我自己就冇咩研究。 唔好意思，修改咗一下句子先後顺序。

highyun

我唔觉普通话有几硬。我听北京人讲嘢嘅时候讲到lue晒脷，感觉比香港嘅粤语软得多。

desmond

軟硬之分雖然係比較主觀嘅睇法，但係同音節嘅結構有密切嘅關係。 音節嘅結構愈複雜，裏面愈多輔音，聽起嚟就愈生硬。 音節裏面有/-i-/同/-u-/介音，聽起嚟就會軟啲。 而唔少人都會覺得普通話軟過粵語，應該就係呢個原因。 至於有人覺得港式粵語軟過廣式粵語，可能係因爲港式粵語嘅語速高過廣式粵語， 導致聲母脫落（將「眞係」讀成「眞ai」），而且有好多連音， 減少咗港式粵語句子音節嘅入面輔音，所以聽起嚟會軟啲。

desmond

highyun在2005-06-07 12:57:12說道：[br]我唔觉普通话有几硬。我听北京人讲嘢嘅时候讲到lue晒脷，感觉比香港嘅粤语软得多。

lue拼錯咗，應該係loe2，請注意……（笑）

Cactus

硬呢個字，照我理解就係音節簡單，缺少變化。 當然，雀仔叫來叫去只得幾個音，都有人覺得好聽。 所以“硬”呢樣嘢都幾主觀。

desmond

我估poplar話「硬」，應該係話有少少「ang2耳」嘅意思。當然「ang2耳」呢個詞有啲負面，所以唔用。而cactus話嘅「音節簡單，缺少變化」，應該係「單調」嘅意思。