[討論]得意嘅译名&普粤英文对照
前面一贴讲起aldrich bay译成“爱秩序湾”，真系非常得意。其实英文译成粤语有唔少呢啲例子，特别系同普通话译名相互对照，非常有趣。例如巴西球星bebeto，粤译系“白必图”，普译系“贝贝托”。译音嘅主题，其实好多嘢讨论，希望多啲人嚟讲嘢啦。
Re:[討論]得意嘅译名&普粤英文对照
我只係知道普通話譯名詞，連輕音都加入；港式譯法係只保留重音。
另外係中文讀音唔同
扒 -- 普通話 ba,廣東話 paa
Re:[討論]得意嘅译名&普粤英文对照
cactus在2005-10-06 01:27:01說道：我只係知道普通話譯名詞，連輕音都加入；港式譯法係只保留重音。
另外係中文讀音唔同
扒 -- 普通話 ba,廣東話 paa
深有體會，例如：beckham---國語：貝克漢姆，粵語：碧咸
armstrong---阿姆斯特郎，粵語：岩士唐
Re:[討論]得意嘅译名&普粤英文对照
廣東台嘅廣州話新聞，有個詞總係令人聽得好唔慣。內地將美國總統個名讀作 布什，呢個詞用普通話讀就同英文發音相差唔大。
但係用廣州話讀就相差好遠，而港譯 布殊，呢個讀法就幾好。
可笑班內地學者偏要指責港式譯法，真係不知所謂。
Re:[討論]得意嘅译名&普粤英文对照
學者唔知港式譯法係基於粵語發音嚟譯咩？Re:[討論]得意嘅译名&普粤英文对照
desmond在2005-10-06 19:30:48說道：學者唔知港式譯法係基於粵語發音嚟譯咩？你估嗰班學者真係出過門，行過路，再做學問架？
呢個就係點解中國南北差距咁大，而又強求一致嘅問題所在。
Re:[討論]得意嘅译名&普粤英文对照
「白必圖」呢個譯名好正呀，初中時就有同學講笑話噉講：一個人一窮二「白」自然就「必」定要有所「圖」謀。。。Re:[討論]得意嘅译名&普粤英文对照
th，粤语一般会译“夫”，而普语会译“斯”，例如巴夫斯vs巴斯兹vic，粤语系“域”，普语系“维奇”
……
重有呢？
Re:[討論]得意嘅译名&普粤英文对照
cactus在2005-10-06 19:45:46說道：你估嗰班學者真係出過門，行過路，再做學問架？
呢個就係點解中國南北差距咁大，而又強求一致嘅問題所在。
噉都冇理由唔知絕大多數香港人講粵語咖嘛。
外國人就話唔清楚啫，中國啲學者冇理由噉啩？
Re:[討論]得意嘅译名&普粤英文对照
噉都冇理由唔知絕大多數香港人講粵語咖嘛。外國人就話唔清楚啫，中國啲學者冇理由噉啩？
--------------------
外國人比中國人更清楚，中國有好多方言都有專屬英文名稱。
中國啲學者其實同娼妓差唔多，唔使真係去做學問，只需要跟随中央意思做條狗，就可以搵到食；一但要講真話，咁就死路一條。
你可以上網搵下柏楊呢個名，佢寫過好多關於中國讀書人嘅文章。
Re:[討論]得意嘅译名&普粤英文对照
呢個月海洋公園有「全城哈囉喂」節目。你哋估唔估到「哈囉喂」係咩呢？
咪就係 halloween 囉！
即係美國好興嘅萬聖節。
澳洲原嚟係冇咩人慶祝。
Re:[討論]得意嘅译名&普粤英文对照
菏兰球星1：粤：柏金；国：博格坎普菏兰球星2：粤：古华特；国：克鲁伊维特
巴西球星1：粤：朗拿度；国：罗纳尔多
巴西球星2：粤：朗拿甸奴；国：罗纳尔迪尼奥
英格兰球星：粤：奥云；国：欧文
简浦寨国王：粤：斯翰诺；国：西哈鲁克
前苏联总统：粤：戈巴卓夫；国：戈尔巴乔夫
前美国总统：粤：金乃迪；国：肯尼迪
前罗马尼亚独裁者：粤：寿西斯古；国：齐奥赛斯库
非洲国家名：粤：肯雅；国：肯尼亚
大洋洲国家名：粤：纽西兰；国：新西兰
Re:[討論]得意嘅译名&普粤英文对照
有个好搞笑嘅煲冬瓜译名，讲到我条脷打晒kik，叫做“克林特依斯特伍德”，你哋又估唔估到系边个呢？Re:[討論]得意嘅译名&普粤英文对照
highyun兄所讲嘅係唔係“奇连伊士活”吖？部分地名翻译都唔同
粤：三藩市 国：旧金山
粤：寮国 国：老挝
粤：象牙海岸 国：科特迪瓦
粤：杜拜 国：迪拜
粤：波斯尼亚 国：波黑
Re:[討論]得意嘅译名&普粤英文对照
国语译得咁肉酸，皆因无入声同埋m音结尾，搞到啲北方人唔知beckham系男定系女，又“汉”又“姆”，又或者以为佢系个孭住克夫嘅阿妈——背克汉母简直有辱形象
因为粤语有入声同埋m音结尾，译起上来完全唔系问题，beck用入声字“碧”——呢个字绝对衬佢，靓仔加上黄发碧眼，恰到好处；ham用m音结尾字“咸”，或者会有人话“咸”字唔好，其实无乜唔好，唔咸就唔系男人啦，反而我重佩服当初决定用呢个字嘅译者有先见之明，同音字都好似重有：函涵菡崡顄……偏偏就系要用“咸”，莫非识睇相？
讲到离晒题添，哈哈～总之用粤语来译英文点都有味道过用国语，不过呢种乐趣只有识粤语嘅人先可以体会
Re:[討論]得意嘅译名&普粤英文对照
想讲一句抬高自己嘅同时,并唔系一定要踩低其他人噶
Re:[討論]得意嘅译名&普粤英文对照
打雀英雄在2005-10-21 02:06:22說道：highyun兄所讲嘅係唔係“奇连伊士活”吖？部分地名翻译都唔同
粤：三藩市 国：旧金山
粤：寮国 国：老挝
粤：象牙海岸 国：科特迪瓦
粤：杜拜 国：迪拜
粤：波斯尼亚 国：波黑
“克林特依斯特伍德”，應該係指“奇連伊士活”。唔理點講，我都係覺得“克林特依斯特伍德”呢個譯法太曳，就算係用普通話講，唔反複強化翻十零廿次都講唔順口。
“三藩市”與“舊金山”並唔係對應嘅，“三藩市”嘅“三藩”係音譯，而“舊金山”係意譯。同“三藩市”對應嘅普通話音譯係“聖弗朗西斯科”。
以前嗰度係金礦好多，好多華工，其中好多都係廣東人，被賣豬仔去嗰度幫啲鬼佬開礦，佢哋都稱呼嗰度叫做“金山”。後來啲金採完咗，就加個“舊”字，所以呢個名係國粵語通用嘅，可以講係嗰個城市嘅中文名。
“波黑”包括咗“波斯尼亞”與“黑山”兩個部分，“波黑”係佢哋嘅縮略語
Re:[討論]得意嘅译名&普粤英文对照
今晚tvb新聞體育報道將一個南美國家名用撈話嚟譯：特立尼達和多巴哥，本來嗰個國家粵語有一個好好嘅譯名叫：千里達。。。Re:[討論]得意嘅译名&普粤英文对照
千里達 trinidad係典型嘅懶音譯名噃。
Re:[討論]得意嘅译名&普粤英文对照
如果译成“千尼达”就冇问题啦。而家香港媒体好多译名已经慢慢跟返捞译，例如“戈尔巴乔父”、“里根”等等
頁:
[1]
2