[討論]得意嘅译名&普粤英文对照

highyun

前面一贴讲起aldrich bay译成“爱秩序湾”，真系非常得意。其实英文译成粤语有唔少呢啲例子，特别系同普通话译名相互对照，非常有趣。例如巴西球星bebeto，粤译系“白必图”，普译系“贝贝托”。 译音嘅主题，其实好多嘢讨论，希望多啲人嚟讲嘢啦。

Cactus

我只係知道 普通話譯名詞，連輕音都加入；港式譯法係只保留重音。 另外係中文讀音唔同 扒 -- 普通話 ba, 廣東話 paa

蟲子

cactus在2005-10-06 01:27:01說道：[br]我只係知道 普通話譯名詞，連輕音都加入；港式譯法係只保留重音。 另外係中文讀音唔同 扒 -- 普通話 ba, 廣東話 paa

深有體會，例如：beckham---國語：貝克漢姆，粵語：碧咸 armstrong---阿姆斯特郎，粵語：岩士唐

Cactus

廣東台嘅廣州話新聞，有個詞總係令人聽得好唔慣。 內地將美國總統個名讀作 布什，呢個詞用普通話讀就同英文發音相差唔大。 但係用廣州話讀就相差好遠，而港譯 布殊，呢個讀法就幾好。 可笑班內地學者偏要指責港式譯法，真係不知所謂。

desmond

學者唔知港式譯法係基於粵語發音嚟譯咩？

Cactus

desmond在2005-10-06 19:30:48說道：[br]學者唔知港式譯法係基於粵語發音嚟譯咩？

你估嗰班學者真係出過門，行過路，再做學問架？ 呢個就係點解中國南北差距咁大，而又強求一致嘅問題所在。

余OK

「白必圖」呢個譯名好正呀，初中時就有同學講笑話噉講：一個人一窮二「白」自然就「必」定要有所「圖」謀。。。

highyun

th，粤语一般会译“夫”，而普语会译“斯”，例如巴夫斯vs巴斯兹 vic，粤语系“域”，普语系“维奇” …… 重有呢？

desmond

cactus在2005-10-06 19:45:46說道：[br] 你估嗰班學者真係出過門，行過路，再做學問架？ 呢個就係點解中國南北差距咁大，而又強求一致嘅問題所在。

噉都冇理由唔知絕大多數香港人講粵語咖嘛。 外國人就話唔清楚啫，中國啲學者冇理由噉啩？

Cactus

噉都冇理由唔知絕大多數香港人講粵語咖嘛。 外國人就話唔清楚啫，中國啲學者冇理由噉啩？ -------------------- 外國人比中國人更清楚，中國有好多方言都有專屬英文名稱。 中國啲學者其實同娼妓差唔多，唔使真係去做學問，只需要跟随中央意思做條狗，就可以搵到食；一但要講真話，咁就死路一條。 你可以上網搵下 柏楊 呢個名，佢寫過好多關於中國讀書人嘅文章。

desmond

呢個月海洋公園有「全城哈囉喂」節目。 你哋估唔估到「哈囉喂」係咩呢？ 咪就係 halloween 囉！ 即係美國好興嘅萬聖節。 澳洲原嚟係冇咩人慶祝。

samkong

菏兰球星1：粤：柏金；国：博格坎普 菏兰球星2：粤：古华特；国：克鲁伊维特 巴西球星1：粤：朗拿度；国：罗纳尔多 巴西球星2：粤：朗拿甸奴；国：罗纳尔迪尼奥 英格兰球星：粤：奥云；国：欧文 简浦寨国王：粤：斯翰诺；国：西哈鲁克 前苏联总统：粤：戈巴卓夫；国：戈尔巴乔夫 前美国总统：粤：金乃迪；国：肯尼迪 前罗马尼亚独裁者：粤：寿西斯古；国：齐奥赛斯库 非洲国家名：粤：肯雅；国：肯尼亚 大洋洲国家名：粤：纽西兰；国：新西兰

highyun

有个好搞笑嘅煲冬瓜译名，讲到我条脷打晒kik，叫做“克林特依斯特伍德”，你哋又估唔估到系边个呢？

打雀英雄

highyun兄所讲嘅係唔係“奇连伊士活”吖？ 部分地名翻译都唔同 粤：三藩市 国：旧金山 粤：寮国 国：老挝 粤：象牙海岸 国：科特迪瓦 粤：杜拜 国：迪拜 粤：波斯尼亚 国：波黑

superjill

国语译得咁肉酸，皆因无入声同埋m音结尾，搞到啲北方人唔知beckham系男定系女，又“汉”又“姆”，又或者以为佢系个孭住克夫嘅阿妈——背克汉母 简直有辱形象 因为粤语有入声同埋m音结尾，译起上来完全唔系问题，beck用入声字“碧”——呢个字绝对衬佢，靓仔加上黄发碧眼，恰到好处；ham用m音结尾字“咸”，或者会有人话“咸”字唔好，其实无乜唔好，唔咸就唔系男人啦，反而我重佩服当初决定用呢个字嘅译者有先见之明，同音字都好似重有：函涵菡崡顄……偏偏就系要用“咸”，莫非识睇相？ 讲到离晒题添，哈哈～总之用粤语来译英文点都有味道过用国语，不过呢种乐趣只有识粤语嘅人先可以体会

itxu2k

想讲一句 抬高自己嘅同时,并唔系一定要踩低其他人噶

jumpsey

打雀英雄在2005-10-21 02:06:22說道：[br]highyun兄所讲嘅係唔係“奇连伊士活”吖？ 部分地名翻译都唔同 粤：三藩市 国：旧金山 粤：寮国 国：老挝 粤：象牙海岸 国：科特迪瓦 粤：杜拜 国：迪拜 粤：波斯尼亚 国：波黑

“克林特依斯特伍德”，應該係指“奇連伊士活”。唔理點講，我都係覺得“克林特依斯特伍德”呢個譯法太曳，就算係用普通話講，唔反複強化翻十零廿次都講唔順口。 “三藩市”與“舊金山”並唔係對應嘅，“三藩市”嘅“三藩”係音譯，而“舊金山”係意譯。同“三藩市”對應嘅普通話音譯係“聖弗朗西斯科”。 以前嗰度係金礦好多，好多華工，其中好多都係廣東人，被賣豬仔去嗰度幫啲鬼佬開礦，佢哋都稱呼嗰度叫做“金山”。後來啲金採完咗，就加個“舊”字，所以呢個名係國粵語通用嘅，可以講係嗰個城市嘅中文名。 “波黑”包括咗“波斯尼亞”與“黑山”兩個部分，“波黑”係佢哋嘅縮略語

余OK

今晚tvb新聞體育報道將一個南美國家名用撈話嚟譯：特立尼達和多巴哥，本來嗰個國家粵語有一個好好嘅譯名叫：千里達。。。

desmond

千里達 trinidad 係典型嘅懶音譯名噃。

highyun

如果译成“千尼达”就冇问题啦。 而家香港媒体好多译名已经慢慢跟返捞译，例如“戈尔巴乔父”、“里根”等等