[討論]粤语吉利用字大收集
从前面嗰篇关于「竹星」嘅文章,睇到,竹杠(降)变竹星(升),原来又系来自广东人嘅语言意头,真系好有趣。类似嘅例子重有「舌(蚀)」-「脷(利)」「通书(输)」-「通圣(胜)」「空(凶)屋」-「吉屋」。我希望总结多啲呢方面嘅资料,准备写篇文章,希望各位将自己知道嘅以跟贴形式话我知。Re:[討論]粤语吉利用字大收集,请各位帮手
勝瓜(絲瓜)、肝(膶)、涼瓜(苦瓜)……Re:[討論]粤语吉利用字大收集,请各位帮手
唔知呢渣算唔算架勢/ 拿西/ 騎呢/ 屙gor/ 熬底/ 邪丁.. em3:
Re:[討論]粤语吉利用字大收集,请各位帮手
kylie在2005-08-13 10:52:49說道:唔知呢渣算唔算架勢/ 拿西/ 騎呢/ 屙gor/ 熬底/ 邪丁.. em3:
吓?!
Re:[討論]粤语吉利用字大收集,请各位帮手
傘(散)→遮乾杯→飲勝
黃瓜→青瓜﹖
伯母(百無、百冇)→伯娘﹖
Re:[討論]粤语吉利用字大收集,请各位帮手
dada在2005-08-13 19:19:40說道:傘(散)→遮乾杯→飲勝
黃瓜→青瓜﹖
伯母(百無、百冇)→伯娘﹖
其它都系好好嘅例子,但系“青”同“黄”有咩分别?
Re:[討論]粤语吉利用字大收集,请各位帮手
事情黄了,即系将事情做坏了,失败了。江浙一带嘅黄酒,而家有一间厂将其改名叫和酒,销量即刻反弹。
Re:[討論]粤语吉利用字大收集,请各位帮手
另一個解釋係唔想得罪姓黃嘅人(瓜=瓜得)﹗不過我自己未聽人講過青瓜。Re:[討論]粤语吉利用字大收集,请各位帮手
dada在2005-08-13 23:36:32說道:另一個解釋係唔想得罪姓黃嘅人(瓜=瓜得)﹗不過我自己未聽人講過青瓜。noRe:[討論]粤语吉利用字大收集,请各位帮手
dada在2005-08-13 19:19:40說道:傘(散)→遮乾杯→飲勝
黃瓜→青瓜﹖
伯母(百無、百冇)→伯娘﹖
有人直情講 伯有
Re:[討論]粤语吉利用字大收集,请各位帮手
“竹星”,我見到“竹陞”。好似“通書(輸)”唔吉利,用“通勝”,唔係“通聖”。係直接情個吉利嘅字,而唔係用吉利嘅字嘅同音字。扛同降同音,降嘅反義詞係“陞”,所以直接寫“竹陞”就得。
好似“吉屋”都係直接用“吉”字,冇理由又用“桔”代替啩。
黃瓜,係事實上避免得罪姓黃嘅人,所以叫青瓜。
好似涼瓜,涼同梁同音,嗌涼瓜,即係叫姓梁嘅人瓜,所以改叫苦瓜。
Re:[討論]粤语吉利用字大收集,请各位帮手
伯有,最近陶大宇有出戏成日噤叫啦Re:[討論]粤语吉利用字大收集,请各位帮手
好似係因為「苦瓜」苦苦聲唔好聽,先至改叫「涼瓜」喎。啲餐牌都係特登噉寫。Re:[討論]粤语吉利用字大收集,请各位帮手
同意d管嘅讲法,我觉得同姓氏无关Re:[討論]粤语吉利用字大收集,请各位帮手
係,“苦瓜”唔吉利,先改叫“涼瓜”。Re:[討論]粤语吉利用字大收集,请各位帮手
查证:苦瓜系俗称,凉瓜系学名,同吉利与否无关Re:[討論]粤语吉利用字大收集,请各位帮手
「涼瓜」呢個名咁通俗﹐唔會係學名嘅。苦瓜(balsam pear﹔bitter gourd)
葫蘆科(cucurbitaceae)苦瓜屬中的栽培種,一年生攀緣性草本植物。學名momordica charantia l.﹐別名涼瓜,古名錦荔枝、癩葡萄。
苦瓜乾 balsam pear (momordica charantia l.)﹐拉丁文,別名:錦荔枝、癩葡萄、紅姑娘、涼瓜、癩瓜、紅羊;功效主治:1、清熱滌暑(熱病煩渴、中暑)2、清心明目 3、清熱解暑(癰腫、丹毒)。
苦瓜又名:癩瓜、錦(金)荔枝、癩葡萄、癩蛤蟆、紅姑娘、涼瓜、君子菜。苦瓜原產於印度東部,大約在明代初傳入我國南方。苦瓜屬於葫蘆科,它是一年生蔓性植物。它的莖、葉、花和果實都顯得很奇特,可作觀賞植物栽培,但由於它的營養價值和藥用價值高,一般作為蔬菜栽培。
Re:[討論]粤语吉利用字大收集,请各位帮手
哈哈哈哈,个个都系专家Re:[討論]粤语吉利用字大收集,请各位帮手
豬血→豬紅Re:[討論]粤语吉利用字大收集,请各位帮手
吉盒、吉屋,但有冇人将“狗血”讲作“狗红”?
頁:
[1]
2