[討論]粤语吉利用字大收集

highyun

从前面嗰篇关于「竹星」嘅文章，睇到，竹杠（降）变竹星（升），原来又系来自广东人嘅语言意头，真系好有趣。类似嘅例子重有「舌（蚀）」－「脷（利）」「通书（输）」－「通圣（胜）」「空（凶）屋」－「吉屋」。我希望总结多啲呢方面嘅资料，准备写篇文章，希望各位将自己知道嘅以跟贴形式话我知。

desmond

勝瓜（絲瓜）、肝（膶）、涼瓜（苦瓜）……

kylie

唔知呢渣算唔算 架勢/ 拿西/ 騎呢/ 屙gor/ 熬底/ 邪丁.. em3:

itxu2k

kylie在2005-08-13 10:52:49說道：[br]唔知呢渣算唔算 架勢/ 拿西/ 騎呢/ 屙gor/ 熬底/ 邪丁.. em3:

吓?!

dada

傘（散）→遮 乾杯→飲勝 黃瓜→青瓜﹖ 伯母（百無、百冇）→伯娘﹖

highyun

dada在2005-08-13 19:19:40說道：[br]傘（散）→遮 乾杯→飲勝 黃瓜→青瓜﹖ 伯母（百無、百冇）→伯娘﹖

其它都系好好嘅例子，但系“青”同“黄”有咩分别？

顺德水蛇粥

事情黄了，即系将事情做坏了，失败了。 江浙一带嘅黄酒，而家有一间厂将其改名叫和酒，销量即刻反弹。

dada

另一個解釋係唔想得罪姓黃嘅人（瓜=瓜得）﹗不過我自己未聽人講過青瓜。

顺德水蛇粥

dada在2005-08-13 23:36:32說道：[br]另一個解釋係唔想得罪姓黃嘅人（瓜=瓜得）﹗不過我自己未聽人講過青瓜。

no

desmond

dada在2005-08-13 19:19:40說道：[br]傘（散）→遮 乾杯→飲勝 黃瓜→青瓜﹖ 伯母（百無、百冇）→伯娘﹖

有人直情講 伯有

Anl

“竹星”，我見到“竹陞”。好似“通書(輸)”唔吉利，用“通勝”，唔係“通聖”。係直接情個吉利嘅字，而唔係用吉利嘅字嘅同音字。 扛同降同音，降嘅反義詞係“陞”，所以直接寫“竹陞”就得。 好似“吉屋”都係直接用“吉”字，冇理由又用“桔”代替啩。 黃瓜，係事實上避免得罪姓黃嘅人，所以叫青瓜。 好似涼瓜，涼同梁同音，嗌涼瓜，即係叫姓梁嘅人瓜，所以改叫苦瓜。

顺德水蛇粥

伯有，最近陶大宇有出戏成日噤叫啦

desmond

好似係因為「苦瓜」苦苦聲唔好聽，先至改叫「涼瓜」喎。啲餐牌都係特登噉寫。

顺德水蛇粥

同意d管嘅讲法，我觉得同姓氏无关

Anl

係，“苦瓜”唔吉利，先改叫“涼瓜”。

顺德水蛇粥

查证：苦瓜系俗称，凉瓜系学名，同吉利与否无关

dada

「涼瓜」呢個名咁通俗﹐唔會係學名嘅。 苦瓜（balsam pear﹔bitter gourd） 葫蘆科（cucurbitaceae）苦瓜屬中的栽培種，一年生攀緣性草本植物。學名momordica charantia l.﹐別名涼瓜，古名錦荔枝、癩葡萄。 苦瓜乾 balsam pear (momordica charantia l.)﹐拉丁文[momordica charantia l]，別名：錦荔枝、癩葡萄、紅姑娘、涼瓜、癩瓜、紅羊；功效主治：1、清熱滌暑（熱病煩渴、中暑）2、清心明目 3、清熱解暑（癰腫、丹毒）。 苦瓜又名：癩瓜、錦（金）荔枝、癩葡萄、癩蛤蟆、紅姑娘、涼瓜、君子菜。苦瓜原產於印度東部，大約在明代初傳入我國南方。苦瓜屬於葫蘆科，它是一年生蔓性植物。它的莖、葉、花和果實都顯得很奇特，可作觀賞植物栽培，但由於它的營養價值和藥用價值高，一般作為蔬菜栽培。

顺德水蛇粥

哈哈哈哈，个个都系专家

dada

豬血→豬紅

顺德水蛇粥

吉盒、吉屋，但有冇人将“狗血”讲作“狗红”？