設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
12
返回列表 發新帖
樓主: 涼薄荷

[資料收集] 請教一個問題,關於王亭之與何文匯

[複製鏈接]
發表於 2012-12-8 09:12:55 | 顯示全部樓層
1.我相信如果何文匯無人支持嘅話,無線電視唔會繼續採用其正音。
2.香港雖然唔係民主社會,但都算有學術自由,點解何文匯唔可以有其見解。
3.如果唔認同,可以唔跟, 但我感覺上覺得反何者係人身攻擊多過學術討論。

「我講過多次,我唔係支持何文匯」
發表於 2012-12-9 18:06:57 | 顯示全部樓層
本帖最後由 香江白丁 於 2012-12-9 18:22 編輯

回覆 21# KinNg

不才於19樓提供的網站,兄台可有閱讀、對所謂「正音」之脈絡瞭解有多深?

1. 兄台提出之第一點,不才試以政治作比喻。「共慘黨」之理論有人支持嗎?總會有的,多是既受「毒材」支配又受其利益者。「毒材者」有權,受支配者能不依從?

2. 兄之第二點,香港的學術自由,以致新聞自由,日漸受「毒材者」所操縱,兄台是香港人、知悉此地情況嗎?何文匯當然可以有其見解,但當一眾有識之士質疑你的見解時,理應挺身而出,去捍衛你的見解,而不是龜縮。你可曾找到他公開辨解的文章,除了在二千又十年出版之<廣粵讀>書中力數王亭之誤解<廣韻>有五聲之外,對王所提以下的重要提問(二千十一年五月重提),從不敢面對:
(一)中原音傳入廣府,分為周秦;兩漢;魏晉南北朝;隋唐宋;元明清及現代共六個時期,何以獨取宋代《廣韻》的音韻為標準,對其他時期的音韻則否定?
(二)眾所周知,廣府話有九聲,倘如聲調要依《廣韻》,是否要廢去《廣韻》所無的聲調?是否要否定廣府話有九聲的文化傳統?
(三)近代音韻學家都先承認廣府話的讀音,然後研究其音韻規律,何以何教授反其道而行,只據韻書而不承認既存及已通行的粵音?
(四)何教授說由中州音轉讀為廣府話有一定的規律,請問這些規律,是根據那一些音韻專家、根據那一些學術著作訂出?這些規律又是否已達成一定的共識?
(五)廣府語音,牽涉整個粵音區域,閣下推行的「正音」,是否已經取得粵廣語言學者、教育家,政府文教組織的共識,還是只是香港「權威人士」一意孤行的文化自治獨立行為?

二千又七年,有著名學者劉衛林貌似客觀,寫文章為何某撐腰 見:http://chinese.hkep.com/scripts/chinese/index.php?itemid=psys
,內容同是對上述問題避而不談。

兄之第三點,「唔認同,可以唔跟」。問題是對方霸佔了地盤及資源(如學校、電台),大力傳播病毒音,反對之聲微弱。何某對外不瞅不睬,一副賴皮,不值痛罵乎。係男子漢,敢作便應敢承擔,接受人家質詢,即使錯了,尚可同情。

不才一向懷一猜度,「共慘黨」早就想攪亂粵方言,使粵人厭於爭議,以便推廣普通話一聲令下,順利執行。何某就是懷這不可告人之任務之人。當然,此純不才胡謅。

正音也好,正字本字也好,我等必須思考一重點,字和音之作用是甚麼,是為大眾溝通之用乎?還是為學術之用乎?矯枉過正,窒礙溝通,正字正音之意便適得其反了。
發表於 2012-12-9 22:32:16 | 顯示全部樓層
何文匯一個人可以霸佔無線,亞視,學校,電台?
講都無人信啦。
你將何文匯同共產黨比,有無太抬舉佢呀!
好明顯,王有他的見解,何亦有他的見解。
王亭之講乜嘢粵語救亡,簡直係古惑大眾,而且經常斷章取義,對於不明真相嘅人以為何真係要將粵語完全復古。
發表於 2012-12-10 18:18:15 | 顯示全部樓層
本帖最後由 香江白丁 於 2012-12-10 18:20 編輯

回覆 23# KinNg
何某祇一身驅,當然不能同時霸佔多間學校、多間電台。或者不才表達不力,我是說「對方」霸佔了地盤及資源,「對方」是指依從何某主張之學校及電台。

不才將何某跟「共慘黨」比,是要說何某之霸道,他掌權,不跟人辯論,一意孤行。大陸人還未受夠「毒材」霸道之苦嗎?

兄台還是籠統說「王有他的見解,何亦有他的見解」,請閣下正面回應不才之提問:但當一眾有識之士質疑你的見解時,(何某)理應挺身而出,去捍衛你(何某)的見解,而不是龜縮。何某是否應當面對?

王跟何之爭論,不是學者劉衛林批評所指,王懂不懂<廣韻>有五聲、錯認陰陽聲調、不辨平仄四聲、不明反切原理與方法、不知翻檢韻書、文學修養不足所致謬誤、邏輯推理上謬誤等等,而是:究竟廣府話用上百年、約定俗成而不跟<廣韻>的語音,是否須要還原依<廣韻>,例子如:

機救(機構),眾援(綜援),kuwok大(擴大),九鈖(糾紛),提唱(提倡),骨灰堪(龕)。

若要還原,是否有標準,所有不跟<廣韻>者都要還原。兄台有否看19樓之鍊接:另一有心人之網站,記錄了「正音事件」來龍去脈:http://cantonesestandard.wordpress.com/
知道正音所牽涉的範圍嗎?知道何某之自相矛盾嗎?

不才揣測,何某自知理虧,故不敢面對質詢,不然,閣下可替他找到龜縮之下台階乎?

說王亭之「簡直係古(蠱)惑大眾,而且經常斷章取義」。請提出閣下之論據,舉出例子,慎勿信口開河。
發表於 2012-12-11 07:24:39 | 顯示全部樓層
呢個問題拗三世都拗唔清,公講公有理,婆講婆有理。
總之,即使係王亭之啱細都無用,何某係有權去做佢認為係啱嘅嘢。
發表於 2012-12-11 10:48:42 | 顯示全部樓層
王亭之反何都幾成功,搞到依家人人聽到何文匯嘅名就反,問題係:
何文匯嘅正音有兩部分:
1,正音,係同香港嘅懶音有關,所謂正音,係要糾正所謂嘅懶音,呢部分係無爭議。
2,正讀,你哋反嘅應該係正讀,而唔係正音,但非常不幸,人人都話反正音。
對於正讀,何文匯唔係要你哋將所有粵語都正讀,而係佢自己篩選出大概100個香港人平時講嘅,佢認為係錯嘅字,再加上幾百個書面用字。呢部分就係爭議嘅根本。學界與非學界基本上係壁壘分明,學界多表支持,而非學界就反對。

而對於王亭之反何,我覺得係有大陸式群眾運動之嫌。將正字嘅害處無限誇大,去到粵語救亡嘅地步。而佢嘅約定俗成就去到另一個反面,即使係錯字都話無問題。而佢嘅所謂粵語救亡,喺大陸推普時,卻唔見佢出來救亡粵語。
發表於 2012-12-11 13:59:10 | 顯示全部樓層
回覆 27# KinNg
兄謂「即使係王亭之啱細都無用,何某係有權去做佢認為係啱嘅嘢。」

人民啱晒都冇用,共慘黨有權去做佢認為係啱嘅嘢。KinNg兄,權力,豈能如斯亂用哉!行使權力也須講理吧,就是因為何某有權,有政府撐腰,他更須以理服人。所謂「學界多表支持」,就因學界多受政府支配。

退一步而言,算何某「啱晒」,他實應企出來,面對「非學界」,趁機解釋清楚「正音」、「正讀」、「唔係要你哋將所有粵語都正讀」。若道理在何某一方,以一名語言學者之本事,何愁有理講不清,何愁爭取不到大眾支持,攪到「非學界就反對」!

王亭之謂「粵語救亡」,用詞是值得商榷,但距「大陸式群眾運動」甚遠,他無權、無組織羣眾用武力,祇口誅筆伐而已。至曰「喺大陸推普時,卻唔見佢出來救亡粵語。」這涉及責任觀念,很難講清楚。打個比方,某甲幫忙你一次,下次你再有需要,某甲是沒責任再幫你的。又一比方,某乙看見路上有歹徒行劫路人,某乙冒險挺身而出,擊退歹徒,下次再遇同樣劫案,某乙是沒「必然責任」再出手的。老人家攪種種運動,不須賠上精神心血乎?
發表於 2012-12-11 15:20:33 | 顯示全部樓層
回覆 29# 香江白丁


   
想講同未諗到點講嘅都俾白丁講哂,全中要害。服!
非常支持白丁睇法。
發表於 2012-12-12 07:05:55 | 顯示全部樓層
依家你知點解我對佢哋兩個各打伍十大板。
發表於 2012-12-13 09:39:58 | 顯示全部樓層
語言有自身的演變規律,毋需外力「矯正」。我覺得懶音都幾可愛,冇太大問題。 ...
mbingkwan 發表於 11/12/2012 11:21



    咁如果呢係吳炳坤,係咪可以叫吳邊勤1呢。
發表於 2013-1-5 18:39:31 | 顯示全部樓層
王亭之反何都幾成功,搞到依家人人聽到何文匯嘅名就反,問題係:

對於正讀,何文匯唔係要你哋將所有粵語都正讀,而係佢自己篩選出大概100個香港人平時講嘅,佢認為係錯嘅字,再加上幾百個書面用字。呢部分就係爭議嘅根本。學界與非學界基本上係壁壘分明,學界多表支持,而非學界就反對。

KinNg 發表於 2012-12-11 10:48



   
唔知學界有幾多支持何文匯呢?
所謂學界,點先算學界?要好似何博士有個銜頭至算學界?如果話要有學位或者大學教授就算係學界,何文匯嘅博士研究唔係粵語;所謂粵語正音純係佢個人研究,冇在任何相關學術期刊發表過論文,唔係攞本壹週刊訪問稿就當係學術期刊呀?
何文匯利用大學教授銜頭呃教育司署(即依家教育局)搞正音,要求老師跟佢地讀音,會考口試唔照佢地發音就扣分。教師為飯碗,學生為分數,至會敢怒不敢言咋。如果話政府都推動呢個正音,就代表佢係正確;教育局近兩年在各方群起反駁何文匯之流後,已經話過唔一定要跟何音,係唔係代表佢嘅正音運動唔正確?
發表於 2013-1-5 22:30:45 | 顯示全部樓層
回覆 34# 李四


    呢個問題好簡單,如果無人支持,咪講佢只係教授,即使係特首都唔得!
發表於 2013-1-7 18:30:00 | 顯示全部樓層
回覆  李四


    呢個問題好簡單,如果無人支持,咪講佢只係教授,即使係特首都唔得! ...
KinNg 發表於 2013-1-5 22:30



   
除咗佢嘅徒弟外,支持佢嘅人唔多,依家連教育局都已經表態唔再支持。
發表於 2013-1-7 18:36:25 | 顯示全部樓層
王亭之係學者,但同語言無關,何文匯應該係研究語言的。
我對呢兩位係各打五十大板! ...
KinNg 發表於 2012-12-7 07:54



   
王亭之係老廣州,唔係學者,但自幼家中聘請老學究教佢國學,年少時亦跟隨過學者學習反切法。何文匯博士論文係研究「陳之昂」。
您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2022-5-18 14:56 , Processed in 0.209153 second(s), 22 queries .

Copyright © 2003 - 2021 Cantonese Association. All Rights Reserved. 粵語協會 版權所有

快速回復 返回頂部 返回列表