２００８年４月２９号《南方都市报》

卢总

论尽母语

神神化化,傻傻更更

 

□何颖珊

　　香港某商场挂着一幅抢眼的广告,婀娜的女孩手执一唇膏,不经意间透露着神往,旁边的广告词写着:「女人,点可以唔化?」这个「化」字用得神乎其神。

　　在这里,化字配合画面,当然是指「化妆」的化,装扮过的女人更加风姿绰约,尤物移人。但字面意思却是另外一层含义,女人,一定要开通、透彻。

　　广州话的「化」有点禅,杨千女华有首单名为《化》的歌,歌词里面的「化」只用了本义,化除,化开:「一巴一巴,情感打不化」,巴掌打不散感情。而表示开通、开化、看彻底,透了的化就贯穿整首歌,隐藏在歌词里,「如果恋爱为结婚,如果拥抱为名分,何苦等半生」,这就是对感情「睇化晒」。

　　化得过头,就变作神神化化,神经有点不正常,行为令人捉摸不透的样子。「佢可能受咗刺激,成日神神化化噉样。」

　　形容人有点神经的词在广州话当中有很多,而且都可以组成叠词。如果是傻头傻脑、笨头笨脑的,可以说戆戆居居。「打起精神,唔好成日戆戆居居噉。」

　　同样是指有点傻里傻气的,可以形容为傻傻更更。「正经啲啦,咁大个人讲嘢重系傻傻更更噉。」傻傻后面跟的是更更,而癫癫后面加的是废废,表示疯疯癫癫。「佢份人系噉口架了,癫癫废废。」大癫大废的意思和它有点相似,指大大咧咧,做人「冇乜所谓,容易话为」。

 

http://www.nanfangdaily.com.cn/epaper/nfds/content/20080429/ArticelB12003FM.htm

卢总

「癫癫废废」、「大癫大废」未必系正字。

卢总

得些好意须回手

 

□江晖

　　李姨:咦,张姨,莲子蓉噉嘅面口,今日股市井喷升咗三百几点,个屏幕一片红,你啲股票得米喇?

　　张姨:边系,好多都系啱啱解套咋,得一两只赚到鸡碎咁多,肯定唔抛住喇,重准备全仓入货添。

　　李姨:哗,唔惊又系偷鸡唔成蚀揸米呀?我同好多新仔一样,前段时间入市都赚到些少,得啲甜头就飘飘然,之后几铺都瞓晒身,点知套到死晒,咪应晒我哋打麻将都有句话叫「赢头糊输甩裤」啰。

　　张姨:我呢轮都成日抄错底,的确受惊唔少。我老公都成日闹到我狗血淋头口架,话我执迷不悟,贪字得个贫,叫我唔好玩得太过狂。

　　李姨:你肯定听唔入口架喇。不过话时话,噉样上上落落,之前赚嘅好容易蚀番出去。股市呢味嘢,估估下碰运气嘅啫,我哋边够啲大机构、大庄家玩呀。

　　张姨:噉又系,不过人人都话奥运前重有得搏下,加上政府唔会眼白白睇住个市衰落去嘅。

　　李姨:我就唔敢太乐观,做人都系稳阵啲好。你睇有啲老人玩到连棺材本都冇埋,真系前世啰。得些好意须回手呀,老友。

 

http://www.nanfangdaily.com.cn/epaper/nfds/content/20080429/ArticelB12004FM.htm

卢总

　　李姨:咦,张姨,莲子蓉噉嘅面口,今日股市井喷升咗三百几点,个屏幕一片红,你啲股票得米啦?

　　张姨:边系,好多都系啱啱解套咋,得一两只赚到鸡碎咁多,肯定唔抛住喇,重准备全仓入货添。

　　李姨:哗,唔惊又系偷鸡唔成蚀揸米呀?我同好多新仔一样,前段时间入市都赚到些少,得啲甜头就飘飘然,之后几铺都瞓晒身,点知套到死晒,咪应晒我哋打麻雀都（Ｘ）有句话叫「赢头糊输甩裤」啰。［个「都」字多余。］

　　张姨:我呢轮都成日抄错底,的确受惊唔少。我老公都成日闹到我狗血淋头口架,话我执迷不悟,贪字得个贫,叫我唔好玩得太过狂。

　　李姨:你肯定听唔入口架喇。不过话时话,噉样上上落落,之前赚嘅好容易蚀返出去。股市呢味嘢,估估下碰运气嘅啫,我哋边够啲大机构、大庄家玩呀。

　　张姨:噉又系,不过人人都话奥运前重有得博下,加上政府唔会眼白白睇住个市衰落去嘅。

　　李姨:我就唔敢太乐观,做人都系稳阵啲好。你睇有啲老人玩到连棺材本都冇埋,真系前世啰。得些好意须回手呀,老友。

卢总

□阿展专栏

　　1.钱可以买到一切,不过爱情,钱就买唔到。节俭嘅美德,钱亦买唔到。粮食就系人类嘅爱情,「咸鱼白菜也好好味」,前提就系必须有米,大米嘅米。

　　——陈SIR金句(4月25日《七点点一点》)

　　2.甲:嗰间超市五一大减价听讲取消咗啰噃。(那间超市的五一大减价听说取消了。)

　　乙:我都话冇咁大只蛤乸随街跳口架啦。(我早就说不会有这么好的事啦。)

　　——两个师奶听到了大减价取消的消息。

　　3.介绍几台手机畀佢,计埋我啲10%提成落去。(介绍几台手机给他,把我的10%提成算进去。)

　　——一个学生模样的翻译带着一个黑人到店铺买手机,他直接对店员这样说。店员一脸诧异。

　　4.呢啲蕉都重话唔熟?话你知啦,我啲蕉通大便就最使得口架嘞,称完你即刻食,跟住行去揾厕所就啱嘞。(这样的香蕉还说不够熟?告诉你吧,我的香蕉通大便就最见效了,称完你马上吃,接着走去找厕所就时间刚刚好。)

　　——某菜市场一水果档,档主正向一街坊推销他的香蕉。

　　5.今朝起身谂起不如买嚿烧肉拜神啦,点知去到佢要我廿二蚊。我话买开咁大嚿,点解贵咗咁多呀?佢重话依家冇钱赚添,我咪话佢真系「禀神都冇句真」啰。(今早起来想起不如买块烧肉拜神啦,谁知去到他要我22元,我说还是这么一块,为什么贵了这么多呀?他还说现在没钱赚了,我就说他真是‘禀神都没有一句真的’。)

　　——一个阿婆抱怨烧肉贵。

 

http://www.nanfangdaily.com.cn/epaper/nfds/content/20080429/ArticelB12005FM.htm

卢总

　　1.钱可以买到一切,不过爱情,钱就买唔到。节俭嘅美德,钱亦买唔到。粮食就系人类嘅爱情,「咸鱼白菜也好好味」,前提就系必须有米,大米嘅米。

　　——陈SIR金句(4月25日《七点点一点》)

　　2.甲:嗰间超市五一大减价听讲取消咗啰噃。(那间超市的五一大减价听说取消了。)

　　乙:我都话冇咁大只蛤乸随街跳口架啦。(我早就说不会有这么好的事啦。)

　　——两个师奶听到了大减价取消的消息。

　　3.介绍几台｛Ｘ｝手机畀佢,计埋我啲10%提成落去。(介绍几台手机给他,把我的10%提成算进去。)［而家啲人用个「台」字嚟做汽车、机械、电器等名词嘅量词系大错特错嘅！系严重被捞话侵蚀影响嘅表现！各位应该引以为戒！］

　　——一个学生模样的翻译带着一个黑人到店铺买手机,他直接对店员这样说。店员一脸诧异。

　　4.呢啲蕉都重话唔熟?话你知啦,我啲蕉通大便就最使得口架嘞,称完你即刻食,跟住行去揾厕所就啱嘞。(这样的香蕉还说不够熟?告诉你吧,我的香蕉通大便就最见效了,称完你马上吃,接着走去找厕所就时间刚刚好。)

　　——某菜市场一水果档,档主正向一街坊推销他的香蕉。

　　5.今朝起身谂起不如买嚿烧肉拜神啦,点知去到佢要我廿二蚊。我话买开咁大嚿,点解贵咗咁多呀?佢重话依家冇钱赚添,我咪话佢真系「禀神都冇句真」啰。(今早起来想起不如买块烧肉拜神啦,谁知去到他要我22元,我说还是这么一块,为什么贵了这么多呀?他还说现在没钱赚了,我就说他真是‘禀神都没有一句真的’。)

　　——一个阿婆抱怨烧肉贵。

卢总

韦小宝讲古(《鹿鼎记I》片段)

 

□UngooChan

　　【剧情】

　　丽春园入面,韦小宝坐到好高向众人讲古。

【对白】

　　韦小宝:各位观众!多谢大家哄到咁埋,坐到咁直嚟听我讲古①,都算畀面喇!今日要讲嘅人物就系天地会嘅总舵主陈近南。有所谓平生不见陈近南,就便称英雄也枉然。佢身高八尺,腰围又系八尺。

　　听客(加把口):哗!噉咪即系四方?!

　　韦小宝:四方咪四方啰。唔顺呀?!一样米养百样人。八角形都有呀!讲你听吖!佢武功嘅名堂就为之九天十地菩萨摇头怕怕霹雳金刚雷电掌。一掌打出,方圆百里之内,无论人畜、虾蟹、虱乸都要化为飞灰嘅!

　　听客:哗——

　　韦小宝(继续):嗨!不过呢个人行踪无定,飘忽无踪,但系我喺机缘巧合之下,就曾经见过佢半面噃。

　　听客:一系见过,一系未见过。点会见到半面口架?

　　韦小宝:因为佢真系遮住半边面啰!傻仔!未听过犹抱琵琶半遮面口架?!你未读过书口架,懵仔?(笑)虽然我只系见过佢半面,但系一见倾心,熊熊声噉走去斩鸡头烧黄纸结拜为兄弟!②

【点评】

　　①古时嘅街头讲古,同现时我哋听楷叔嘅讲古唔同。以前嘅讲古佬会坐喺众人中间,眉飞色舞,加好多自己感情色彩上去。

　　②斩鸡头后鸡血滴落写住毒誓嘅黄纸上,然后将黄纸焚烧,系旧时兄弟结拜嘅一种形式。短短一段对白已经包含咗咁多传统文化嘅内容,实属难得。

 

http://www.nanfangdaily.com.cn/epaper/nfds/content/20080429/ArticelB12006FM.htm

卢总

　　【剧情】

　　丽春园入面,韦小宝坐到好高向众人讲古。

【对白】

　　韦小宝:各位观众!多谢大家哄（？）到咁埋,坐到咁直嚟听我讲古①,都算畀面喇!今日要讲嘅人物就系天地会嘅总舵主陈近南。有所谓「平生不见陈近南,就便称英雄也枉然。」佢身高八尺,腰围又系八尺。［呢个「哄」字并冇一种「靠近」嘅意思，如果讲到「靠近」，「烘」字会比较合适——虽然未必系正字，但意思更加接近，而且唔肯定嘅字应该加双引号，以资识别。］

　　听客(加把口):哗!噉咪即系四方?!

　　韦小宝:四方咪四方啰。唔顺呀?!一样米养百样人。八角形都有呀!讲你听吖!佢武功嘅名堂就为之九天十地菩萨摇头怕怕霹雳金刚雷电掌。一掌打出,方圆百里之内,无论人畜、虾蟹、虱乸都要化为飞灰嘅!

　　听客:哗——

　　韦小宝(继续):嗨!不过呢个人行踪无定,飘忽无踪,但系我喺机缘巧合之下,就曾经见过佢半面噃。

　　听客:一系见过,一系未见过。点会见到半面口架?

　　韦小宝:因为佢真系遮住半边面啰!傻仔!未听过犹抱琵琶半遮面口架?!你未读过书口架,懵仔?(笑)虽然我只系见过佢半面,但系一见倾心,熊熊声噉走去斩鸡头烧黄纸结拜为兄弟!②

【点评】

　　①古时嘅街头讲古,同现时我哋听楷叔嘅讲古唔同。以前嘅讲古佬会坐喺众人中间,眉飞色舞,加好多自己感情色彩上去。

　　②斩鸡头后鸡血滴落写住毒誓嘅黄纸上,然后将黄纸焚烧,系旧时兄弟结拜嘅一种形式。短短一段对白已经包含咗咁多传统文化嘅内容,实属难得。

卢总

03.两者选择疑问

 

□粤语协会专栏

　　【情景】问者要知道两个候选项中哪个更具有某种属性。

　　【例句】A:姚明同易建联边个高(啲)?——姚明同易建联哪个高(一点)?B:姚明(高啲)。——姚明(高一点)。

　　【解释】选择疑问句常由「边」引出,相当于「哪」。在本例中,两者比较的是「高」这个属性。在答句中属性之后还可以根据实际情况加上补语修饰其程度,例如「啲」、「好多」等。

 

http://www.nanfangdaily.com.cn/epaper/nfds/content/20080429/ArticelB12007FM.htm

卢总

　　【情景】问者要知道两个候选项中哪个更具有某种属性。

　　【例句】A:姚明同易建联边个高(啲)?——姚明同易建联哪个高(一点)?B:姚明(高啲)。——姚明(高一点)。

　　【解释】选择疑问句常由「边」引出,相当于「哪」。在本例中,两者比较的是「高」这个属性。在答句中属性之后还可以根据实际情况加上补语修饰其程度,例如「啲」、「好多」等。［唔可以话选择疑问句由「边」呢个字「引」出，事关但凡「引」就应该排喺句首先至为之「引」——因为我哋喺一般情况下，唔会讲「边个好啲？Ａ定Ｂ？」，而只会话「Ａ同Ｂ边个好啲？」］

卢总

□荆方专栏

　　为了在生活上互相帮助、精神上互相支持,两个情谊相投的自梳女会结拜「金兰姐妹」。一旦结拜金兰契,两个人便同居共处,情同夫妻。这些同性伉俪情深意重,往往能白头偕老。

 

http://www.nanfangdaily.com.cn/epaper/nfds/content/20080429/ArticelB12008FM.htm

飛鳥

金兰契咪同结拜兄弟差唔多？

卢总

「一旦结拜金兰契,两个人便同居共处,情同夫妻。」——噉讲法，有造谣中伤之嫌！

 

「金兰契」可以系两个人或者系多个人结为异姓姊妹，所以又称为「金兰姊妹」。佢哋可以同居，亦可以唔同居，有啲甚至会嫁人——即使其中有被迫嘅成分。

 

「金兰姊妹」谊可比亲生姊妹，但情就未必如同夫妻。若如荆方文中所讲，缔结「金兰契」嘅都系同性恋者，噉对嗰啲并非同性恋嘅女士嚟讲又点呢？

卢总

谨将本帖送畀Ｂｉｒｄｉｅ！

飛鳥

 Thank you!学到好多嘢！

Jake_ct

漢醫認為，人嘅七情六欲同五臟息息相關。

五臟對應各種情緒。肺主悲，悲則傷肺。又如，怒傷肝，喜傷心，恐傷腎，憂傷脾。

「大癲大肺」既然形容情緒不穩，「肺」呢個音寫作「肺」應該較為恰當。