孫中山的大一統思想與推普必然性

winkin

推普是大一統思想的產物，但大一統思想不獨北人有之，南人也有。出身廣東的孫中山及其革命追隨者，就是一個例子。聽其言：孫中山的座右銘是「天下為公」，其志在天下；觀其行：孫中山前期從事推翻清朝，建立民國的活動，后期屢次北伐，以圖一統中國。孫中山的大一統思想突出的表現在他與另一個廣東名人的政見分歧。廣東軍閥陳炯明主張「聯省自治」，近似美國聯邦制。由于孫中山在廣東屢次主張北伐，陳發動兵變，炮轟中山府。陳此舉小氣，也可能是因為個人權利私欲。孫中山后來成為中華民國國父和中華人民共和國現代民主革命的先行者，陳炯明自然遭到國共排斥，最后死于香港。但從他治理廣東的政績來看，此人顯然并非昏庸之輩。假如說「聯省自治」是陳的私欲，我們也可以說「北伐」是孫的私欲，只不過，在當是的中國，更多人傾向支持后者。

假如孫中山統一全中國，他也一定推廣普通話。他在廣州的演講不少是用國語；據傳他以顧全大局理由勸粵籍議員放棄定立粵語為中國官方語言。所以，我好有理由相信，孫會在全國包括廣東推行普通話，而非他的母語粵語。當然，在手法上，可能不會強行推普，并且有充足的彈性。普通話可能是唯一的官方語言，但教學中允許粵語。

假如陳炯明及其追隨者繼續主政廣東，粵語在廣東很可能像在現時的香港一樣發展成為一種包括法庭和教育的全功能的語言。根據「聯省自治」的地方和聯邦法例，廣東很可能是粵語/國語雙官方語言；其他省亦類似。

大一統思想不但上世紀初有，北人有，就連21世紀初的廣東人也有。廣府人一方面complain推普機；另一方面對廣東省臺撤銷客家話和潮州話頻道，樂觀其成，至少不會complain.香港人以為廣州話是廣東話，廣府人則覺得廣州話應該要成為廣東話。

如果再唸深一層，大一統思維應該跟古代大陸溫帶季風氣候下的黃河流域農業經濟有關。政治上的大一統其實開始于秦始皇統一黃河流域。說秦始皇統一中國，其實就是黃河流域，因為那個時候長江人很少，珠江則尚未開發。假如黃河被截流，那么下游就會失去灌溉；季風氣候使得農作物可能在好的季節豐收，壞的季節失收，因此需要積谷防饑，也需要拿一個地方的糧食去賑濟另一個地方的人民。所以，要在黃河流域「揾食」，就必須統一。在黃河流域發展出來的「揾食文化」就自然是大一統文化。

現在進入工業社會，行市場化，但目前僅限于經濟領域，在文化上還沒有發展到言論自由的多元化思維。但從包括廣東在內的部分沿海地方開始追近亞洲四小龍的經濟，以及亞洲四小龍解除報禁促進經濟進一步升級的歷史來看，這一天似乎不遠。也許到那時候，才會有更多人樂于了解陳炯明的思想和事跡，也會有更多人知道孫中山除了有「孫逸仙」的名號也有「孫大炮」的外號，除了三民主義還有大亞洲主義，除了在日本搞革命還有搞日本妹。

卢总

广东省台撤消潮州话同客家话频道，我睇绝非广东人嘅意思——因为家阵都系啲不知所谓嘅人嚟做晒电视台、电台嘅领导，所以你可以经常见到电视台啲「记者」、「主持」周不时口出「狂」言，原因亦在于此！

winkin

雖然我都有傾向同意你嘅觀點，所以我寫到那里的時候，用詞都要小心D。但我斟酌來斟酌去，似乎「樂觀其成，至少不會complain」這一點，難逃潮州人、客家人和部分廣西人，對廣府人在廣東獨尊粵語的責難。

Lucciora

個人覺得孫先生喺呢點上有啲......，我比較偏向陳炯明

思覺失調

原帖由 winkin 於 2008-4-29 01:25 發表  據傳他以顧全大局理由勸粵籍議員放棄定立粵語為中國官方語言。

 

據傳嘅嘢有幾成係真，根本就無從考究……

 

 

 

 

 

 

..............孫大奅喺日本搞日本妹.有何不可~?

 

 

 

 

 

 

 

 

                                                                                    我十分敬佩孫中山先生係中（華民）國之國父.

 

 

 

 

 

南粤高凉仔

广东人讲粤语差一滴就成为国语，福建人也甘福建话也差一滴就成为国语讲，江西人、湖南人都甘讲自己的语言噶。

南汉

这是你一厢情愿的假如，不要冤枉孙中山。

紫凤凰

南漢係「唯孫論者」，係噉架啦。

 

 

如果你非要問我嘅意見嘅話，我係支持大一統囉，但係噉卻未必代表會推廣普通話嘅。

 

而家有另一個傳說就係話，當時有一派京派學者堅持採用京語為國語，當然傳說畢竟只係傳說，作不得真。

 

其實無論邊個當國都好，都唔會取粵語作為國語，而會取其中一種官話方言作為國語。其實很簡單，官話方言佔嘅人口太大，當國者為咗維護自己嘅政權，必定會選取一種多數人，而且人口基數越大越好嘅方言作為國語。所以我覺得唔怪得孫。

思覺失調

查實，呢啲祇不過係你嘅假設..

 

假設未必成立囖……

 

即使成立，亦無可厚非，當權者又的確係要以大局爲重嘅。

 

好多嘢都要兩面睇，冇錯，我哋係要睇到陳炯明，『假如陳炯明及其追隨者繼續主政廣東』，

邊得咁多假如架，有冇諗過佢主政廣東，會有更多嘅假如産生..

佢要推行嘅嘢又是否實行？實行又是否可行？

呢個世界咁多變數，（特別係當年政局動蕩..）

真係好多假如可以發生.....

 

無論孫中山又好，陳炯明又好.

正所謂，人無完人呀嘛。唔會因為佢哋係『偉人』就會做每一個决定都係最完美嘅。

形勢所逼...唔係下下都天時地利人和齊晒架...

 

當然嘞...你篇嘢又真係寫得幾有道理嘅..

不過係 基于據傳同假如上……

[ 本帖最後由 思覺失調 於 2008-5-1 09:42 編輯 ]

外外星人

原帖由 思覺失調 於 2008-5-1 09:40 發表 查實，呢啲祇不過係你嘅假設..   假設未必成立囖……   即使成立，亦無可厚非，當權者又的確係要以大局爲重嘅。   好多嘢都要兩面睇，冇錯，我哋係要睇到陳炯明，『假如陳炯明及其追隨者繼續主政廣東』，邊得咁多 ...

 

哎呀，有脑噃！

卢总

人哋梗系有脑啦！只不过话自己思觉失调之嘛！我哋不知几欣赏佢！

外外星人

大智若愚啊！

winkin

原帖由 思覺失調 於 2008-5-1 09:40 發表 查實，呢啲祇不過係你嘅假設..   假設未必成立囖……   即使成立，亦無可厚非，當權者又的確係要以大局爲重嘅。   好多嘢都要兩面睇，冇錯，我哋係要睇到陳炯明，『假如陳炯明及其追隨者繼續主政廣東』， 邊得咁多 ...

第二三段的假设，係基于第一段的事实的基础上作出的逻辑推理。逻辑推理的结果，亦有第四五段的事实和分析作为backup. 第六段係用来balance番前面有一篇嘢对孙的无限赞扬。你的反驳似乎只係通篇说理和假设，无摆出一个事实。我都想有人可以post一段孙中山主政广东的文化政策，来直接驳倒我的假设。

xiss

從winkin樓主第三樓以及頂樓嘅發言嚟睇，樓主應該係一個思想十分成熟，有一定政治統戰思想嘅人。唔知樓主系唔系廣州人，如果係，咁我諗係一件好事，畢竟廣州人要想喺全國有牙力，就要有實力，就要有好似樓主呢種思維嘅人。

winkin

呵呵，你抬舉。我無唸過搞咩統戰政治，睇過我以前D post，都知道我只不過想表達我最關心的兩個問題，——即(1)廣東的言論自由問題；(2)廣東的官方語言問題，-—— 嘅睇法。
我廣州番禺，你呢？

xiss

咁睇嚟你都幾有思想喔，幾有公關思維喔！我係廣州老城區嘅。

 

^_^，廣州人要想振興自己嘅文化，唔單只要有心，最緊要有智慧，知道咩時候應該應該用咩策略，知道應該點樣合縱連橫！！一味以大廣州為重，唔分區別咁鬧外地人，唔註意處理同廣東其它地區嘅關繫，只會徒增戰火，拉長戰綫！！！

紫凤凰

統戰政治要搞都唔輪到我哋。

xiss

「統戰政治」聽落去高高在上，其實只係比佢嚇親嗟！「統戰政治」實質就係爭取所要可以爭取可以嘅力量，提高自己嘅形象，提高自己嘅人氣度，為喺人事衝突中取勝積纍資本，相信大家有一定工作經驗嘅都明白裏面嘅內涵。

winkin

我明白你的意思，其實同「聯省自治」的思想好相似。我們爭取在廣東粵語區實行粵語/國語雙官方語言，潮洲為潮州話/國語，梅州客家話/國語，鼓勵上海地區上海話/國語。把類似的方法apply到南方各方言區。然后拆分北方方言區，可以分作華北（北京話為代表），華東（揚州話），西北（陜西話），西南（成都話），鼓勵北京人發展本土文化和北京話，照此類推。這樣，大家可以用國語交流，亦可以各取所需。呢個咁重要嘅任務，我地就交畀你去做，省港澳人民一定撐你。

紫凤凰

你直接啲講邊個手瓜夠粗夠硬咪算囉。

 

簡單啲講就係積聚自己嘅社會力量之嘛。到時睇下邊個手瓜夠硬咪算囉。