「襟」字点写？

外外星人

 

话啲嘢好耐用，讲「襟」用；

 

又比如话：啲隔夜餸唔「襟」趸。

dada

禁

外外星人

原帖由 dada 於 2008-4-24 14:50 發表 禁

 

有冇得解？

dada

「禁」有kam1音。

《國語辭典》﹕「耐，多指物體的耐用而言。如：『這雙鞋真禁穿！』」

中二仔

<廣韻>平 侵 居吟切:「力所加也 勝也」

 

唐杜甫<舍弟觀赴藍田取妻子到江陵喜寄>詩:「巡簷欲共梅花笑 蕊疏枝半不禁」

 

<紅樓夢>:「小姑娘們冷風朔氣的 別人還可 第一 林妹妹如何禁得住 就連寶兄弟也禁不住」

neo

係呀

 

我以前都喺度問過。

cingsan

其實用禁都好Q麻煩，同你哋講就話啫，人哋唔明…講「禁(襟)用」人哋以為你講「gam3用」…耐用就變咗禁止使用。好多人唔識……尤其書面表達，十有九會錯意

dada

原帖由 中二仔 於 2008-4-24 16:57 發表 唐杜甫<舍弟觀赴藍田取妻子到江陵喜寄>詩:「巡簷欲共梅花笑 蕊疏枝半不禁」

杜甫《舍弟觀赴藍田取妻子到江陵，喜寄三首之二》﹕「巡簷索共梅花笑，冷蕊疏枝半不禁。」

 

高級書院 »《每日一句與粵語有關之古詩詞》

原帖由 dada 於 2007-5-29 06:53 發表 

禁 = 耐久、耐、受得住。例﹕身子好嘅人禁冷又禁熱。

《全唐詩》卷二百二十六 卷226_43 杜甫《春水生二絕》：「一夜水高二尺強，數日不可更禁當。」

[元]關漢卿《竇娥冤．第一折》：「滿腹閒愁，數年禁受，天知否？」

[明]馮夢龍《醒世恒言．卷二十二　張淑兒巧智脫楊生》﹕「這場責罰，教我怎生禁受。」

[清]曹雪芹《紅樓夢．第五十一回　薛小妹新編懷古詩　胡庸醫亂用虎狼藥》：「小姑娘們冷風朔氣的，別人還可，第一，林妹妹如何禁得住？就連寶兄弟也禁不住！」

中二仔

原帖由 dada 於 2008-4-25 15:59 發表 杜甫《舍弟觀赴藍田取妻子到江陵，喜寄三首之二》﹕「巡簷索共梅花笑，冷蕊疏枝半不禁。」   高級書院 »《每日一句與粵語有關之古詩詞》

SORRY~

睇漏咗隻字~

外外星人

原帖由 cingsan 於 2008-4-25 15:52 發表 其實用禁都好Q麻煩，同你哋講就話啫，人哋唔明…講「禁(襟)用」人哋以為你講「gam3用」…耐用就變咗禁止使用。好多人唔識……尤其書面表達，十有九會錯意 ...

 

同感

dada

我明白有誤會嘅可能。不過﹐「禁」呢個意思唔係粵語專用。例如「弱不禁風」呢句﹐我相信會有人唔明點解風都可以禁止﹐但我哋唔可以為噉唔敢寫。

外外星人

照噉讲，弱不禁风应该读弱不襟风？

中二仔

原帖由 外外星人 於 2008-4-26 08:29 發表 照噉讲，弱不禁风应该读弱不襟风？

讀[gam1]或者[kam1]