你的粵語口音是怎樣?

HKCantonese

我粵語音系如下:

 

1) 對區分"n-","l-"有意識, 大致知道邊字讀"n-",邊字讀"l-".

認真發言可以準確發音, 但隨便講話時可能偶然將"n-"讀成"l-".

 

2) 除"阿","呀","哦"等少數字外, 陰聲調零聲母字一律讀成"ng-",

而陽聲調"ng-"聲母字則完全保留"ng-"聲母.

 

3) 對區分"kwo"vs"ko","k'wo"vs"k'o"有意識, 完全知道邊字讀邊音.

不過平時講話講得快時, "-w-"有弱化傾向.

 

4) 知道除左否定詞"唔"讀"m"外, 其他音節鼻韻母都讀成"ng".

不過講話時容易受前後雙脣音同化.

 

5) 對於"-n"vs"-ng", "-t"vs"-k"完全區分, 絕對唔混淆.

 

6) 陰平聲唔區分高平"55"同高降"53", 多數以高平調出現.

 

你粵語音系係點呢?

 

余OK

　　非廣州音，但係識講，比多數廣州、香港人咬音要實，冇點訓練過都唔會出現懶音（事關得益於母語極少出現懶音）：

 

1) n、l未對粵語有較深認識前唔分，而家刻意講會分，按普語音判斷；

2) 受母語影響，以前冇ng音，而家基本上ng都會加返上去；

3) kwo、ko絕對分得好清，就算講得快都唔會含糊，因為母語冇呢種懶音，所以我經常笑廣州同香港人唔識分；

4) m、ng以前冇注意都係講m，而家都知道區分，聽老一輩講嘢就知兩個唔同聲母；

5) n、ng， t、k，唔使講分得一清二楚，絕不含糊；

6) 陰平聲高平高降都分得極為清楚，因為母語嘅高平比廣州音重要平。

[ 本帖最後由 余OK 於 2008-4-20 00:17 編輯 ]

卢总

点解睇你啲帖咁多小方框——「」嘅？

HKCantonese

原帖由 卢总 於 2008-4-19 23:45 發表 点解睇你啲帖咁多小方框——「」嘅？

 

 

你意思是你用的電腦軟件閱讀不到廣東俗字""(的)?

highyun

樓主提出嘅六點，我前五點同樓主幾乎一樣。但對於高平高降我分得好清。

 

另外，可唔可以講下變調同白讀（對應於文讀）嘅情況？

HKCantonese

原帖由 余OK 於 2008-4-19 23:42 發表 　　非廣州音，但係識講，比多數人廣州、香港人咬音要實，冇點訓練過過都唔會出現懶音（母語極少出現懶音）：   1) n、l未對粵語有較深認識時唔分，而家刻意講會分，按普語音判斷； 2) 受母語影響，以前冇ng音，而家基本上ng都 ...

 

發音似乎比廣州人更標準.

除陰平聲之外, 其他聲調你區分有冇問題?

特別係低音聲調陽平,陽上,陽去呢幾個. (例如: 時市士)

 

余OK

原帖由 HKCantonese 於 2008-4-19 23:52 發表   發音似乎比廣州人更標準. 除陰平聲之外, 其他聲調你區分有冇問題? 特別係低音聲調陽平,陽上,陽去呢幾個. (例如: 時市士)  

　　標準唔講得，至少我講唔到廣州人嗰種腔調。聲調方面，陰上冇發得廣州人咁揚，所以起初甚至分唔到同陽上有乜分別，而陽平因為母語同廣州音差好遠，陽去就發得冇廣州音咁低，所以轉廣州音講時，陽平同陽去冇廣州人分得咁清晰。

HKCantonese

原帖由 余OK 於 2008-4-20 00:02 發表 　　標準唔講得，至少我講唔到廣州人嗰種腔調。聲調方面，陰上冇發得廣州人咁揚，所以起初甚至分唔到同陽上有乜分別，而陽平因為母語同廣州音差好遠，陽去就發得冇廣州音咁低，所以轉廣州音講時，陽平同陽去冇廣州人分得咁清晰。 ...

 

 

陰上同樣陽上爭好遠, 試比較: 屎 VS 市, 梨(變調) VS 李, 一錯就馬上聽得出.

 

HKCantonese

原帖由 余OK 於 2008-4-20 00:02 發表 　　標準唔講得，至少我講唔到廣州人嗰種腔調。聲調方面，陰上冇發得廣州人咁揚，所以起初甚至分唔到同陽上有乜分別，而陽平因為母語同廣州音差好遠，陽去就發得冇廣州音咁低，所以轉廣州音講時，陽平同陽去冇廣州人分得咁清晰。 ...

 

 

你會唔會覺得廣州音聲調普遍上比較低沈?

余OK

原帖由 HKCantonese 於 2008-4-20 00:08 發表     你會唔會覺得廣州音聲調普遍上比較低沈?

　　要搵「港」州人解畫咯，感覺香港人腔調柔和過廣州人（可能亦係導致懶音成風嘅誘因？），而雙方嘅老一輩就韻味濃好多。 [ 本帖最後由 余OK 於 2008-4-20 00:22 編輯 ]

卢总

原帖由 HKCantonese 於 2008-4-19 11:50 PM 發表     你意思是你用的電腦軟件閱讀不到廣東俗字""(的)?

好奇怪！

你用嘅系咩输入系统，嗰啲咩「啲」啊，「嘅」啊，「咗」啊，「哋」啊……全部都显示唔到！

人哋嗰啲我就睇得清清楚楚！

余OK

原帖由 卢总 於 2008-4-20 00:32 發表 好奇怪！你用嘅系咩输入系统，嗰啲咩「啲」啊，「嘅」啊，「咗」啊，「哋」啊……全部都显示唔到！人哋嗰啲我就睇得清清楚楚！

　　你舊年响香港上網嗰次打啲字都出現過噉嘅情況啦，事關香港嗰套字庫可能同Unicode唔啱牙。

HKCantonese

原帖由 卢总 於 2008-4-20 00:32 發表 好奇怪！你用嘅系咩输入系统，嗰啲咩「啲」啊，「嘅」啊，「咗」啊，「哋」啊……全部都显示唔到！人哋嗰啲我就睇得清清楚楚！

 

 

叫做"粵詞輸入法5.0", 係繁體字.

 

 

HKCantonese

唔記得問大家, 各位/ts, ts', s/聲母發音時實際音值係點? 

 

以粵語/s/音為例, 係近似英文s, 定係sh?  定係近似普通話x("希"聲母) 或 s("思"聲母)?

 

我自己發音係"舌葉齒齦音", 近似英文s, 唔似英文sh, 後者係"舌葉硬顎音",

 

同普通話x或s都有距離.  普通話s係"舌尖上齒音", 音質太尖.

 

余OK

　　新一代比較標準嘅廣州音應該係南海部分地區同佛山城區人講嘅（有部分字詞講法略有唔同），而傳媒方面當屬佛山電臺無疑。

highyun

原帖由 HKCantonese 於 2008-4-20 02:34 發表 唔記得問大家, 各位/ts, ts', s/聲母發音時實際音值係點?    以粵語/s/音為例, 係近似英文s, 定係sh?  定係近似普通話x("希"聲母) 或 s("思"聲母)?   我自己發音係"舌葉齒齦音", 近似 ...

 

ts ts' s 分別對應粵拼z c s，粵語聲母中只有s，冇sh，近似官話嘅x（本網粵拼教程以粵音「絲」作為s聲母嘅讀法）。

HKCantonese

原帖由 highyun 於 2008-4-20 14:12 發表   ts ts' s 分別對應粵拼z c s，粵語聲母中只有s，冇sh，近似官話嘅x（本網粵拼教程以粵音「絲」作為s聲母嘅讀法）。

 

粵語中這幾個音在國內被描述為接近英語ch,sh的發音,

但是我作為粵語母語者, 我不同意.

 

試比較香港地名"沙田"的"沙"的粵語讀音和該地名的英語譯名"SHATIN"的讀音,

你就可以發現粵語"沙"的聲母近似"SA"多於"SHA".

 

所以, 我覺得國內描述是以普通話X,SH,S作為比較標準,

由於粵語/S/是個三不像, 而國際音標可用的符號又不足,

只好以英語SH作為近似值算了.

 

 

余OK

　　百年以前嘅粵音s可能更接近sh，所以鬼佬嗰套拼法都幾科學。

HKCantonese

原帖由 余OK 於 2008-4-20 14:43 發表 　　百年以前嘅粵音s可能更接近sh，所以鬼佬嗰套拼法都幾科學。

 

有一說法是: 19世紀時粵語有兩套/ts, ts', s/, 一套近似"s", 一套近似"sh".

 

余OK

　　我諗香港啲英文先生同大陸嘅一樣，都唔曉教學生分清濁輔音，都係用不送氣清音p當濁音b，分唔到清濁呢點對於學英文以外嘅番語好蝕底。