有人笑言盧森堡之所以成為全球人均GDP最高的國家，是因為盧森堡人說三種語言：盧森堡語作為母語和官方語言，法語作為商業語言，德語作為媒體和教堂語言。
年輕一代廣東人已經是粵語/國語雙語人，香港則是粵語/英語雙語人。學好英語是全廣東學生的夢想，學好國語則港人比西人更易開發大陸市場。所以，兩文三語已經成為粵港澳的共識。如果歷史可以作為某種指示，那么兩文三語可能使珠三角經濟圈成為下一個人均GDP最高的地方。
中文專指書面語，同為國語和粵語所share的。粵語完全入文，還未到時候，可參考我另一篇文章「14世紀末的英語和21史記初的粵語」的argument。
北京講的是普通話，臺灣講的是國語，大家討厭反感官話mandarin chinese，是因為官話變成普通話魔鬼化身到處殖民。但我相信很多人會喜歡看說國語的公主小妹和我猜我猜的。
廣東事實上行緊的是兩文三語。國語英語唔使講，粵語方面，京劇遠遠不及粵劇的受歡迎程度；p普通話古裝片只有幾部受歡迎，時裝片一部都無；流行曲也是粵語占優勢。所以，國語官方和商業語言，粵語作為娛樂，媒體和商業語言；英語作為學術和商業語言是既定的事實。
人大代表應該從經濟角度爭取更多語言上的權利，譬如改guangzhou為canton和加強深圳骨場等服務性行業場所的粵語來促進港深融合，而不應該太早提出兩文三語的議案。 珠三角唔會成為下一個盧森堡！冇錯，香港喺廣東話發展方面有好重要嘅作用。不過，呢種作用好似喺度消磨緊喎！自從敎統局提倡普通話教學以嚟，呢種作用就好似停滯不前。因為香港敎改搞到鬼五馬六，自己都未搞掂，點理你哋啊！！如果你話香港同盧森堡比，可能重有尐近嗙。
先要講嘅係盧森堡語喺盧森堡係一門好普遍嘅語言，連外國學生都識。呢個已經係同廣州好大區別喇！「角」語同廣東話喺廣東省入邊，佢嘅作用可以同法文同盧森堡語喺盧森堡嘅作用一樣。不過，出到廣東省就收晒皮。噉點同人哋比啊！加上人哋盧森堡語係可以做為書面語使用，法文作為商業、法例嘅補充。噉你廣東話可唔可以名正言順作為書面語先（咋我而家寫嘅，你睇嘅呢啲），唔好話出到廣東省以外當你火星文啊！就算喺廣東省入邊都唔係人人識睇喇，更何況係寫！噉點樣比啊？？
你睇返而家啲後生，廣州嘅就久久爆一兩句「角」語，好似好時髦咁！真係唔得佢死啊！廣東人有乜唔好講講「角」語。呢種就叫做背祖離宗，有廣東話唔講，講啲生番話。我寧願講法文，英文，都唔講啊（淨係識聽已經好夠喇）！香港嘅就六云靈睇相，冇需要用到啊（除非你同大陸北面做生意就冇得好講）！去睇臺灣節目，學「角」語喎！你哋搞返掂啲後生英文先喇！九唔搭八！
如果再攞盧森堡嘅德文同珠三角嘅英文比，死到仆喺度喇！你睇ｍｅｅｔ－ｐｏｉｎｔ同ｑｕｉｃｋ ｌｅｎｓ（可能喺廣州嘅朋友知道我講緊咩！）就知大陸正虎嘅水平有幾高喇！！（呢啲都係我返廣州，香港所見所聞）
所以，兩文三語喺珠三角掂唔掂，真係要學大陸正虎話事齋「聽其言，觀其行」！喺大陸，任何構想都唔夠政策大（呢個我諗大家都比我清楚喇！）。
其實，你作為一種語言，一種交流工具。唔駛咁霸道係咪先？你咁霸道，搞到人哋重反感添。平和尐！廣東人係可以接受外來文化嘅。最重要嘅係唔好以本傷人，冇論喺大陸定係喺外邊。得度你喺外邊搵廣東人幫手，冇人幫你，你咪重冇癮！正所謂「大家留一線，日後好相見」，搞成噉.....唉！搞到神憎鬼厭！
反正，我哋做好我哋應該做嘅事就得喇，至於其他，執生喇！！ | 
發表於 2008-4-13 08:45:07
