份粤刊按乜名至好?

阿欣

你哋好, 第一次上门寒喧吓，大家都冇穿冇烂吖吗！ 我嚟系想同大家商量吓粤刊名嘅问题！ 阿恩，达叔，阿梅都提咗名，唔知其它人(anlee, desmond...)有咩提议？ 我本身钟意嘅名系‘粤心’ 攞偕音‘悦心’‘将心粤化’等意思！ 你哋点睇？

desmond

反過嚟叫「心粵」會唔會順口啲，響啲？！ 阿恩，達叔同阿梅提議用乜名？ 我想除咗 hardcopy 之外，喺粵語協會網站度多做一個粵刊電子版， 能夠打動更多世界各地嘅粵語愛好者， 你覺得點呀？

highyun

我都倾向于《心粤》多啲。 我冇同阿梅打过交道啊，欣哥谂办法叫埋佢嚟呢个论坛啦。 达叔唔知有咩好建议？

dada

嘩﹐你哋唔使酸酸餿餿噉叫我。 我都唔記得咗提議過邊個名﹐好極有限。《心粵》都幾好﹕此/全/一心向粵。

highyun

dada在2005-06-01 23:19:10說道：[br]嘩﹐你哋唔使酸酸餿餿噉叫我。 我都唔記得咗提議過邊個名﹐好極有限。《心粵》都幾好﹕此/全/一心向粵。

下次叫返你达哥啦，哈哈哈。 我觉得呢份刊物首先要搞电子版，本网嘅技术可以做到只可以睇，唔可以copy，噉样可以保护知识产权。

desmond

多搞一個電子版有好多好處，第一係唔使本，第二係更容易觸及世界各地唔同年齡唔同階層嘅粵語愛好者，第三係壯大粵語協會網站、四大粵語網站、粵語刊物電子版等等之間嘅聯盟力量，增加人流，擴張影響勢力。最好將粵語刊物電子版做成一個獨立嘅網站，作爲同粵語協會網站並駕齊驅嘅姊妹網站。

阿梅

大家好。我係阿梅呀。我都唔記得提議過乜嘢名﹐好似只係提議要有個粵字。我覺得心粵比粵心順口啲。全心全意提倡粵語﹐都幾合粵刊嘅宗旨。

阿欣

如果anlee同007都同意嘅話咁就採用“心粵”呢個名﹗ 遲吓幫佢諗個標誌 - 可用象形文字﹐亦都可以設計一個!

highyun

阿欣在2005-06-06 19:28:23說道：[br] 如果anlee同007都同意嘅話咁就採用“心粵”呢個名﹗ 遲吓幫佢諗個標誌 - 可用象形文字﹐亦都可以設計一個!

谂标志先啦，边个美术比较精？anl同凌凌漆最近连粤语协会都少理，粤刊睇怕佢哋更加难关心到喇。

desmond

因為 芬1012 提起搞純用粵語寫作嘅粵語刊物，所以撈返呢條 thread 出嚟。大家繼續討論…… 我提議《心粵》粵語刊物最好先以電子版出版，畀人喺網上免費訂閱，成本低，同埋可以 reach 到全世界嘅讀者，最大嘅讀者群。一開始唔使出得咁密，先出月刊就唔錯，遲吓如果吸引到更多嘅粵語作者，就可以考慮搞雙週刊。內容要小心揀，定位係點呢？太嚴肅冇人睇，太有娛樂性嘅話，又同而家嘅香港主流雜誌重疊。

Wai

desmond在2005-08-12 12:28:46說道：[br]因為 芬1012 提起搞純用粵語寫作嘅粵語刊物，所以撈返呢條 thread 出嚟。大家繼續討論…… 我提議《心粵》粵語刊物最好先以電子版出版，畀人喺網上免費訂閱，成本低，同埋可以 reach 到全世界嘅讀者，最大嘅讀者群。一開始唔使出得咁密，先出月刊就唔錯，遲吓如果吸引到更多嘅粵語作者，就可以考慮搞雙週刊。內容要小心揀，定位係點呢？太嚴肅冇人睇，太有娛樂性嘅話，又同而家嘅香港主流雜誌重疊。

我支持出電子版先呀。可以畀多啲人睇到。內容跟返而家粵語協會網裡面啲分類先囉。有學術嘅嘢，又有娛樂嘅嘢。最好加埋啲影評同樂評。

外外星人

阿欣冇嚟系咪份粤刊冇出到呢？呢度重有好多版主喎，点解唔再谂下呢？

南汉

用心字，只有80后的人才想得出来。

成日笑

用「粵芯」重好喇，「芯」（片）更有科技含量

芬1012

《越洋》

 

1、表達出我哋嘅志向。

 

2、表示我哋嘅文化。

 

3、我哋以後嘅唯一出路（唔理你而家接唔接受都好）。

 

4、我哋嘅前身就係「越」。

小薏

芬,唔好咁灰.

南汉

叫做「嶺南風」「粵人風」

「粵人俱樂部」

「廣府之友」

「粵文化」

[ 本帖最後由 南汉 於 2008-7-16 13:20 編輯 ]

外外星人

经已有《南风窗》啦！

 

应该叫《挡北风》！——南岭自古挡北风！

包包包包

粵餅~~~

cingsan

不如叫粵包吖？包粵吖？講完笑，做返啲正經嘢…其實我覺得心粵都係爭咗啲咩…