|
谂唔到我注册之后第一篇回复嘅主题，颇为令我不快，因为，我见到嘅，唔係鼓励，而係损人！
首先，好多谢一楼嘅兄台斧正我过去对「论语」之「论」字嘅错误读音。其实，冇专门睇过关于相关文章，真係唔知个係噉读法。
其次，我唔明白4楼位兄台所言之根据，陈扬点唔识谂，唔识做法呢？请赐教！
最后，12同13楼，我相信陈扬之所以为广州人所爱戴同尊敬嘅原因，你哋现时睇嚟并唔明白。
至于文化方面，陈扬至少冇好以上多位兄台所讲有损广州文化。我唔知道你哋所谓嘅广州文化係指啲咩，係指边方面，但我知道，广州文化唔单单只有粤语！骑楼，西关大屋，广绣，牙雕，广彩，老字号都係广州文化，唔好以陈扬读错几个粤语字就上纲上线，升华到有损广州文化！陈扬对广州文化可能冇直接嘅贡献，但係佢所呼吁嘅要弘扬同保护粤语，保护广州式建筑嘅骑楼同西关大屋，保护小洲嘅人文生态，保护广州众多老字号企业或商铺，保护见证广州历史发展嘅老城区等等，以及作出嘅种种实际行动，唔通，都唔係为广州文化作贡献？！！
在下新仔一名，刚啱入会就讲说话得罪各位，请多多包涵，啱听嘅话，希望各位接纳，唔啱听嘅话，无视算数。毕竟，过得自己过得人。
| 
發表於 2008-4-8 15:49:15
