请问「吹鸡」正写？

顺德水蛇粥

周星驰《功夫》班马嗰阵放焰火，并叫「吹鸡」，请问此「吹鸡」正写？

李四

『吹雞』就係『吹雞』。
『雞』即係『銀雞』，『銀雞』即係哨子，因為以前哨子都係銀色。不過唔知點解哨子會叫做『雞』，可能係吹起上嚟雞噉叫。以前叫捉賊時，會邊叫邊吹哨子，等大家聽到，出嚟幫手。

顺德水蛇粥

字源自哪方？

李四

原帖由 顺德水蛇粥 於 2008-4-8 22:29 發表 字源自哪方？

早期香港

顺德水蛇粥

我问嘅系「字源」？即系有何典故？

李四

原帖由 顺德水蛇粥 於 2008-4-9 15:12 發表 我问嘅系「字源」？即系有何典故？

冇聽過有乜典故。香港將哨子叫做銀雞已經好長日子。你睇波，裁判吹哨子，講波佬都會講『雞聲』響起。以前香港警察都會帶隻銀雞，見到有賊，就會即時吹雞。
銀笛獎是頒發予每屆香港警察學院畢業學警班表現最優秀的學警，大家都會叫呢個銀笛（銀哨子）獎叫做銀雞頭，即係銀雞第一名。

外外星人

老人家讲过：银鸡噉声。银鸡，系类似而家「哨子」嘅物体，不过就比较清脆，吹鸡即系吹「哨子」。

顺德水蛇粥

原帖由 李四 於 2008-4-10 17:54 發表 冇聽過有乜典故。香港將哨子叫做銀雞已經好長日子。你睇波，裁判吹哨子，講波佬都會講『雞聲』響起。以前香港警察都會帶隻銀雞，見到有賊，就會即時吹雞。銀笛獎是頒發予每屆香港警察學院畢業學警班表現最優秀的學警，大家都會 ...

唔单只香港警察，我睇《七十二家房客》入边嗰位369都有挂住只银鸡。

顺德水蛇粥

唔知各位细时有冇玩过一种石质嘅鸡公形状哨子？