２００８年４月４号《南方都市报》

卢总

9·10　仰之弥高,钻之弥坚

 

□子野专栏

　　【原文】颜渊喟然叹曰:「仰之弥高,钻之弥坚,瞻之在前,忽焉在后。夫子循循然善诱人,博我以文,约我以礼,欲罢不能,既竭吾才,如有所立卓尔。虽欲从之,末由也已。」

　　【译文】颜渊好感叹噉话:「老师嘅学问,越学越觉得高深莫测。有时你觉得佢就喺你面前(可以把握得到),眨下眼佢又去到你嘅后边。老师佢对我哋循循善诱,用文献嚟丰富我哋嘅知识,又用礼仪嚟约束我哋嘅行为,令到我哋想唔进步都唔得；但系就算竭尽我哋嘅才华,老师佢依然高高噉企喺我哋前面(不可超过)。我哋虽然想跟佢,但系点都跟唔上。」

　　【栋笃】「我对你的景仰,有如滔——滔江水,连绵不绝……」「星宿老仙,德配天地,威震当世,古今无比!星宿老仙,法驾中原,神通广大,法力无边!」

　　嗱嗱嗱,鸡蛋而家系贵嘢嚟吖嘛!你噉乱咁掟,掟唔到我会染污环境口架,唔小心重会掟亲啲小朋友。就算冇小朋友,掟亲啲花花草草,都系唔好……系,系我恶俗,系我唔啱,该讲论语唔讲,乱讲咩周星星。

　　但系,颜渊噉擦孔Sir嘅鞋,我一睇就好自然噉谂起韦小宝丁春秋至尊宝喇,冇办法口架,我都唔想口架。

　　好喇好喇,唔讲唐三藏孙悟空,讲返孔Sir两师徒。嗱,颜渊呢,即系颜回喇,系孔Sir最惜嘅徒弟仔嚟口架,我哋讲过,阿回仔死嗰阵,孔Sir喊到咩噉,佢老母死佢都冇噉喊过。而家我明喇,孔Sir点解会咁伤心:颜渊死咗,去边度揾多个咁叻嘅擦鞋仔啊!

　　阿回仔噉赞佢老师,一片至诚感动天地,唔到我唔信,佢系真心口架。不过,唔知大家重记唔记得,孔Sir亦都系狂赞过阿回仔口架。第啲唔讲,《公冶长第五》入边,孔Sir就噉样喺子贡面前赞阿回仔:「弗如也,吾与女(汝)弗如也。」即系话,佢自己承认,喺「闻一知十」方面,佢都系「虽欲从之,末由也已」口架。

　　未见过咁互敬互爱嘅师生,真系令到我哋「仰之弥高,钻之弥坚」,心口写个大大嘅「服」字畀佢。唔知而家嘅研究生系点赞教授口架,不过,我有幸见过一位叫做袁学骏嘅河北作家噉样赞新上任嘅全国作协主席铁凝(忠告:以下文字最好系喺食饭前睇):「她就是中国先进文化的一个代表,也是中华民族文化的一个今日象征……铁凝是我们中国文学的旗帜……我们要学习她的做人之道。她走到哪里红到哪里,走到哪里和谐到哪里……」

　　呢两段语录话畀我哋知:1.出来擦,总是要还的；2.擦鞋术源远流长,古今通吃,无论边个朝代,学会擦鞋,就唔使担心冇饭食。最后,让我哋齐齐高呼:

　　「伟大嘅、光荣嘅、正确嘅大成至圣先师孔夫子万岁,万岁,万万岁!」　　　　　　

http://www.nanfangdaily.com.cn/epaper/nfds/content/20080404/ArticelB13002FM.htm

卢总

　　【原文】颜渊喟然叹曰:「仰之弥高,钻之弥坚,瞻之在前,忽焉在后。夫子循循然善诱人,博我以文,约我以礼,欲罢不能,既竭吾才,如有所立卓尔。虽欲从之,末由也已。」

　　【译文】颜渊好感叹噉话:「老师嘅学问,越学越觉得高深莫测。有时你觉得佢就喺你面前(可以把握得到),眨下眼佢又去到你嘅后边。老师佢对我哋循循善诱,用文献嚟丰富我哋嘅知识,又用礼仪嚟约束我哋嘅行为,令到我哋想唔进步都唔得；但系就算竭尽我哋嘅才华,老师佢依然高高噉企喺我哋前面(不可超过)。我哋虽然想跟佢,但系点都跟唔上。」

　　【栋笃】「我对你嘅景仰,有如滔——滔江水,连绵不绝……」「星宿老仙,德配天地,威震当世,古今无比!星宿老仙,法驾中原,神通广大,法力无边!」

　　嗱嗱嗱,鸡蛋而家系贵嘢嚟吖嘛!你噉乱咁掟,掟唔到我会染污环境口架,唔小心重会掟亲啲小朋友。就算冇小朋友,掟亲啲花花草草,都系唔好……系,系我恶俗,系我唔啱,该讲论语唔讲,乱讲咩周星星。

　　但系,颜渊噉擦孔Sir嘅鞋,我一睇就好自然噉谂起韦小宝丁春秋至尊宝喇,冇办法口架,我都唔想口架。

　　好喇好喇,唔讲唐三藏孙悟空,讲返孔Sir两师徒。嗱,颜渊呢,即系颜回喇,系孔Sir最惜嘅徒弟仔嚟口架,我哋讲过,阿回仔死嗰阵,孔Sir喊到咩噉,佢老母死佢都冇噉喊过。而家我明喇,孔Sir点解会咁伤心:颜渊死咗,去边度揾多个咁叻嘅擦鞋仔啊!

　　阿回仔噉赞佢老师,一片至诚感动天地,唔到我唔信,佢系真心口架。不过,唔知大家重记唔记得,孔Sir亦都系狂赞过阿回仔口架。第啲唔讲,《公冶长第五》入边,孔Sir就噉样喺子贡面前赞阿回仔:「弗如也,吾与女(汝)弗如也。」即系话,佢自己承认,喺「闻一知十」方面,佢都系「虽欲从之,末由也已」口架。

　　未见过咁互敬互爱嘅师生,真系令到我哋「仰之弥高,钻之弥坚」,心口写个大大嘅「服」字畀佢。唔知而家嘅研究生系点赞教授口架,不过,我有幸见过一位叫做袁学骏嘅河北作家噉样赞新上任嘅全国作协主席铁凝(忠告:以下文字最好系喺食饭前睇):「她就是中国先进文化的一个代表,也是中华民族文化的一个今日象征……铁凝是我们中国文学的旗帜……我们要学习她的做人之道。她走到哪里红到哪里,走到哪里和谐到哪里……」

　　呢两段语录话畀我哋知:1.出嚟擦,始终都系要还嘅；2.擦鞋术源远流长,古今通吃,无论边个朝代,学会擦鞋,就唔使担心冇饭食。最后,等我哋齐齐高呼:

　　「伟大嘅、光荣嘅、正确嘅大成至圣先师孔夫子万岁,万岁,万万岁!」

卢总

同声同气



□阿展专栏

　　1.中山四路、中山五路,拆到而家重系「一碟斋」噉,旧嘅去咗嘞,新嘅应该系「不尽长江滚滚来」,而家我哋见到嘅呢,只不过系啲银子向唔知乜嘢人滚滚去,而且重系靠「滚红滚绿」噉滚来滚去,大小马站书院群就系一个例证。

　　——陈SIR金句(4月2日《七点点一点》)

　　2.甲:呢啲咪叫「开天杀价,落地还钱」啰。开价无期,还价冇罪,卒之判五年成交,有你着数啦。(这就叫「漫天要价,就地还钱」了,开价无期,还价无罪,最后判五年成交,便宜你啦。)

　　乙:你估买菜咩,有冇咁儿戏呀?(你以为买菜吗,这么儿戏。)

　　——两个茶客这样议论许霆案。

　　3.张一百蚊纸就好似旧时拾蚊纸噉,一唱开,咋一声冇晒。(一百元的钞票就像以前十块钱一样,打散一下子就全没了。)

　　——市场里,一个买菜的街坊对记者这样说。

　　4.我揾日带你去嗰间私房菜试下啦,包你食到耳仔都喐埋。(改天我带你到那间私房菜吃一顿,让你大快朵颐。)

　　——一个男人从晓港地铁站上来,边走边说电话。

 

http://www.nanfangdaily.com.cn/epaper/nfds/content/20080404/ArticelB13003FM.htm

卢总

　　1.中山四路、中山五路,拆到而家重系「一碟斋」噉,旧嘅去咗嘞,新嘅应该系「不尽长江滚滚来」,而家我哋见到嘅呢,只不过系啲银纸向唔知乜嘢人滚滚去,而且重系靠「滚红滚绿」噉滚来滚去,大小马站书院群就系一个例证。

　　——陈SIR金句(4月2日《七点点一点》)

　　2.甲:呢啲咪叫「开天杀价,落地还钱」啰。开价无期,还价冇罪,卒之判五年成交,有你着数啦。(这就叫「漫天要价,就地还钱」了,开价无期,还价无罪,最后判五年成交,便宜你啦。)

　　乙:你估买菜咩,有冇咁儿戏呀?(你以为买菜吗,这么儿戏。)

　　——两个茶客这样议论许霆案。

　　3.张一百文纸就好似旧时拾文纸噉,一「唱」开,咋一声冇晒。(一百元的钞票就像以前十块钱一样,打散一下子就全没了。)

　　——市场里,一个买菜的街坊对记者这样说。

　　4.我揾日带你去嗰间私房菜试下啦,包你食到耳仔都喐埋。(改天我带你到那间私房菜吃一顿,让你大快朵颐。)

　　——一个男人从晓港地铁站上来,边走边说电话。

卢总

粤韵飘香



□李池湘专栏

　　舞台上嘅天鹅绒幕布徐徐拉开,观众席鸦雀无声,「风腔」艺术专场《山伯临终》开始嘞。

　　一阵开场锣鼓,只见身着白色海青,头扎白布水发嘅梁山伯,迈住沉实嘅步伐,面露悲伤而绝望嘅神情,一步步向台中走去。走到台中,梁山伯挪右脚往前轻轻踏咗一步,身体左右轻摇晃咗一下亮相,同锣鼓「嚓」嘅一声配合得天衣无缝,呢一下就交待咗梁山伯重病在身同埋悲愤嘅心情。呢个时候,佢轻反水袖,缓缓噉起唱打引:「人世无缘同到老,楼台一别两吞声……(反线二王板面)泪似廉外雨,点滴到天明。空房冷冰冰,山伯孤零零。刻骨相思唯有病,一腔恨怨解不胜。梁兄唤你千声不应。(反线二王)好同窗……」一个二王长腔,由强到弱再由弱到强,佢唱得委婉动听,声随情转,顿挫分明。

　　唱到「选婿重金龟」一句,佢加重咗用气,显示出梁山伯嘅愤；「拒婚嫌薄聘」时,佢收窄咗声线,用气息嚟处理唱腔,表现出梁山伯嘅怨。噉样处理,比用高亢嘅长腔更能表现人物,更有说服力,更引人同情。因为梁山伯系文弱书生,佢内心悲大于愤,同祝英台有缘无份,面对强权,开始觉得无奈,「争无计眼看马家郎,隔绝了卿卿」。

　　最精彩系尾段:从骂、恨、哭、到一写而绝命,佢嘅表演由悲泪盈眶到泪如泉涌,双手发抖,脚步跄踉。唱到激动嘅时候,将双水袖向上一扬,一个仰天长叹既造型,将一个文弱书生既无奈表露无遗。「我梁山伯,我梁山伯到死不忘情!」佢唱完呢句,忽然一个转身倒伏床上。舞台上追光灯照住梁山伯,一幅凄凉临终图呈现眼前……

　　现场一片寂静,剧终,观众如梦初醒,从悲痛嘅情绪反应过来,抹住泪,用热烈嘅掌声感谢带畀佢哋艺术享受嘅偶像——演梁山伯嘅陈笑风。

　　陈笑风系饮誉海内外嘅著名粤剧表演艺术家,佢演出咗好多著名剧目《朱弁回朝》、《六号门》、《大漠英雄》、《梁祝恨史》等,从初出茅庐到耄耋之年,从艺半个世纪以嚟,佢用数百出粤剧大戏成就咗「天王小生」嘅美誉,喺舞台上塑造咗各种个性鲜明嘅人物形象,畀观众留低深刻印象。佢开创嘅「风腔」流派,为粤剧艺术留低咗宝贵嘅财富。

　　讲到「风腔」嘅特点,陈笑风话:「风腔」主要体现喺发口上边,唱嘅时候要控制音色,吐字咬字同形腔嘅时候,要有字重于腔嘅习惯,唱腔系从弱到强再到弱嘅唱法,气息要控制得收放自如,易学难精哦。

 

http://www.nanfangdaily.com.cn/epaper/nfds/content/20080404/ArticelB13004FM.htm

卢总

　　舞台上嘅天鹅绒幕布徐徐拉开,观众席鸦雀无声,「风腔」艺术专场《山伯临终》开始嘞。

　　一阵开场锣鼓,只见身着白色海青,头扎白布水发嘅梁山伯,迈住沉实嘅步伐,面露悲伤而绝望嘅神情,一步步向台中走去。走到台中,梁山伯挪右脚往前轻轻踏咗一步,身体左右轻摇晃咗一下亮相,同锣鼓「嚓」嘅一声配合得天衣无缝,呢一下就交待咗梁山伯重病在身同埋悲愤嘅心情。呢个时候,佢轻反水袖,缓缓噉起唱打引:「人世无缘同到老,楼台一别两吞声……(反线二王板面)泪似廉外雨,点滴到天明。空房冷冰冰,山伯孤零零。刻骨相思唯有病,一腔恨怨解不胜。梁兄唤你千声不应。(反线二王)好同窗……」一个二王长腔,由强到弱再由弱到强,佢唱得委婉动听,声随情转,顿挫分明。

　　唱到「选婿重金龟」一句,佢加重咗用气,显示出梁山伯嘅愤；「拒婚嫌薄聘」时,佢收窄咗声线,用气息嚟处理唱腔,表现出梁山伯嘅怨。噉样处理,比用高亢嘅长腔更能表现人物,更有说服力,更引人同情。因为梁山伯系文弱书生,佢内心悲大于愤,同祝英台有缘无份,面对强权,开始觉得无奈,「争无计眼看马家郎,隔绝了卿卿」。

　　最精彩系尾段:从骂、恨、哭、到一写而绝命,佢嘅表演由悲泪盈眶到泪如泉涌,双手发抖,脚步跄踉。唱到激动嘅时候,将双水袖向上一扬,一个仰天长叹既造型,将一个文弱书生既无奈表露无遗。「我梁山伯,我梁山伯到死不忘情!」佢唱完呢句,忽然一个转身倒伏床上。舞台上追光灯照住梁山伯,一幅凄凉临终图呈现眼前……

　　现场一片寂静,剧终,观众如梦初醒,从悲痛嘅情绪反应过嚟,抹住泪,用热烈嘅掌声感谢带畀佢哋艺术享受嘅偶像——演梁山伯嘅陈笑风。

　　陈笑风系饮誉海内外嘅著名粤剧表演艺术家,佢演出咗好多著名剧目《朱弁回朝》、《六号门》、《大漠英雄》、《梁祝恨史》等,从初出茅庐到耄耋之年,从艺半个世纪以嚟,佢用数百出粤剧大戏成就咗「天王小生」嘅美誉,喺舞台上塑造咗各种个性鲜明嘅人物形象,留低咗深刻嘅印象畀观众。佢开创嘅「风腔」流派,为粤剧艺术留低咗宝贵嘅财富。［「畀观众留低深刻印象」完全都唔啱广州话嘅语序！］

　　讲到「风腔」嘅特点,陈笑风话:「风腔」主要体现喺发口上边,唱嘅时候要控制音色,吐字咬字同形腔嘅时候,要有字重于腔嘅习惯,唱腔系从弱到强再到弱嘅唱法,气息要控制得收放自如,易学难精哦。

卢总

实用粤语·俗语篇03

□粤语协会专栏

　　【情景】责怪别人不自量力。

　　【例句】月薪得三千蚊就学人供车供楼,冇咁大个头就唔好戴咁大顶帽。(月薪只有三千元就学人家供车供楼,没有这样的能力就不应该勉强。)

　　【解释】若戴上一顶比自己的头大得多的帽子,就会不合衬,而且戴得很辛苦,这句俗语是一个生动的比喻。另外,「学人……」在粤语中很常用,也是指责别人做了本不合适做的事,如「学人拍拖」、「学人食烟」。

 

http://www.nanfangdaily.com.cn/epaper/nfds/content/20080404/ArticelB13005FM.htm

卢总

　　【情景】责怪别人不自量力。

　　【例句】月薪得三千文就学人供车供楼,冇咁大个头就唔好戴咁大顶帽。(月薪只有三千元就学人家供车供楼,没有这样的能力就不应该勉强。)

　　【解释】若戴上一顶比自己的头大得多的帽子,就会不合衬,而且戴得很辛苦,这句俗语是一个生动的比喻。另外,「学人……」在粤语中很常用,也是指责别人做了本不合适做的事,如「学人拍拖」、「学人食烟」。
［「学人……」应该系指「模仿人哋……」，未必就系指责。例如：佢学人开咗间铺做生意，但估唔到生意都几好。］

卢总

怎一个爽字了得

 

广州笔记



□叶晓云

　　成两个几月冇去酒吧喇,寻晚终于得尝所愿,不醉无归。

　　谂返起读书时期未够「称」嗰阵,每次出入酒吧都要经过一轮人证核实,验明正身。守门口个保安相当负责,攞住我张身份证左睇右望,惊死我系冒牌噉,相当唔尊重我嘅肖像尊严权。

　　强劲嘅音乐,爽口嘅啤酒实在太令人向往喇。今晚几抵都要饮到水肿,班同事三二下就要吹喇叭——傻口架!啤酒系用来咁嘥法嘅咩?系都等我High阵先喇,我都重未够勇气跳脱衣舞。

　　几个钟头落来,我个肚畀啤酒搞大咗,脸上重流露出难得嘅「女儿红」添,眼神相当迷离。警惕各位出来豪饮嘅唔怕死人士,此时此刻你需要拥有一个健康嘅膀胱。一杯,二杯,三杯……都重未数清,我就已经尿意正浓喇,同行嘅友人睇来前列腺都唔系太好,我用十分期待嘅目光仇视紧依然深锁嘅「厕所门」,有种想就地解决嘅冲动……

　　我哋终于秉承「浪费可耻」嘅原则,满载而归。

　　酒醉思淫欲。返到宿舍,第一时间梗系除衫喇——喂,细路望咩望?咁细个就咁咸湿,你有前途,正所谓行行出状元,你大个咗唔做色狼就肯定做强奸犯。咪咁心斜喇,我只不过系想冲返个靓凉啫,好煽情咩?

　　啲酒精终于发挥佢应有嘅作用——呕吐,个头同个胃好有默契,步伐一致噉「转紧」。呢铺玩大喇,睇来要「获利回吐」。此情此景我望住个马桶好多遐想——呢晕会唔会酒精中毒身亡,咁污糟都呕唔出点算?喺个马桶度徘徊咗一段长时间之后,我终于决定放弃。毕竟我系个拥有传统美德知悭识俭嘅中国女子。

　　喺咁恶劣嘅环境之下(天旋地转)确实系难于入睡,唯有安慰自己发梦坐紧过山车喇,唔使钱坐到晕,抵喇!

　　饮醉咗「爽」,冇做坏事「蚀」。

 

http://www.nanfangdaily.com.cn/epaper/nfds/content/20080404/ArticelB13006FM.htm

卢总

　　成两个几月冇去酒吧喇,寻晚终于得尝所愿,不醉无归。

　　谂返起读书时期未够「称」嗰阵,每次出入酒吧都要经过一轮人证核实,验明正身。守门口个保安相当负责,攞住我张身份证左睇右望,惊死我系冒牌噉,相当唔尊重我嘅肖像尊严权。

　　强劲嘅音乐,爽口嘅啤酒实在太令人向往喇。今晚几歹都要饮到水肿,班同事三两下就要吹喇叭——傻口架!啤酒系用嚟噉嘥法嘅咩?系都等我High阵先啦,我都重未够勇气跳脱衣舞。

　　几个钟头落嚟,我个肚畀啤酒搞大咗,面上重流露出难得嘅「女儿红」添,眼神相当迷离。警惕各位出嚟豪饮嘅唔怕死人士,此时此刻你需要拥有一个健康嘅膀胱。一杯,两杯,三杯……都重未数清,我就已经尿意正浓喇,同行嘅友人睇嚟前列腺都唔系太好,我用十分期待嘅目光仇视紧依然深锁嘅「厕所门」,有种想就地解决嘅冲动……

　　我哋终于秉承「浪费可耻」嘅原则,满载而归。

　　酒醉思淫欲。返到宿舍,第一时间梗系除衫啦——喂,细路望咩望?咁细个就咁咸湿,你有前途,正所谓行行出状元,你大个咗唔做色狼就肯定做强奸犯。咪咁心邪喇,我只不过系想冲番个靓凉啫,好煽情咩?

　　啲酒精终于发挥佢应有嘅作用——呕吐,个头同个胃好有默契,步伐一致噉「转紧」。呢铺玩大喇,睇嚟要「获利回吐」。此情此景我望住个马桶好多遐想——呢匀会唔会酒精中毒身亡,咁污糟都呕唔出点算?喺个马桶度徘徊咗一段长时间之后,我终于决定放弃。毕竟我系个拥有传统美德知悭识俭嘅中国女子。

　　喺咁恶劣嘅环境之下(天旋地转)确实系难于入睡,唯有安慰自己发梦坐紧过山车喇,唔使钱坐到晕,抵喇!

　　饮醉咗「爽」,冇做坏事「蚀」。

鑊鑊金

原帖由 卢总 於 2008-4-7 03:51 發表 　　1.中山四路、中山五路,拆到而家重系「一碟斋」噉,旧嘅去咗嘞,新嘅应该系「不尽长江滚滚来」,而家我哋见到嘅呢,只不过系啲银纸向唔知乜嘢人滚滚去,而且重系靠「滚红滚绿」噉滚来滚去,大小马站书院群就系一个例证 ...

 

暢 散紙 ？ 

卢总

「唱」或者「畅」散纸其实都系一个拟音，估计系从英文嘅「ｃｈａｎｇｅ「而嚟，所以我帮佢加双引号。

Lucciora

不留都係暢散紙