每日一句粵語改為每週一句﹖

dada

多謝幾位管理員辛辛苦苦重開論壇﹐可喜可賀。

如果《每日一句與粵語有關之古詩詞》重有人關注﹐我當然儘可能繼續參與。不過﹐發咗近五百句之後﹐詞句越嚟越難搵﹐有時兩三個鐘頭都搵唔到一句。如果堅持每日一句﹐壓力太大就會減低興趣﹐又要我放棄太多嘢﹐唔係值得。所以我諗住每個禮拜淨發一句﹐希望大家明白。

唔知使唔使開一個新主題呢﹖

highyun

每週一句更好，一來你唔需要咁辛苦，二來亦可以畀啲時間有興趣嘅人針對每週嘅主題去討論。

我建議以後嘅形式係每句開一個新主題畀人討論，同時亦更新到連載嗰個帖作為資料滙總。

 

辛苦晒dada！

卢总

有压力，未解决！

dada

每次開一個新主題俾人討論﹐原則上係好。不過﹐唔一定每句都有人討論﹐就算有都唔一定要將討論加入連載主題。

重有﹐《每日一句與粵語有關之古詩詞列表》有每句發帖日期同時間。如果有獨立主題﹐就唔知邊個日期為準﹐獨立嗰個抑或連載嗰個。

既然繼續更新連載主題﹐不如直接貼喺連載主題入便。有討論就每次開一個新主題﹐例如《[討論]與粵語有關之古詩詞﹕X》之類。如果冇異議﹐我一於噉做。

卢总

人哋超女都「想唱就唱」，所以你想点咪点啰！

唔使问咁多嘅——每个人都可以有自己嘅风格，唔使拘泥于人哋点睇点谂！