|
张瑛，原名张溢生，福建人，１９１９年１月２５号出生于香港，由于喺家族兄弟姊妹中排行第十四，因此圈中人称佢为「十四叔」。
佢系香港粤语片时代嘅演员，李小龙重系童星时经常出现喺佢主演嘅电影中。
佢曾参与同吴楚帆、白燕等创办嘅著名嘅「中联电影企业有限公司」嘅电影工作，包括名作有《家》（１９５３）、《春》（１９５３）、《秋》（１９５４）等。
佢同吴楚帆、张活游、李清并称为当年香港粤语电影「四大小生」，表现出色，可正可邪，除咗文艺片外，亦曾与白燕(饰殷素素)合作参与第一代嘅金庸武侠片「倚天屠龙记」，饰演张翠山一角。
张瑛后来曾加入无线电视，喺７０年代加盟丽的电视，其间亦演出过几部电影。张瑛饰演嘅角色多样化，可为上流社会人物正派中人，如《天蚕变》嘅武当掌门青松、《怒剑鸣》中嘅岳飞后人岳世豪、《湖海争霸录》中嘅张居正、《武侠帝女花》中嘅崇祯等；亦可饰演较为下流嘅奸商或伪君子，如《大地恩情》中嘅嗰位披住儒家孔孟道德衣冠，但行为与卑鄙小人冇太大差别嘅假道学教书先生孙学斋、电影《狂龙》中嘅黑道老大、电影《发钱寒》中嘅投机商人陈千亿等。佢于１９８３年后期喺亚视最后参演嘅作品有《剑仙李白》、《铁胆英雄》等。
张瑛喺丽的担任基本演员时，认万梓良做契仔。１９８４年年底，张瑛与狄龙、谷峰等明星赴美国主演电影《又见冤家》，拍摄完后冇耐就去世。其子张炜亦曾为电视演员，佢写咗一个网页「张瑛与张炜」纪念亡父。 | 
發表於 2008-1-25 03:53:16
發表於 2008-4-8 01:38:32
