２００８年１月 ２３号《南方都市报》

卢总

7·37　宽严得体　

 

　　栋笃论语·述而第七　　
　　
　　□子野专栏　　
　　
　　【原文】子温而厉，威而不猛，恭而安。

　　【译文】孔子嘅为人温和严厉，又有威严，但系一啲都唔恶；对人谦恭，又好安详。

　　【栋笃】前几日，我去某中学开家长会，喺会上，有学校领导同啲家长喊苦喊屈：依家啲学生越嚟越难教，老师就越嚟越难揾食喇。管教唔严，学生唔听你讲，学风就坏，校风就乱，成绩就差——恶性循环啫嘛。于是，家长会话：生不教，师之过。怪老师唔负责任。你管严咗，又好难控制呢个度。依家啲学生哥都学精咗，咪话打佢，就系闹佢一句都唔得，喐下就话你触犯咗《未成年人保护法》，话要报警……总之一句话：宽又唔得，严又唔得。

　　呢个问题，好似两千几年前，孔Sir就做得好好。你睇下佢留喺学生心中嘅印象就知喇：温而厉，威而不猛，恭而安。温和，学生容易亲近你；严厉，学生会服从你；有威严，学生唔敢乱嚟；唔恶，学生最中意。噉样做，其实都系一种中庸之道。把握好呢个度，想唔成为「邹鲁先进工作者」都几难：)

　　失败嘅例子，近排大家睇新闻都知，广州某大学嘅一位博导，畀学生喺网上爆佢虐待学生，搞到公开道歉，当事嘅学生都唔滞。关于呢件事，我唔想多讲，但系我谂，依家嘅大学生，都系识得计得失利弊，「不到最后的关头，不会轻言战斗」口架。嗰位博导，极之有可能，系「厉而不温」、「猛而无威」嘅老师。听讲佢系「生命科学学院」嘅博导，唔知有冇兴趣睇《论语》呢，有嘅话，读到呢一句，可能会有啲特别嘅感觉。

　　孔Sir「温而厉，威而不猛」，讲嘅系对学生，对「下边」啲人；讲到「恭而安」，就应该系对「上边」嘅。恭而安，我嘅理解，就系不卑不亢。对「上边」嘅人，恭，其实系一种礼。孔Sir虽然曾经批评过季氏等权贵，但主要系因为佢哋「越礼」，所以，佢同蔑视权贵嘅庄子有本质上嘅唔同。不过，对「上边」嘅谦恭过咗头，就会变成谄媚——好彩，喺学生嘅印象中，孔Sir又能够保持自己嘅安详，不卑不亢。

　　值得讲多句嘅系，今时今日，我哋睇到嗰啲对下边嘅人「厉而不温」、「猛而无威」嘅人，对上边呢，就会「恭而媚」。唉……性格使然，冇偈喇。

 

 

http://www.nanfangdaily.com.cn/southnews/dd/dsb/B12/200801230412.asp

卢总

　　【原文】子温而厉，威而不猛，恭而安。

　　【译文】孔子嘅为人温和严厉，又有威严，但系一啲都唔恶；对人谦恭，又好安详。

　　【栋笃】前几日，我去某中学开家长会，喺会上，有学校领导同啲家长喊苦喊屈：依家啲学生越嚟越难教，老师就越嚟越难揾食喇。管教唔严，学生唔听你讲，学风就坏，校风就乱，成绩就差——恶性循环啫嘛。于是，家长会话：生不教，师之过。怪老师唔负责任。你管严咗，又好难控制呢个度。依家啲学生哥都学精咗，咪话打佢，就系闹佢一句都唔得，喐下就话你触犯咗《未成年人保护法》，话要报警……总之一句话：宽又唔得，严又唔得。

　　呢个问题，好似两千几年前，孔Sir就做得好好。你睇下佢留喺学生心中嘅印象就知喇：温而厉，威而不猛，恭而安。温和，学生容易亲近你；严厉，学生会服从你；有威严，学生唔敢乱嚟；唔恶，学生最钟意。噉样做，其实都系一种中庸之道。把握好呢个度，想唔成为「邹鲁先进工作者」都几难：)

　　失败嘅例子，近牌大家睇新闻都知，广州某大学嘅一位博导，畀学生喺网上爆佢虐待学生，搞到公开道歉，当事嘅学生都唔制（？）。关于呢件事，我唔想多讲，但系我谂，依家嘅大学生，都系识得计得失利弊，「不到最后的关头，不会轻言战斗」ロ架。嗰位博导，极之有可能，系「厉而不温」、「猛而无威」嘅老师。听讲佢系「生命科学学院」嘅博导，唔知有冇兴趣睇《论语》呢，有嘅话，读到呢一句，可能会有啲特别嘅感觉。

　　孔Sir「温而厉，威而不猛」，讲嘅系对学生，对「下边」啲人；讲到「恭而安」，就应该系对「上边」嘅。恭而安，我嘅理解，就系不卑不亢。对「上边」嘅人，恭，其实系一种礼。孔Sir虽然曾经批评过季氏等权贵，但主要系因为佢哋「越礼」，所以，佢同蔑视权贵嘅庄子有本质上嘅唔同。不过，对「上边」嘅谦恭过咗头，就会变成谄媚——好彩，喺学生嘅印象中，孔Sir又能够保持自己嘅安详，不卑不亢。

　　值得讲多句嘅系，今时今日，我哋睇到嗰啲对下边嘅人「厉而不温」、「猛而无威」嘅人，对上边呢，就会「恭而媚」。唉……性格使然，冇偈喇。

卢总

　　同声同气　　
　　
　　□阿展专栏　　
　　
　　1.搬个鱼缸上楼要30蚊，你唔好去抢？(搬个鱼缸上楼要30块，你不如去抢？)

　　——小区搬来一新住户，要把一大鱼缸搬上楼，叫来附近正在打牌的外省民工帮忙，民工开价要30元，还价后，20元搞定。

　　2.我过完元旦返去第一日就炒咗老细啦，依家不知几叹。我唔急嘅，咪过咗年先揾过啰。(我过了元旦回去第一天就炒了老板啦，现在不知道多舒服。我不急的，过了年再找吧。)

　　——麦当劳里，一个靓仔对他朋友这样说。

　　3.寻日仲好地地嘅，夜晚就唔听我电话。今朝一早畀电话过来嘈醒我，仲以为有咩事啦，点知佢话：「以后唔好揾我，我哋散啦。」问佢理由又唔讲。就算分手都等我瞓够先啦，好唔好？不过就点都瞓唔返着喇。(昨天还好好的，晚上就不听我电话。今天一早打电话过来嘈醒我，还以为有什么事啦，谁知道她说：以后不要再找我，我们散了吧。问她理由又不讲。就算分手都等我睡够再讲，好不好？不过就再也睡不着了。)

　　——一个年轻人在茶餐厅向朋友诉说自己的苦况。　　

 

http://www.nanfangdaily.com.cn/southnews/dd/dsb/B12/200801230415.asp

卢总

　　1.搬个鱼缸上楼要30文，你唔好去抢？(搬个鱼缸上楼要30块，你不如去抢？)

　　——小区搬来一新住户，要把一大鱼缸搬上楼，叫来附近正在打牌的外省民工帮忙，民工开价要30元，还价后，20元搞定。

　　2.我过完元旦返去第一日就炒咗老世啦，依家不知几叹。我唔急嘅，咪过咗年先揾过啰。(我过了元旦回去第一天就炒了老板啦，现在不知道多舒服。我不急的，过了年再找吧。)

　　——麦当劳里，一个靓仔对他朋友这样说。

　　3.寻日重好地地嘅，夜晚就唔听我电话。今朝一早畀电话过嚟嘈醒我，重以为有咩事啦，点知佢话：「以后唔好揾我，我哋散啦。」问佢理由又唔讲。就算分手都等我瞓够先啦，好唔好？不过就点都瞓唔返着喇。(昨天还好好的，晚上就不听我电话。今天一早打电话过来嘈醒我，还以为有什么事啦，谁知道她说：以后不要再找我，我们散了吧。问她理由又不讲。就算分手都等我睡够再讲，好不好？不过就再也睡不着了。)

　　——一个年轻人在茶餐厅向朋友诉说自己的苦况。　　

卢总

　　街坊话事　　
　　
　　□冯富华　　
　　
　　周姨：何姨，你睇下，呢啲电话亭都冇人用嘅，点解会有人嚟同佢洗白白，搞到干干净净，攞嚟做样啫？

　　何姨：话又唔系噉讲，呢啲IC卡电话亭，有成七八年历史，喺度摆下都好，而且亦都未必冇用嘅。

　　周姨：依家好多人都有手机喇，噉呢啲IC卡电话亭仲有乜用啵？

　　何姨：有啲外来打工仔打工妹，佢哋初来埗到，打个电话返屋企报平安都几好口架。

　　周姨：噉又有几何啵！

　　何姨：仲有啲学生仔，屋企唔系好有钱，买唔起手机，呢啲噉嘅IC卡电话亭就方便佢哋啰。

　　周姨：话就系噉讲啫，但系呢啲电话亭嘅保养，要使唔少钱，噉梗系要计下佢值唔值先得啦。

　　何姨：呢啲电话亭保留喺压度值唔值就见仁见智咯。比方话，遇到火烛，遇到有人抢嘢，你手上就算冇IC卡，都可以用呢啲电话亭报警，你话啦，呢啲电话亭保留喺道值唔值呢？

　　周姨：噉嘅情况又有几何啫，为噉样嘅意外通街摆啲电话亭，好冇必要啫。

　　何姨：为防万一嘅支出，好难计算佢嘅价值。好似你买份保险噉，你话值唔值吖？冇事嗰时，你话啲钱攞嚟，有事嗰时，你就话值。所以我话呢啲电话亭要保留好，就算喺平时冇人用，万一遇到啲乜冬瓜豆腐，佢嘅作用就唔讲得笑啦。

　　周姨：我懒得同你讲，呢单嘢唔关你事，唔关我事，都无谓嘈啰。

　　何姨：噉又系，我哋嘈嚟都冇用。不过，如果问我嘅话，梗系保留好啦。　

 

 

http://www.nanfangdaily.com.cn/southnews/dd/dsb/B12/200801230416.asp

卢总

　　周姨：何姨，你睇下，呢啲电话亭都冇人用嘅，点解会有人嚟同佢洗白白，搞到干干净净，攞嚟做样啫？

　　何姨：话又唔系噉讲，呢啲IC卡电话亭，有成七八年历史，喺度摆下都好，而且亦都未必冇用嘅。［查实，ＩＣ卡电话亭应该有超过十年嘅历史。］

　　周姨：依家好多人都有手机喇，噉呢啲IC卡电话亭重有乜用噃？

　　何姨：有啲外来打工仔打工妹，佢哋初来暴到，打个电话返屋企报平安都几好ロ架。

　　周姨：噉又有几何噃！

　　何姨：重有啲学生仔，屋企唔系好有钱，买唔起手机，呢啲噉嘅IC卡电话亭就方便佢哋啰。

　　周姨：话就系噉讲啫，但系呢啲电话亭嘅保养，要使唔少钱，噉梗系要计下佢值唔值先得啦。

　　何姨：呢啲电话亭保留喺压（？）度值唔值就见仁见智咯。比方话，遇到火烛，遇到有人抢嘢，你手上就算冇IC卡，都可以用呢啲电话亭报警，你话啦，呢啲电话亭保留喺道值唔值呢？

　　周姨：噉嘅情况又有几何啫，为噉样嘅意外通街摆啲电话亭，好冇必要啫。

　　何姨：为防万一嘅支出，好难计算佢嘅价值。好似你买份保险噉，你话值唔值吖？冇事嗰时，你话啲钱攞嚟（？系唔系漏咗字词呢？），有事嗰时，你就话值。所以我话呢啲电话亭要保留好，就算喺平时冇人用，万一遇到啲乜冬瓜豆腐，佢嘅作用就唔讲得笑啦。

　　周姨：我懒得同你讲，呢单嘢唔关你事，唔关我事，都无谓嘈啰。

　　何姨：噉又系，我哋嘈嚟都冇用。不过，如果问我嘅话，梗系保留好啦。