卢总请食饭，之后有得玩！

卢总

　　奉天承运，卢总讲嘢：

 

　　寡人（因为中馈犹虚，故名之）近日遍查黄历，发现戊子年甲寅月庚辰日为祈福、会友、裁衣之黄道吉日，遂于当日（即正月初四）午时，设席于同福中路牛奶厂街二圣宫前２～８号佛世界素食五楼，会同各方同好，把盏言欢，共襄善举。

 

　　敬希各方同好届时拔冗出席，共度一个愉快嘅周日！

卢总

　　当日，卢总会自资若干垫底，然后每位入场自动「科水」卅文，多畀唔拘，最后埋单有余则捐作协会运作开支之用。

 

　　另外，每人自备礼物一份，价值大约为十至二十文即可，最多唔好超过三十——当然，你整份成百上千嘅都唔会有人话你。此礼物用于抽签交换之用，故此希望以实用、有意义为主！

 

　　届时可能重会有抽奖或者拍卖，拍卖所得同样会捐畀协会支用。边位善长仁翁有好嘢可以捐出嚟作慈善用途嘅，最好就提前讲声，以便作准备。

 

　　饭后，我哋会移师往附近嘅海幢公园参观千年古刹，并且玩游戏增进彼此间嘅了解同友谊，所以希望各方同好唔好错过呢个有得玩、有得食、有嘢学、有礼物收，重可以献爱心，一举起码五得嘅活动！

Kathy

嘩~~~節目好吸引~~~~~~~~仲有交換禮物環節(小學中學每年一次, 但而家無LU)

 

 

粤语卫士

   盧總既已頒下聖旨，大家齊齊響應！  

粤语卫士

原帖由 kennyyuan 於 2008-1-23 21:00 發表

kennyyuan，你貼出來嘅圖片我一張都見唔到，淨係對住幾個紅色交叉。 

lhk

拍賣？哈哈，唔好玩喇！有咩奇珍異寶先。
初五考試，初四o黎唔到，大家玩得開心啲。

卢总

原帖由 Kathy 於 2008-1-23 11:23 PM 發表 嘩~~~節目好吸引~~~~~~~~仲有交換禮物環節(小學中學每年一次, 但而家無LU)    

噉由我卢总搞嘅节目当然就有番咁上下好玩嘅！

如果唔系，人哋杭州嘅中国博客网呢个礼拜六嚟广州搞聚会又点会揾我帮手呢？

你初四嚟唔嚟？

卢总

原帖由 粤语卫士 於 2008-1-24 01:00 AM 發表    盧總既已頒下聖旨，大家齊齊響應！  

奉天承运，只系「卢总讲嘢」，并非「皇帝诏曰」，所以并冇咩「圣旨」——各位都唔使指望嗰日嘅餸里面会有「蛏子」，连「带子」都唔会有！

 

噉你粤士会唔会走嚟出席？

顺德水蛇粥

「阴」此！

kennyyuan

原帖由 粤语卫士 於 2008-1-24 01:03 發表 kennyyuan，你貼出來嘅圖片我一張都見唔到，淨係對住幾個紅色交叉。 

唔系呱,我呢头张张都睇得好清楚啊.

粤语卫士

原帖由 卢总 於 2008-1-24 02:32 發表 奉天承运，只系「卢总讲嘢」，并非「皇帝诏曰」，所以并冇咩「圣旨」——各位都唔使指望嗰日嘅餸里面会有「蛏子」，连「带子」都唔会有！   噉你粤士会唔会走嚟出席？ ...

 

  一時唔記得加引號——『聖旨』。

  我初四應該得閒。

광동민국

希望能抽空來穗與各路英雄相聚及交流心得!

帶２蔬蕉嚟當禮物得唔得啊？盧總！

 

盧總真系好嘢，常積極推廣環保素食，甚至請宴亦選定素食菜譜，如此做法，可對動物得到應有嘅生命．

如佛陀說：施慈悲於眾生，施無畏於眾生，施安樂於眾生．蓄生亦是一種眾生付之一，應與善待．多造善業，福不唐捐，必定福有悠歸！！

 

광동민국致意！

pippo

佛世界啲嘢好食，海幢公園好耐冇去過喇，期望嗰日得閑。

柳寻风

无聊路过.

粤语卫士

原帖由 kennyyuan 於 2008-1-24 11:25 發表 唔系呱,我呢头张张都睇得好清楚啊.

 

kennyyuan，你電腦入便嘅圖片你梗係睇得清楚喇，啲圖片根本就未上載到論壇（圖片URL——file:///F:/P1030001.JPG），重喺你部腦嘅F區，除咗你之外，再冇其他人睇得到。

卢总

卢总

卢总

walkman2k

我睇唔到圖~ 淨系睇到:

附件: 您所在的用戶組無法下載或查看附件

羊城惜花人

食飯玩遊戲就唔去嘞~

你話去幼兒園採訪就預我一份~