【原創】我認為應該重提「粵語標準化」問題

Jake_ct

我認為「粵語標準化」係粵語生存、發展必由之路，不能跨過，除非大家甘心粵語永遠做二等文字。你嘅母語做二等文字，你自己係咩人，自己清楚。

 

我好反對一種哲學，廣東人經常顯現出嚟嘅價值觀：既然冇絕對標準滿足所有人，就順其自然。

呢個純粹係「和稀泥」嘅哲學觀，完全不科學。

 

其實你睇返西方人嘅哲學觀就係：冇錯，真理到最后不可知，但不妨礙人類追求真理、逼近真理。人嘅所知有限，邊個都無法話「我就係真理」，但唔代表人類唔可以建立一套逼近真理嘅程序。

 

例如你睇西方法律，佢追求嘅就係作為程序上嘅「正義」，而非中國包拯式嘅絕對徹底嘅正義，其結果係一但追求正義嘅成本過大——例如在網上或網下討論，一但別人不接受，可能就會爆發口角——就走向一個極端，就係：由得佢啦！結果大Q家都喺度「和稀泥」！中國嘅政治就係咁Q樣，永遠都係咁Q樣，一係就大家都對社會不公義默許，一係就導向變態嘅列寧式暴力正義，呢個係近代，古時候就係農民革命，破壞封建文明體系。

 

大家唔可以咁噶，大家要團結，要對自己有信心，快啲重新喚起對建立「標準化粵語」嘅熱情。

呢個討論冇一個結果，我地會永遠停滯不前，永遠喺網上意淫。

 

大家要記住，而家唔係要討論一個結果，係要討論一個程序啊，我最近翻譯完哈里臺詞，下一步就準備朝著呢個目標出發。會好耗費時間，不過我希望能夠有所得，到時候nik（一時間唔記得點打：P）上嚟與諸位討論。

 

 

 

 

 

 

 

Jake_ct

最大鑊係，而家二等文都冇得你做，你同維吾爾文、藏文比，三四等啦！

不前進，我地就等著滅亡！

jowett

支持，拥护，顶！

Lucciora

其實好多人同一呢一點，但係去到細嘅學術問題上，唔同意見嘅人鬥到你死我活......

中二仔

原帖由 Jake_ct 於 2008-1-21 17:43 發表

我認為「粵語標準化」係粵語生存、發展必由之路，不能跨過，除非大家甘心粵語永遠做二等文字。你嘅母語做二等文字，你自己係咩人，自己清楚。

 

我好反對一種哲學，廣東人經常顯現出嚟嘅價值觀：既然冇絕對標準滿足所有人，就順其自然。

呢個純粹係「和稀泥」嘅哲學觀，完全不科學。

 

其實你睇返西方人嘅哲學觀就係：冇錯，真理到最后不可知，但不妨礙人類追求真理、逼近真理。人嘅所知有限，邊個都無法話「我就係真理」，但唔代表人類唔可以建立一套逼近真理嘅程序。

 

例如你睇西方法律，佢追求嘅就係作為程序上嘅「正義」，而非中國包拯式嘅絕對徹底嘅正義，其結果係一但追求正義嘅成本過大——例如在網上或網下討論，一但別人不接受，可能就會爆發口角——就走向一個極端，就係：由得佢啦！結果大Q家都喺度「和稀泥」！中國嘅政治就係咁Q樣，永遠都係咁Q樣，一係就大家都對社會不公義默許，一係就導向變態嘅列寧式暴力正義，呢個係近代，古時候就係農民革命，破壞封建文明體系。

 

大家唔可以咁噶，大家要團結，要對自己有信心，快啲重新喚起對建立「標準化粵語」嘅熱情。

呢個討論冇一個結果，我地會永遠停滯不前，永遠喺網上意淫。

 

大家要記住，而家唔係要討論一個結果，係要討論一個程序啊，我最近翻譯完哈里臺詞，下一步就準備朝著呢個目標出發。會好耗費時間，不過我希望能夠有所得，到時候nik（一時間唔記得點打：P）上嚟與諸位討論。

首先,我覺得「標準化」同咩生存,發展無乜直接關係.

所謂咩幾等幾等,邊個講咖??一同二又乜嘢分別???分別就係要付出"守規範"嘅代價(同殺方言無分別)>>>唔應該有人在乎

 

順其自然根本就係自然嘅事,我絕對唔希望粵語都淪落到好似官話咁,要守既定嘅規範,標準.

又咩唔科學,粵語同科學又有咩關係???怎樣科學法???

跟住又扯到去人哋嗌交.......,同粵語都唔知有乜嘢關係........

雲天河

建議，不如搞個粵字規範化嘅帖，試試將粵字規範。

 

標準就係，參考古字（有正字本字並且比較簡單的就用），冇嘅話，就造。

Jake_ct

中二仔，可能你唔係喺大陸，真係好難理解呢樣嘢。

 

不過多謝嗰啲支持呢個提法嘅朋友。我要以后先有時間慢慢寫我嘅想法出嚟嘞。

 

當然會有爭論，所以更要討論出一個大家同意嘅「程序」。我都非常同意，冇嘅字就造！其實呢個牽涉到承認粵語獨立與北方語的問題，實質上已經造咗唔少。好似「嚟」，其實本字肯定係「來」，但就算粵協都唔會提倡人地用返「來」啦，難道「佢」用返「渠」字咩！一者，有時候本字落后，不適合粵人的讀音需求，二者，糾枉過正（唔知道有冇寫錯，sorry）的話根本就係矮化粵語，自卑感作怪，下下要搵到漢字字源才肯罷休。粵語至少有小部分是直接來自我們的另一半祖先的——百越語。

卢总

好明显，「糾枉過正」系错嘅，你应该系受咗普通话影响，应该系「矫枉过正」先啱！

中二仔

原帖由 Jake_ct 於 2008-1-24 18:11 發表 中二仔，可能你唔係喺大陸，真係好難理解呢樣嘢。   不過多謝嗰啲支持呢個提法嘅朋友。我要以后先有時間慢慢寫我嘅想法出嚟嘞。   當然會有爭論，所以更要討論出一個大家同意嘅「程序」。我都非常同意，冇嘅字就造 ...

我承認我唔了解.

不過我覺得就算推廣到都唔一定有用.

而且如何制定本身已經係一個又大又有爭議嘅問題

 

不過我都係想知怎解要推行,重有怎解??

有咩作用?

唔該!

羊城惜花人

來源於民間嘅嘢係冇標準嘅，強行標準化等於扼殺，你嘅行為同「磷化二碳」冇咩區別~

卢总

哈哈哈！顶你个「磷化二碳」！哈哈哈！

芬1012

我都唔贊成「標準化」，

所謂「標準化」，唔係同撈話嘅做法一鬼樣咩？

鑊鑊金

原帖由 卢总 於 2008-1-24 19:30 發表 哈哈哈！顶你个「磷化二碳」！哈哈哈！

 

有意思！以後就用呢個詞！~~

思覺失調

原帖由 羊城惜花人 於 2008-1-24 19:26 發表 來源於民間嘅嘢係冇標準嘅，強行標準化等於扼殺，你嘅行為同「磷化二碳」冇咩區別~

 

好一個磷化二碳！！！！

h0429636

原帖由 中二仔 於 2008-1-24 18:53 發表 我承認我唔了解. 不過我覺得就算推廣到都唔一定有用. 而且如何制定本身已經係一個又大又有爭議嘅問題   不過我都係想知怎解要推行,重有怎解?? 有咩作用? 唔該! ...

 

 

我贊成標準化，但係其後只係作一個參考作用

其實點解咁多人都咁怕標準化架？有個參考，但唔代表要迫你用喎，唔好成日講到會被人逼迫噉

 

我所贊成嘅標準化，就好似上完堂學咗好多嘢，返屋企重新組織下，方便下次溫書用

 

例如，英文都係有一定嘅標準，但係，係唔係代表所有人所寫所講嘅都一模一樣呢？

就好似同一類種子（標準化後嘅粵語），種喺唔同嘅地方，出來嘅果實可以有唔同，但各有千秋

 

再加上，適量嘅標準化絕對有助洋人學習，咁又何樂而不為呢？

中二仔

原帖由 h0429636 於 2008-4-18 16:27 發表     我贊成標準化，但係其後只係作一個參考作用其實點解咁多人都咁怕標準化架？有個參考，但唔代表要迫你用喎，唔好成日講到會被人逼迫噉   我所贊成嘅標準化，就好似上完堂學咗好多嘢，返屋企重新組織下，方便 ...

嘥氣啦~

家下唔係已經公認「廣州」同「港澳」兩派為「標準粵語」?

你唔曉參考??

重想怎「標準化」?

 

邊個怕「標準化」?只不過唔想去做無聊嘢~

 

(你嗰個好似係「定下標準」,而唔係「標準化」)

[ 本帖最後由 中二仔 於 2008-4-19 12:47 編輯 ]

h0429636

原帖由 中二仔 於 2008-4-19 12:46 發表 嘥氣啦~ 家下唔係已經公認「廣州」同「港澳」兩派為「標準粵語」? 你唔曉參考?? 重想怎「標準化」?   邊個怕「標準化」?只不過唔想去做無聊嘢~   (你嗰個好似係「定下標準」,而唔係「標準化」) ...

 

我嘅意思係標準化粵語字

keepergz

梗係标准写正字好.

咪畀的北捞以<<文字法>>作攻击的借口

中二仔

原帖由 h0429636 於 2008-4-20 03:51 發表   我嘅意思係標準化粵語字

原來係咁.........

我都贊成.........

只不過難度極高...................................

h0429636

其實係唔係已經進行緊？

若果未，我哋有無嘢可以做到，令到佢成事？