「群」vs「羣」

ngan

  [公告]關於申請入「粵文化自由講」QQ羣嘅規定   1 2 3

 

我認為"羣"字應該係"群"，我中文識得少，我真係未見過有"羣"呢個字嘅用法。係我錯定係"羣"真係有錯？

 

 

 

＝＝

e+識喇。多X大家。　（thank you -- 多"Ｘ"<--個字點打？）

[ 本帖最後由 馬萬千 於 2008-1-20 11:08 編輯 ]

dada

「羣」係異體字﹐唔係錯字。

東漢《說文》時候寫「羣」﹕「羣﹐輩也，從羊君聲。」

「群」係後出嘅俗字﹐但係可能因為字體平衡﹐反而變為正字﹐「羣」降為異體字。

我自細寫「羣」﹐但係我用嘅輸入法唔識「羣」﹐「群」又係正字﹐所以都寫「群」。

中二仔

對住一个根本對漢字無大認識嘅人講字,唉......

 

家下香港半守舊嘅敎科書多數都係寫"羣"..

 

如果用你嘅標準,

敎錯教啱,卽錯即啱,旣錯既啱,沈錯沉啱,,係咪呀?

[ 本帖最後由 中二仔 於 2008-1-19 17:03 編輯 ]

外外星人

 「羣」真係有錯？

 

睇下啲书法家写字就知啦！

 

用繁体字（正体字）写字嘅时候，我都习惯用「羣」，出处我就唔识讲，读得书少啰，但系我知道系冇错嘅！

lhk

啱好影過，香港好多舊式嘅路牌都保留咗「羣」嘅寫法，新嘅就寫「群」喇。

馬萬千

真係...沒文化。

咁你實未見過「省畧」、「燒鵞」、「胷襟」啦

古人打掂行文，左右結構好易寫過第二行，就多用上下結構嘅字。

今人打橫行文，上下結構先易寫出界，咁就改成左右結構。

ngan

漢字識少d唔一定係冇文化嘅，呢個字我之前冇見過，加上寫法同"群"好似而且在句子的用法應該係平時自己見到嘅"群"一樣。

我係外國長大對漢子認識一定冇大家咁深。但係討論區嘅意義就係討論，如果照樓上某d朋友咁，我諗討論區都唔使討論ｌｏｒ。

討論，就係因為有異議，錯嘅可以直接話錯，唔使講人哋冇文化。冇人真係蠢嘅，懶就有。

e+ d竹升仔冇幾個識睇中文，大家鼓勵下我喇。

Kathy

哈哈~~~阿ngan, 部分會員慣咗用激脹法去激勵你啫...

 

 

應該鼓勵一下ngan嘅~~繼續努力學中文啦~

 

呢個論壇會有好多熱心嘅人幫你...

 

馬萬千

原帖由 ngan 於 2008-1-20 10:22 發表 漢字識少d唔一定係冇文化嘅，呢個字我之前冇見過，加上寫法同"群"好似而且在句子的用法應該係平時自己見到嘅"群"一樣。我係外國長大對漢子認識一定冇大家咁深。但係討論區嘅意義就係討論，如果照樓上某d朋友咁，我諗討論區 ...

 

我講下笑啫唔好上心。

為咗方便人哋搜索, 我同你張帖set咗第個標題。

ngan

hm..　thx la！

 

Ngan係我個姓，鬼佬唔係好識讀，打輕鬆要打"ngaan"。

中二仔

原帖由 ngan 於 2008-1-20 10:22 發表 漢字識少d唔一定係冇文化嘅，呢個字我之前冇見過，加上寫法同"群"好似而且在句子的用法應該係平時自己見到嘅"群"一樣。

我係外國長大對漢子認識一定冇大家咁深。

但係討論區嘅意義就係討論，如果照樓上某d朋友咁，我諗討論區 ...

原帖由 Kathy 於 2008-1-20 10:46 發表 哈哈~~~阿ngan, 部分會員慣咗用激脹法去激勵你啫...  

應該鼓勵一下ngan嘅~~繼續努力學中文啦~   呢個論壇會有好多熱心嘅人幫你...  

我都講得太激,希望ngan原諒

hyq1024k

原帖由 馬萬千 於 2008-1-19 19:58 發表 真係...沒文化。咁你實未見過「省畧」、「燒鵞」、「胷襟」啦古人打掂行文，左右結構好易寫過第二行，就多用上下結構嘅字。今人打橫行文，上下結構先易寫出界，咁就改成左右結構。 ...

呢嗰正解！

李四

我幾十年前細個讀書時，先生（佢讀書入學時係光緒年間）教寫羣，以前睇書都係寫羣。後來用電腦後，有一段長時間大五碼冇個羣字，至被迫用群。