論壇擬開設板塊意見徵集及版主招聘

UngooChan

綜合近來論壇內外嘅各種意見，擬增設以下幾個板塊：

 

粵讀版（版名待定）

內容：詩、詞、古文、現代文嘅名篇朗讀或講古、教學等，可用廣州話朗讀，亦歡迎切磋其它語言。可自錄，亦可共享其它人嘅錄音。

 

子方言版（有網友反對「子方言」嘅叫法，故版名有待斟酌）

內容：討論粵語區除廣州西關口音以外嘅其它方言。

 

翻唱版（版名待定）

粵語歌版共享翻唱歌嘅人越嚟越多，而且未來可能會有一批翻唱友網加入。

 

供求信息版（版名待定）

內容：粵語嘅教、學供求信息、各種同粵語相關物品嘅買賣信息，以後將會同協會嘅淘寶商店密切結合。呢個版係協會取得經濟效益嘅一個途徑。

 

另外，南粵文化、粵語文庫、粵拼字碼及輸入法、資料下載版都缺乏人手打理，歡迎有志者自薦。

 

1、請對版名、版嘅內容，提出你嘅建議。

2、歡迎提出其它可以考慮開設嘅版，請說明理由。

3、歡迎有志者自薦，並簡略叙述你自薦該版嘅原因以及你嘅政綱。

4、唔歡迎搗亂性質嘅回帖，見者即刪！

 

卢总

「南粤文化」应该要尽快分拆上市！

 

「时事光明顶」应该独立出嚟成为一个专门大嘅版块，唔可以归类于「休闲娱乐」。同时增加一个专门评论时事嘅版，提高入门嘅要求。原来嘅时事新闻报道可以适当降低入门要求。当然，顶爷会继续严格把关，既保障各位嘅言论自由，亦唔会畀啲不实嘅报道肆虐横飞！

 

「影视频道」应该独立开嚟，唔应该同「娱乐频道」摆埋一堆，娱乐版应该讲多啲八卦嘢，吸引人流！

 

「休闲娱乐」应该增加饮食同潮流蒲点嘅区域，以丰富内容，吸引人潮。

 

卢总

每个版最少设两个版主。一来可以严格把关，二来可以提高积极性！

 

对于唔合格嘅版主，应该褫夺其职务及权力，或提出警告以儆效尤！

 

经过观察，我推举以下人员担任版主：

 

镬镬金、芬1012、柳寻风、gzshuzhu、pippo、小狼、YJP、粤语卫士、gboss、羊城惜花人、外外星人、饅饅、Yucky豕、bajatvj、禾苗小昭、yesli、廣州人喺圖盧茲、neo、Ken仔、顺德水蛇粥、書生、淋直、Kathy、海幢闲人、一索、大陆灿、bobobian、健飞2008、李四、neogeo……

 

虽然其中有啲人嘅能力尚待提高，但系如果冇机会畀佢哋锻炼，冇人培养佢哋，佢哋又点会进步，我哋嘅力量又点壮大呢？

 

２００８年对于我哋嚟讲系非常重要嘅一年！我可以预见注册人数同访问人数将成几何级数增长，因此我哋一定要增员！而且选拔人才要不拘一格，举贤亦毋需避亲！各位重有咩意见／建议？

余OK

　　版主我都認為唔一定係要出過嚟聚會嘅網友，有啲經常上論壇又好積極發言嘅版友其實都有潛質，對比一啲所謂資格高但九萬年都唔上嚟一次嘅會員好得多。

余OK

　　外語版我推薦增加或替換「????」（廣東民國）為版主，佢曉幾門外語之餘重兼夾積極發帖。

highyun

兩位推薦嘅人當然夠資格，不過最關鍵係佢自己想做，肯承擔。盧總推薦嘅人，可能有相當一部分人都唔肯做版主嘅。

 

我更希望見到有人喺度回帖自薦。

柳寻风

想做。想为粤语（粤协）出啲啲力。

 

不过本人要本事未够本事，要时间又无时间，迟几个月重想返学校回灶添，谂下就想喊。

卢总

压力就即系动力——唔畀多啲动力你，唔畀机会你去试，点可以将你锻炼成伟大嘅反推普战将啊？

馬萬千

粵讀好啊~我專收集粵讀古詩詞呢啲嘢架

速速開

Lucciora

粵讀，正

柳寻风

冇人做，我肯做！

 

我申請做水版版主喇，褪露絲屙屙哥哥出嚟做其他啦。好冇？

gboss

有冇「都市咸情」版？有我實做。

粵讀版都幾好，不過個名麻麻，要斟酌下，叫「粵讀越正」如何？

[ 本帖最後由 gboss 於 2008-1-12 23:28 編輯 ]

yes

版面內容劃分得太細，就會降低每個帖的點擊率和回復率，長遠來說，會打擊發貼人的積極性，最終會影響論壇的人氣。覺得有些板塊需要重新整合以增加帖子的點擊率和回復率。

 

「初級書院」與「高級書院」，「粵語文化」與「粵語文庫」,「影視娛樂」與「閑聊吹水」這些性質相近的版塊可以考慮合並。合並過後，新版塊的內容會得到豐富，而原來各個版塊的支持者也會重新聚集，繼而增加帖子的點擊率。

 

以本人為例,「粵語文化」，「時事光明頂」是我常瀏覽的版塊，而「粵語文庫」卻去得很少。但若把「粵語文化」&「粵語文庫」合並，我在瀏覽「粵語文化」的時候，自然也會順道回復一下原本「粵語文庫」裏面的文章。

 

最後，還是希望重新一下，論壇在沒有足夠的人氣之前，不宜把版面劃分得太細。

[ 本帖最後由 yes 於 2008-1-13 14:15 編輯 ]

yes

翻唱版開設後會有多少人post自己的作品上去？夠不夠支撐一個版塊？翻唱版能否與「粵語歌室」兼容?另外，此貼的其中一個目的是要招聘版主，但似乎版主的職責是什麽卻沒有寫明喔。

芬1012

我做《供求信息》版啦。

 

呢個版凈係準用純粵文書寫。

 

希望越人之間喺現實社會多啲溝通，互相扶助，一齊發展，總之，一齊撐船出海。

 

假使粵協嘅呢個欄目對各位係有幫助嘅，喺獲得收益之余，希望反饋返少少畀粵協。

芬1012

建議《供求信息》包括：

 

各行各業嘅供求信息

 

個人嘅（合法）交易，二手市場

 

請人招工、揾人幫手、自我推荐

 

唔識就問（希望有問必答啦）

 

工作心得

 

...

外外星人

原帖由 卢总 於 2008-1-5 03:08 發表 每个版最少设两个版主。一来可以严格把关，二来可以提高积极性！   对于唔合格嘅版主，应该褫夺其职务及权力，或提出警告以儆效尤！   经过观察，我推举以下人员担任版主：   镬镬金、芬1012、柳寻风、gzshuzhu、pi ...

 

既然卢总推荐，留番个位畀我都唔拘！

不过，有边个版啱我呢？

外外星人

Anl点解唔做版主？

羊城惜花人

自薦擔任南粵文化版版主~

個人認為，粵協再繼續停留喺咬文嚼字呢方面嘅話真係好難做大~

將文化版分為：粵曲\劇、功夫、中醫、民間藝術、茶道等多個方面（再唔係開多個麻雀版都唔區），吸引各方面嘅人才入嚟~

광동민국

原帖由 余OK 於 2008-1-5 20:45 發表 　　外語版我推薦增加或替換「????」（廣東民國）為版主，佢曉幾門外語之餘重兼夾積極發帖。

 

承蒙版主賞識，在下衷心感謝，實感榮幸之至！自發現粵恊以來，如入伊甸園，心靈處，若有所皈依，至

 

於閣下推薦本人為外語版主，本應是當仁不讓之心而為之，無奈本人無睱兼顧，所有發帖，於辦公室內，

 

皆是偷閒而作，而顧主豪不知惰．況且吾非國內人士，難以經常來廣商討制訂粵恊政策，只限於遙控討

 

論．是故暫時未能勝任版主之位，十分抱歉，吾亦非懼怕來自各方之挑戰，實是時間關係，若適當時機，

 

再次毛遂自薦，請給與保留權利．

 

感謝版主錯愛 .

Dear Web Master YU OK,

 

Thank you for your kindly promotion to me on Web Master Position, I regret that I can not take the positon in recent time, cause I'm very busy on my job, but I will apply again for suitable moment later, please reserve the chance  for me again.

Thank you very much for your kindness.

 

Best Regards

광동민국