諧趣中山石歧RAP

광동민국

諧趣中山石歧RAP

 

余OK版主,你試下家鄉啲 " 數白欖 "

 

請一定要用中山石歧話RAP出嚟,先至過癮,包你回味!

 

你個花心佬, 多八寶,

狗上瓦坑有條路，週時成日砂砂滾．

難怪隻雞乸呱呱嘈，八個月以來，

你唔來我度，一旦有新歡，

忘記了舊路 !

vfshurmher

好似石岐話嘅調性決定咗作唔到曲  除非倒字 如果唔倒字 一唱歌就變成廣州話 [ 本帖最後由 vfshurmher 於 2008-1-5 19:33 編輯 ]

卢总

咩叫「作唔曲」、「要除非倒字」？

你系唔系写漏字？抑或写错字？

如果你系写漏字或者写错字，噉就要好好改正嘞；如果你冇写漏字或者写错字，噉就要解释清楚，否则人哋真系不知你所云，更加唔好怪人哋话你呢样或者嗰样。

vfshurmher

原帖由 卢总 於 2008-1-4 16:51 發表 咩叫「作唔曲」、「要除非倒字」？你系唔系写漏字？抑或写错字？如果你系写漏字或者写错字，噉就要好好改正嘞；如果你冇写漏字或者写错字，噉就要解释清楚，否则人哋真系不知你所云，更加唔好怪人哋话你呢样或者嗰样。 ...

大佬所言極是!

余OK

原帖由 vfshurmher 於 2008-1-4 12:58 發表 好似石岐話嘅調性決定咗作唔到曲  除非倒字 如果唔倒字 一唱歌就變成廣州話

　　主要係陽平調同廣州話差別太大，順德話更加係，rap就可以，但攞嚟唱現時所有嘅粵語歌通通都唔叶音。有機會錄低啲大妗婆經典語錄分享吓重好，事關後生都冇幾個講得十分地道嘅方音，正如廣州香港嘅僆仔僆妹幾乎冇邊個唔講懶音。

嶺南散人

我有次同朋友去石岐，我哋同嗰啲售貨員都係講四邑話，結果中山話的「十文」極似四邑話的「三文」，搞到我哋都聼錯晒。

bbQ

原帖由 광동민국 於 2008-1-4 10:07 發表 諧趣中山石歧RAP   余OK版主,你試下家鄉啲 " 數白欖 "   請一定要用中山石歧話RAP出嚟,先至過癮,包你回味!   你個花心佬, 多八寶, 狗上瓦坑有條路，週時成日砂砂滾．難怪隻雞乸呱呱嘈，八個月以來，你唔來 ...

狗上瓦坑有條路 咩意思？

我阿媽個女

用石岐話Rap有乜特別啊~~？？我感覺唔到喔……

광동왕국-08

原帖由 bbQ 於 2008-6-12 10:49 發表 狗上瓦坑有條路 咩意思？

 

喺呢處嚟講,就系形容啲男人去滾,去開條路,知頭知路.但系此句有來處,

 

古時啲屋系用磚牆瓦頂,屋上瓦頂有一條條坑,嗰啲狗公就搵路爬上屋頂嘅瓦坑,與其伴侶.共渡良宵,過情人節

 

因為時時去、去開有條路。所以如此說：狗上瓦坑有條路

 

 

 

 

 

 

 

[ 本帖最後由 광동왕국-08 於 2008-6-18 18:02 編輯 ]