「噉」还是「咁」？

Jake_ct

经常见到南都上面嘅文章，有「噉」字出现。

虽然《广州音字典》认为，「噉」发「敢」音。

 

但我觉得从形音义考量，现时的「噉」实在应该用「咁」代替。因为「噉」古通「啖」，有确实的意思：吃。

粤语字都是来源于古汉字，这点不可不考量。

 

是在看不出用「咁」表两个音（例如：咁（禁）大镬；咁（敢）点算呢），有何问题。

最后说一句，人地香港人都唔会用「噉」表「咁点算呢」个「敢」音呢个字嘅。人地真係唔係乱嚟架。

[ 本帖最後由 Jake_ct 於 2007-12-27 14:04 編輯 ]

dada

講到古義﹐「咁」都唔係好幾多。

《說文》﹕「嗛﹐口有所銜也。從口兼聲。」《集韻》﹕「或作咁。」

《辭海．口部》：「咁，粵方言，謂如此曰咁。」

bajatvj

噉字出现于港产片字幕，亦收录在广州音字典，用不用适随尊便

中二仔

香港人通通用"咁";廣州人分做"噉""咁";而你,想怎都得,無人會話你錯.

---------------------------------------------------

港產片應該都係用咁多,就算係舊嘢都比較少用噉

[ 本帖最後由 中二仔 於 2007-12-28 14:01 編輯 ]

Jake_ct

多谢楼上各位意见！！！

雲天河

廣州話古字太多了。

中二仔

????

乜嘢古字乜嘢多???

雲天河

原帖由 中二仔 於 2008-1-18 17:06 發表 ???? 乜嘢古字乜嘢多???

 

例如噉、咁就係古字。

中二仔

唔係生造就係古字啦.......

羊城惜花人

樓主講得有啲道理~個「噉」字好似真係應該讀「啖」喎~

dada

冇錯﹐「噉」係「啖」嘅異體字。

「咁」呢﹖根據《集韻》、《類篇》、《字彙》、《正字通》﹐「咁」係「嗛」﹐即係「口有所銜也。」

中二仔

簡單來講,都係借字.字係古嘅,不過唔係指廣州話嘅字.

Jake_ct

「咁」呢﹖根據《集韻》、《類篇》、《字彙》、《正字通》﹐「咁」係「嗛」﹐即係「口有所銜也。」

——虽然如此，但大家谂吓：既然間我地談論嘅呢個字——必須強調係「粵字」——係一個存在嘅事實（你可以抽象為一個character），咁樣（抽下水先：）），無論我地搵邊個，正如中三仔話齋，其實我地不過係搵緊一個表示呢個客觀存在嘅字嘅「symbol」（象征、符號）啫嚒。所以，當對應呢個character對應嘅漢字無論從音形都等量嘅情況下時，例如「咁」同「噉」都對應我地所談嘅嗰個字，此時，應該如何取舍呢?

 

我認為，應該考慮到「咁」、「噉」呢兩個漢字作其本義時，呢兩個字嘅使用頻率孰高孰低。當然係取其低者啦，咁樣長遠嚟講，引起歧義嘅機會則可以大大減少。我个人觉得》﹐「咁」作「口有所銜」解释，其频率是不是比起「噉」作其本義解更低呢？其實這些都可以利用電腦統計出嚟。關鍵不是誰對誰錯，而係我地可以討論出一個標準化嘅程序出嚟，呢個係最大嘅意義。

殺人王

無上論壇一牌重討論呢兩個字吖?

亻尔亻門可以白勺....

中二仔

原帖由 Jake_ct 於 2008-1-21 17:30 發表 「咁」呢﹖根據《集韻》、《類篇》、《字彙》、《正字通》﹐「咁」係「嗛」﹐即係「口有所銜也。」 ——虽然如此，但大家谂吓：既然間我地談論嘅呢個字——必須強調係「粵字」——係一個存在嘅事實（你可以抽象為一個character），咁 ...

此時，應該如何取舍呢?

咪就係睇你鍾意用邊個囉