广州电视台将市民、观众一律统称为「街坊」，你点睇？

顺德水蛇粥

各位市民及观众住喺东西南北，点可以称作「街坊」呢？此一称呼，全台主持人、记者出奇咁高度统一，断估系喺业务会上作过硬性规定。作为省城嘅电视台，连「街坊」嘅概念都未搞清，从呢个侧面可睇出，粤语确系式微喇！

Lucciora

係佢自我誇大應用範圍啫

猫妖008

使乜理佢广州电视剧啊，果个乜鬼陈扬，正扮嘢精，仲有系度扮晒文化人，认真呕浦啦~~乱UP24简直可以媲美中央台个件韩乔生啊~~~佢叫大家叫「街坊」，大家就系「街坊」了咩

 

仲有啊，你睇下广州电视台个啲新闻播音啊，粤语都未讲得正啊，乜嘢节目都可以带有口音，新闻节目就一定唔得，所以，广州电视台都系无乜文化嘅台，由佢啦~~~

外外星人

噉先够「和谐」

aae

都吾知你地点解甘好火！
人地中意点讲都吾关你地事啦！你吾中意就转台咯！硬系指指点点人地的不是！
叫街坊有咩吾好？
你去茶楼饮茶叫「小姐」？吾通人地系「小姐」啊？
你开铺头卖野叫「靓仔」「靓女」，吾通个个都系靓仔靚女咩！
叫街坊有几好吖！几亲切啊！我仲意！
这个论坛太多批评的声音了！有点滥！

顺德水蛇粥

原帖由 aae 於 2007-12-27 22:36 發表 都吾知你地点解甘好火！人地中意点讲都吾关你地事啦！你吾中意就转台咯！硬系指指点点人地的不是！叫街坊有咩吾好？你去茶楼饮茶叫「小姐」？吾通人地系「小姐」啊？你开铺头卖野叫「靓仔」「靓女」，吾通个个都系靓仔靚女咩！叫街坊有 ...

错字百出，怪唔知你咁忍得。卢总有嘢做喇！

9413

用「街坊」几啱，合适亲切。「累街坊」就是害人害物，并不是一定指生活的邻居，已经是一个泛指。

顺德水蛇粥

原帖由 9413 於 2007-12-28 11:53 發表 用「街坊」几啱，合适亲切。「累街坊」就是害人害物，并不是一定指生活的邻居，已经是一个泛指。

市民、观众两词有佢本身意义，何须用某词将佢替代？

卢总

错字连篇，词不达意！

唔怪得之，你觉得冚世界都叫「街坊」冇问题啦！

系喇！就嚟嗰啲非洲黑人兄弟、南亚裔大胸姊妹都做埋你「街坊」添喇——够晒「和谐」啦！唔啱将北京同广州嘅距离都拉近啲，叫埋北京市民做「街坊」吖笨！

原帖由 aae 於 2007-12-27 10:36 PM 發表 都吾知你地点解甘好火！人地中意点讲都吾关你地事啦！你吾中意就转台咯！硬系指指点点人地的不是！叫街坊有咩吾好？你去茶楼饮茶叫「小姐」？吾通人地系「小姐」啊？你开铺头卖野叫「靓仔」「靓女」，吾通个个都系靓仔靚女咩！叫街坊有 ...

顺德水蛇粥

原帖由 卢总 於 2007-12-31 12:03 發表 错字连篇，词不达意！唔怪得之，你觉得冚世界都叫「街坊」冇问题啦！系喇！就嚟嗰啲非洲黑人兄弟、南亚裔大胸姊妹都做埋你「街坊」添喇——够晒「和谐」啦！唔啱将北京同广州嘅距离都拉近啲，叫埋北京市民做「街坊」吖笨！ ...

终于有番次同卢生同声同气。

８８８８

我同顺德水蛇粥同卢总都同声同气！

不关云和月

呢个问题已经畀人讲咗好耐嘞，边个去数下一缉节目落嚟佢哋乱噏「街坊」几多次。