畀着你會唔會講「熄電腦」/「熄手機」/「熄機」……？

余OK

　　不知不覺我哋嘅母語嚴重被赤化、歐化，有啲用語完全察覺唔出違背咗地道嘅講法。舉個典型例子，「熄電腦」/「熄手機」/「熄機」，我相信喺大陸粵語區（或喺未來嘅香港澳門），即使強若粵語協會資深成員（對粵語方方面面有較深理解），都會隨大流機械化噉講成「關機」（就算turn off燈、turn off電視重係多數講「熄」），更何況係對自己母語冇幾多認識嘅一般民眾。

　　類似嘅例子重有好多好多，若果你講「熄電腦」「熄手機」「熄機」……周圍啲人可能當你怪鷄、另類，噉你重會唔會堅守自己嘅陣地呢？

Lucciora

而家自己習慣返用「熄」「閂」，做好自己先可以影響人哋

顺德水蛇粥

不能相互替代！熄火、着火，开火、关火。

「关细啲个火」能讲成「熄细啲个火」咩？

Lucciora

可以

顺德水蛇粥

系可以！着火、开火是否同义？

cingsan

總要演變

Lucciora

原帖由 顺德水蛇粥 於 2007-12-24 18:33 發表 系可以！着火、开火是否同义？

 

着火就係着火，開火係開鎗

余OK

原帖由 顺德水蛇粥 於 2007-12-24 18:07 發表 「关细啲个火」能讲成「熄细啲个火」咩？

　　畀「赤化」咗而對自己有懷疑，當然可以，重可以講成「閂細啲火」。

顺德水蛇粥

原帖由 余OK 於 2007-12-24 19:31 發表 　　畀「赤化」咗而對自己有懷疑，當然可以，重可以講成「閂細啲火」。

完全没有怀疑，只是举例，还有熄车，万不能讲成「关车」。

芬1012

有關能量、能源嘅啲嘢就用「著」「熄」，熄燈，熄車，熄機，熄火，熄電腦...

 

有關通道嘅啲嘢就用「開」「閂」，閂窗，閂門，閂閘，閂水喉（閂水掣）...

 

呢啲嘢同「唔該」「多謝」、「諗」「想」等等，都係好細致同埋嚴謹嘅。

 

嗰啲已經撈化赤化嘅朋友請認真注意，大家除咗自己注意之外，重要糾正身邊啲人。

 

粵語啲動詞都係好細致同埋嚴謹嘅，絕對唔允許劣幣淘汰兩幣。

南汉

我乡下无讲「熄」，而是另外一个入声字，不过我家下睇得粤语节目多，觉得讲「熄」更文雅，所以本人亦常用此词。

中二仔

有時用關並無問題,問題就係"熄","閂"就一定要用!

不過當然,你哋上面個情況我唔係好熟.

唔三唔四蠢魚

成帮人都唔知与时俱进嘅，
「粤语」够係普通话啦！广东人叫做「白话」。
「协会」都係普通话喎！广东人叫做「社」。
「官方」更加之係普通话嘞！广东人叫做「阿爷」。
「论坛」，呢个最离谱！我谂广东人揾匀全省都揾唔到呢样建筑！我地广东人不嬲都係响茶楼倾偈咖?！
咁样，你地不如改名做「白话社阿爷茶楼」，咁就认真广东味十足喇！
死嘞！
仲要揿个「发表回复」嘅掣添，我地广东人不嬲净识「答」之嘛！你搞咁多个字把鬼咩？

vincent10

拒絕撈化

饅饅

原帖由 唔三唔四蠢魚 於 2007-12-24 21:02 發表 成帮人都唔知与时俱进嘅，「粤语」够係普通话啦！广东人叫做「白话」。「协会」都係普通话?！广东人叫做「社」。「官方」更加之係普通话嘞！广东人叫做「阿爷」。「论坛」，呢个最离谱！我谂广东人揾匀全省都揾唔到呢样建筑！我地 ...

 

睇咗你啲回覆,

我笑足五分鐘.

 

有一樣嘢叫書面語.

冇尺規不成方圓.

 

英語都有分口語同書面語喇,

更何況博大精深的中華文化?

卢总

原帖由 顺德水蛇粥 於 2007-12-24 06:07 PM 發表 不能相互替代！熄火、着火，开火、关火。「关细啲个火」能讲成「熄细啲个火」咩？

 

原帖由 Lucciora 於 2007-12-24 06:29 PM 發表 可以

 

唔可以！

「熄」除咗系一个动作，重代表一种状态，指火种已经熄灭，冇咗——即系完成时。

所以绝对唔能够话「熄细啲个火」，只可以「关细啲个火」！

Lucciora

係得「熄匙」，冇「熄車」

顺德水蛇粥

原帖由 卢总 於 2007-12-25 01:43 發表     唔可以！「熄」除咗系一个动作，重代表一种状态，指火种已经熄灭，冇咗——即系完成时。所以绝对唔能够话「熄细啲个火」，只可以「关细啲个火」！ ...

可以，熄系有过程嘅！

顺德水蛇粥

原帖由 Lucciora 於 2007-12-25 05:25 發表 係得「熄匙」，冇「熄車」

熄匙，讲得好！不过系港式讲法，大陆冇得睇香港影视片之前，点讲呢？

中二仔

原帖由 唔三唔四蠢魚 於 2007-12-24 21:02 發表 成帮人都唔知与时俱进嘅，「粤语」够係普通话啦！广东人叫做「白话」。「协会」都係普通话?！广东人叫做「社」。「官方」更加之係普通话嘞！广东人叫做「阿爷」。「论坛」，呢个最离谱！我谂广东人揾匀全省都揾唔到呢样建筑！我地 ...

粵語係普通話??協會又係普通話??論壇又係普通話??????

 

你嘅普通話係北話定係漢語嘅總稱???